07 Qarasha, 2019

ASTANA CLUB 2019: «Úlken Eýrazııa: jahandyq yntymaqtastyqtyń jańa qurylymy jolynda»

20 retkórsetildi

Búgin QR Prezıdenti janyndaǵy Ortalyq kommýnıkasııa qyzmetinde «Astana klýbynyń» aldaǵy otyrysyna arnalǵan brıfıng ótti. Elordada halyqaralyq qatynastar salasyndaǵy álemdik deńgeıdegi saıasatkerler, sarapshylar men dıplomattardyń basyn qosqan halyqaralyq pikirtalas alańy osymen besinshi márte ótkiziledi.

Shara spıkerlerleri retinde Qazaqstan Respýblıkasynyń Tuńǵysh Prezıdenti - Elbasy Qory janyndaǵy Álemdik ekonomıka jáne saıasat ınstıtýtynyń (ÁESI) dırektory Erjan Saltybaev, Qazaqstan Respýblıkasy Tuńǵysh Prezıdenti-Elbasy Qorynyń Halyqaralyq baǵdarlamalary Ortalyǵynyń basshysy Qaırat Abýseıtov, sondaı-aq ÁESI sarapshysy Erlan Mádıev qatysty. 

Brıfıngte aldaǵy sharanyń baǵdarlamasy tanystyrylyp, talqyǵa túsetin taqyryptar jarııalandy. «Astana Klýby 2019» basty taqyryby – «Úlken Eýrazııa: jahandyq yntymaqtastyqtyń jańa qurylymy jolynda».

Halyqaralyq deńgeıdegi joǵary talqyǵa 30 eldiń sarapshylary qatysady. Olar qazirgi álemdik tártiptiń kelbetin qaýzap, dúnıejúzilik ekonomıkanyń ahýaly men kún sanap qarqyn alǵan tehnologııalyq jarys máselelerin nazarǵa alady.  Sondaı-aq, ıadrolyq qarýsyzdaný máselesi men Eýrazııa elderi úshin seriktestiktiń jańa formatyn qurý bolashaǵyn talqylaıtyn bolady.

Osy jáne ózge de taqyryptardy quramyna burynǵy memleket jáne úkimet basshylary, mınıstrler, halyqaralyq uıymdardyń bas hatshylary, Nobel syılyǵynyń laýreattary men geosaıasat máselelerindegi bedeldi mamandardy toptastyrǵan «Astana klýbynyń» sarapshylary qaýzaıdy.

Erjan Saltybaev, Álemdik ekonomıka jáne saıasat ınstıtýtynyń dırektory (ÁESI): «Eýrazııada geosaıası qarama-qaıshylyqtyń kúsheıýi baıqalǵandyqtan, yntymaqtastyq pen kelisimdi retteıtin jańa ıdeıalarǵa suranys týyndaıdy. Osy rette «Astana klýby» Úlken Eýrazııadaǵy qaýipsizdik pen yntymaqtastyq máselelerin sheshýdegi qazaqstandyq kózqarasty alǵa tartýda mańyzdy ról atqarady.

«Astana» klýby» aıasynda ótkiziletin negizgi sharalardyń biri - «Úlken Eýrazııany qurý: seriktestiktiń jańa úlgisi» plenarlyq otyrysyna Qazaqstan Respýblıkasynyń Tuńǵysh Prezıdenti-Elbasy N.Á.Nazarbaev qatysady. Atalmysh otyrystyń moderatory - Ulttyq múddeler ortalyǵynyń  prezıdenti, «The National Interest» bedeldi jýrnalynyń baspageri Dmıtrıı Saıms (AQSh).

Kelesi spıkerler óz pikirlerin ortaǵa salady: Beıbitshilik salasyndaǵy Nobel syılyǵynyń laýreaty (2005), MAGATE-niń Bas dırektory (1997-2009) Muhammed Ál-Baradeı, Goldman Sachs International atqarýshy emes tóraǵasy, Eýropalyq komıssııa tóraǵasy (2004-2014 jj.) Joze Manýel Barrozý jáne JP Morgan Chase International basqarma tóraǵasy, Halyqaralyq otyzdyq tobynyń tóraǵasy (G30) Djeıkob Frenkel.

Budan bólek, spıkerler QR Tuńǵysh Prezıdent Qory janyndaǵy ÁESI alańynyń baspasóz ortalyǵynda «Astana klýby» aıasynda ótetin baspasóz-konferensııasy týraly habarlady. 11-shi qarasha kúni baspasóz-konferensııasy barysynda Álemdik ekonomıka jáne saıasat ınstıtýtynyń aýqymdy halyqaralyq zertteý jumysy «Eýrazııa 2020 úshin 10 basty syn-qater» reıtıngisi tanystyrylady.

Zertteý jumysynyń teń avtorlary: Slovenııa Prezıdenti (2007-2012 jj.) Danılo Tıýrk, Karnegı qorynyń vıse-prezıdenti Evan Feıgenbaým (AQSh), sonymen qatar, Reseı saıası zertteýler ortalyǵy keńesiniń tóraǵasy Evgenıı Býjınskıı (Reseı).

«Álem halqynyń 60%, dúnıejúzilik JIО́ 65% jáne energetıkalyq resýrstardyń 75% shoǵyrlanǵan jer sharynyń iri qurlyǵy Eýrazııada qazirgi tańda syn-tegeýrinder men qaýip-qater arta túsýde. Qaıshylyq kúsheıgen tusta táýekelderdi dálme-dál anyqtap, onyń damý ssenarıin boljaýda salmaqtylyq pen naqtylyq qajet. Eýrazııa úshin syn-qaterlerdi kartaǵa túsirý mindetiniń ózektiligi 2020 jylǵa boljam jasalǵan «Astana» klýbynyń syn-qaterler reıtıngisiniń ekinshi shyǵarylymymen rastala tústi», - deıdi Erjan Saltybaev.

Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar