Qoǵam • 07 Qarasha, 2019

Almatyda «Densaýlyq saqtaýdaǵy ınnovasııalar» halyqaralyq forýmy ótip jatyr

51 retkórsetildi

Búgin Almatyda eki kúndik «Densaýlyq saqtaýdaǵy ınnovasııalar» halyqaralyq ǵylymı forýmy óz jumysyn bastady. Is-shara Prezıdent Is Basqarmasynyń medısınalyq qyzmetiniń 90 jyldyǵyna arnaldy.

Prezıdent Is Basqarmasy Medısınalyq ortalyǵynyń basshysy Alekseı Soı: «Novatorlyq jáne progressıvti jobalarǵa talpyný, medısına ǵylymynyń jáne tehnıkanyń ozyq jetistikterin paıdalaný, asa kúrdeli klınıkalyq-dıagnostıkalyq máselelerdi sheshý múmkindigi – medısınalyq ortalyq mamandaryna aıryqsha tán qasıet», - deıdi.

Forýmnyń plenarlyq otyrystarynda densaýlyqty jyldam qalypqa keltirý men fýnksıonaldyq uzaq ómir súrýdi qamtamasyz etetin dıagnostıka, emdeýdiń eń jańa joǵary dáldik ádisteri, sáýlelik dıagnostıkadaǵy ınnovasııalyq tehnologııalar, kólik medısınasyna arnalǵan tehnologııalardy damytý, onkologııadaǵy derbestendirilgen dıagnostıka, radıasııany qaýipsiz qoldaný tehnologııasy negizinde japondyq klınıka men Prezıdent Is Basqarmasy Medısınalyq ortalyǵynyń klınıkalary arasyndaǵy yntymaqtyq máseleleri talqylanyp otyr.

Medısınalyq ortalyq eń jańa joǵary tehnologııalyq, dıagnostıkalyq, klınıkalyq jáne zerthanalyq qural-jabdyqtardy ambýlatorııalyq, stasıonarlyq jáne ońaltý kezeńderinde paıdalanýǵa erekshe kóńil bóledi.

«Aýrýlardy erte anyqtaýdyń, olardy der kezinde jáne sapaly emdeýdiń, naýqastardy saýyqtyrý men ońaltýdyń qalyptasqan dástúrli ári jaýapty tásili Qazaqstan Respýblıkasy Prezıdenti Is Basqarmasynyń Medısınalyq qyzmetine elimizdiń densaýlyq saqtaý salasynda tanylǵan naǵyz kóshbasshy ataýyna yqpal etti», – dedi QR Prezıdentiniń Is Basqarýshysy Erlan Battaqov.

Forýmda AQSh, Reseı, Izraıl, Qyrǵyz Respýblıkasy, Tájikstan, Japonııa, Ońtústik Koreıa, Úndistan, Túrkııa, Lıýksembýrg, Germanııa men elimizdiń jetekshi uıymdarynan kelgen hırýrgııa, ıadrolyq medısına, emhanalyq jáne stasıonarlyq qyzmet jáne basqa da klınıkalyq-dıagnostıkalyq baǵyttar jónindegi mamandar densaýlyq saqtaýdyń ózekti máseleleri boıynsha baıandamalar jasap, sheberlik dáristerin ótkizýde.

 

 

ALMATY

Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar