Parlament • 07 Qarasha, 2019

Senatta halyqaralyq qujattar qaraldy

72 retkórsetildi

Parlament Senatynyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Táýelsiz Memleketter Dostastyǵyna qatysýshy memleketterdiń aqparattyq tehnologııalar salasyndaǵy qylmystarmen kúrestegi yntymaqtastyǵy týraly kelisimdi ratıfıkasııalaý týraly» zań jobasy qaraldy.

«Kelisimmen aqparattyq tehnologııalar salasyndaǵy yntymaqtastyqtyń quqyqtyq negizderi jasalady, qylmystyq jazalanatyn áreketterdiń, termınologııalardyń biryńǵaı uǵymy qamtamasyz etiledi, sondaı-aq quzyretti memlekettik organdar men olardyń ózara is-qımyl tártibi aıqyndalady», - dedi senator T.Musabaev óz baıandamasynda.

Kelisimdi ratıfıkasııalaý TMD-ǵa qatysýshy memleketterdiń ózara is-qımylyn jandandyrýǵa, aqparattyq tehnologııalardy paıdalana otyryp jasalǵan qylmystardy anyqtaý, jolyn kesý jáne ashý jónindegi júrgiziletin birlesken vedomstvoaralyq profılaktıkalyq, jedel-izdestirý is-sharalarynyń jáne arnaýly operasııalardyń nátıjeliligin arttyrýǵa múmkindik beredi.

Zań jobasy qatysýshy memleketterdiń aqparattyq tehnologııalar salasyndaǵy ulttyq zańnamasyn jaqyndastyra otyryp, osy saladaǵy qylmystarmen kúrestiń halyqaralyq sheńberin keńeıtedi jáne nyǵaıtady.

Komıtet qarastyrǵan ekinshi qujat – Qazaqstan men Qyrǵyz Úkimetteri arasyndaǵy Memlekettik shekara arqyly ótkizý pýnktteri týraly kelisimge ózgerister engizý týraly hattamany ratıfıkasııalaý týraly zań jobasy.

Hattamamen «Sarytóbe» jáne «Aýhatty» avtomobıl ótkizý pýnktteriniń mártebesin halyqaralyq ekijaqtydan halyqaralyq kópjaqtyǵa aýystyrý, sondaı-aq, qazaqstandyq «Novovoskresenovka» ótkizý pýnktiniń ataýyn «Sypataı batyr» dep ózgertý týraly ózgerister engiziledi.

Hattamany ratıfıkasııalaý «Qarasý» jáne «Qordaı» ótkizý pýnktteriniń júktemesin jeńildetýge múmkindik beredi, sondaı-aq, shekara mańyndaǵy yntymaqtastyqty jaqsartýǵa jáne Qyrǵyzstanmen saýda-ekonomıkalyq qatynastardy odan ári damytýǵa qolaıly jaǵdaılar jasaıdy.

Qujattar Palata qaraýyna berildi.

 

                               

 

Sońǵy jańalyqtar

21 jyl boıy qujatsyz júrgen

Aımaqtar • Keshe

VII PR forýmy Almatyda ótti

Aımaqtar • Keshe

Bas basylymnyń baıtaq belesi

Aımaqtar • Keshe

Qaıta oralǵan qumarshyq

Aımaqtar • Keshe

Termeshiler tereńnen terbedi

Ádebıet • Keshe

Haziretter qazynasy

Rýhanııat • Keshe

«Speshranda» saqtalǵan...

Rýhanııat • Keshe

Zań kerek!

Ekologııa • Keshe

El qurmeti erekshe

100 • Keshe

It júgirtip, qus saldy

Aımaqtar • Keshe

Senim hám serpin

Rýhanııat • Keshe

Uqsas jańalyqtar