«Bizdiń Tuńǵysh Prezıdentimiz Nursultan Nazarbaev pen sizderdiń kúsh-jigerlerińizdiń arqasynda bul mehanızm tolyqtaı iske qosylyp, óńiraralyq forým aımaqtyq deńgeıde ózara árekettesýdiń tıimdi quraly retinde ózin jaqsy jaǵynan kórsetti. Bizdiń elderimizdiń óńirleri arasyndaǵy taýar aınalymy - jalpy saýdanyń 10 paıyzynan asýynyń ózi óte mańyzdy. Bul kórsetkishtiń ósip kele jatqanyn da atap ótý kerek» dedi Qazaqstan Prezıdenti.
Memleket basshysy óz sózinde óndiristik kooperasııa men aýyl sharýashylyǵy salasyndaǵy yntymaqtastyqta úlken jetistikterge qol jetkizilgenin aıtty.
«О́z tarapymnan budan da joǵary nátıjege jetý úshin bar kúshimdi salamyn. О́ńiraralyq yntymaqtastyq forýmy óte tıimdi, jemisti, árıne, ony bolashaqta damytý úshin bar kúsh-jigerimizdi salýymyz kerek» dedi Qasym-Jomart Toqaev.
О́z kezeginde Reseı Grezıdenti Vladımır Pýtın óńiraralyq yntymaqtastyq forýmy - bul Qazaqstan men Reseıdiń aımaqtaryn biriktiretin dástúrli shara ekenin atap ótti.
«2003 jyly bul shara dál Ombyda bastalǵan edi. Bul turǵyda búgingi kezdesýdiń belgili bir sımvolızmi bar. Bizdiń elder arasyndaǵy qatynas tabysty túrde bekip keledi. О́tken jyly taýar aınalymynyń ósimi 14 paıyzdy qurady. Investısııalar da ósip keledi. Endi bul týraly kóbirek sóılesýge múmkindik alamyz. Biz únemi kezdesip turamyz. Degenmen, árqashan bizdiń erekshe nazarymyzdy talap etetin taqyryptar barshylyq» dedi V.Pýtın.
Eske sala ketsek, Prezıdent búgin «Shekara mańy yntymaqtastyǵyn damytýdyń ózekti máseleleri» atty Qazaqstan men Reseı arasyndaǵy XVI óńiraralyq yntymaqtastyq forýmyna qatysý úshin Ombyǵa ushyp kelgen bolatyn.
