Rýhanııat • 07 Qarasha, 2019

«Sarbaz» gazeti 90 jyldyǵyn atap ótip jatyr

77 retkórsetildi

Búgin elimizdiń basty áskerı basylymy «Sarbaz» respýblıkalyq áskerı-patrıottyq gazetine 90 jyl toldy. Dál osy kúndi qazirgi redaksııa ujymy basylymnyń negizin qalaǵan, basylymda materıaldary jaryq kórgen qalamy qarymdy jýrnalısterdi eske aldy. Bul týraly Qorǵanys mınıstrliginiń baspasóz qyzmeti habarlady. 

90 jyl ishinde gazet Qazaqstandaǵy áskerı baspasózdiń qalyptasýyna súbeli úles qosty. Onyń mańyzyn eskere otyryp, Qorǵanys mınıstrligi mereıtoıǵa oraı áskerı jýrnalıstıka salasyndaǵy «Ásker Medıa-2019» syılyǵyn ótkizý týraly sheshim qabyldady.

Onyń tarıhy Qazaq áskerı komıssarıaty men "Eńbekshil qazaq" (qazirgi "Egemen Qazaqstan") baspasynyń «Qsul áѕkeg» qazaq áskerı gazetinen bastaý aldy. Ol aptasyna bir ret latyn qarpimen qazaq tilinde shyǵyp turdy. 

Keıin, 1969 jyly 1 qarashada Almaty qalasynda gazet «Jaýyngerlik tý» degen atpen jaryq kóre bastady. Sol kezde ár okrýgte óziniń baspa organy, sonyń ishinde Orta Azııa áskerı okrýginde boldy. 20 jyl gazet ásker ómiriniń jylnamasyn jasady. 1989 jyldyń mamyr aıynda okrýgtiń taratylýyna baılanysty basylymnyń shyǵarylýy da toqtatyldy, al redaksııa taratyldy.

Táýelsizdik alǵannan bastap baspa áskerı jýrnalıstıkada jańa tarıh bastaldy. «Jaýyngerlik tý» gazetiniń negizinde Qorǵanys mınıstrliginiń ortalyq baspa organy – «Qazaqstan sarbazdary - Voın Kazahstana» gazeti quryldy. Birinshi nómiri 1992 jyldyń 16 jeltoqsanynda, sársenbi kúni qazaq jáne orys tilderinde shyqty.

«Qazaqstan sarbazdary» elimizdiń negizgi áskerı basylymyna aınaldy. Birinshi nómirde Qazaqstannyń Tuńǵysh Prezıdenti aıtýly oqıǵanyń mańyzdylyǵyn atap ótti.

«Gazet respýblıkanyń qorǵanys múddelerin jáne qarýly qorǵaýshylaryn, onyń Dostastyq memleketterimen tıimdi baılanysyn bildirýshi bolýǵa tıis. Jastardyń óz áskerı boryshyn adal atqarýǵa umtylysyn oıatyp, Otan aldyndaǵy batyrlyq negizinde patrıottyq rýhta tárbıeleý mańyzdy», - dep atap ótti Elbasy.

Gazettiń birinshi redaktory podpolkovnık Vıl Rahmanqulov boldy.

Basylymda kóptegen talantty da tanymal jýrnalıst jumys istedi. Saparǵalı Jaǵyparov, Grıgorıı Krasılov, Nıkolaı Zavıalov, Nıkolaı Malsev, Aleksandr Bavtýto, Vasılıı Danshın, Lıýdmıla Bondarsova, búkil Ortalyq Azııada tanymal áskerı fototilshi Vıktor Dýbrovchenko basylymnyń órkendeýine zor úles qosty. Sondaı-aq gazette burynǵy maıdan tilshileri – Qazaqstannyń Halyq jazýshysy Ázilhan Nurshaıyqov, belgili jazýshy, aqyn Saǵynǵalı Seıitov te qyzmet etti.

Qazirgi tańda redaksııa shtatynda 10 jýrnalıst pen oblystaǵy óńirlik ókilder jumys isteýde. Gazettiń bas redaktory Batyrhan Qýatbektiń basshylyq etýimen gazet óziniń bolmysy men áskerı jýrnalıstıka dástúrin saqtaı otyryp, zamanaýılyǵy men básekege qabilettigin joǵaltpaǵan.

«Sarbaz» gazetin oqı otyryp oqyrmandar árqashan qazaqstandyq áskerdiń qyzmeti, áskerı oqý-jattyǵýlar men áskerı qyzmetshilerdiń jetistikteri jaıynda aqparatty oqyp, ózge elderdegi ásker salasyndaǵy oqıǵalardan habardar bolyp, Qazaqstan Qarýly Kúshterindegi qarý-jaraq pen áskerı tehnıkaǵa qatysty maǵlumattardy bile alady. Sonymen qatar gazettiń elektrondy nusqasy sarbaz.kz portaly men mobıldi qosymshasy da qoljetimdi.

          

Sońǵy jańalyqtar

Úmitińdi úzbe, úlesker...

Qoǵam • Búgin, 06:51

Ulylar murasy – urpaqqa ónege

Aımaqtar • Búgin, 06:42

«Atyńnan aınalaıyn, Áýlıe ata»

Rýhanııat • Búgin, 06:40

Paralımpıadalyq nysandy aralady

Úkimet • Búgin, 06:24

El ardaǵy – elý esim

Qoǵam • Búgin, 06:20

On aıdaǵy ornyqty damý

Ekonomıka • Búgin, 06:17

Strategııalyq yqpaldastyq artady

Parlament • Búgin, 06:09

Mıssııa basshysymen kezdesti

Úkimet • Búgin, 06:08

Kúlki kerýeni № 14

Rýhanııat • Keshe

176 keli qyzylbalyqpen ustaldy

Aımaqtar • Keshe

6 myń shaqyrym jol aqyly bolady

Ekonomıka • Keshe

Arnaıy ekonomıkalyq aımaq

Ekonomıka • Keshe

Qaharmanǵa qurmet

Rýhanııat • Keshe

Maqsaty bıik «Mámile»

Aımaqtar • Keshe

JITS-ke qarsy is-sharalar ótedi

Medısına • Keshe

Talanttar tálimgeri

Rýhanııat • Keshe

Aqyn jáne onyń mýzasy

Rýhanııat • Keshe

Aýadan qarmaǵan aıyppul

Aımaqtar • Keshe

Sholohovqa aq bota syılaǵan

Aımaqtar • Keshe

Uqsas jańalyqtar