Aımaqtar • 07 Qarasha, 2019

Almatyda ázirge qoǵamdyq kólikte jol aqysy kóterilmeıdi

137 retkórsetildi

Bul týraly Almaty qalalyq Mobıldilik basqarmasy bastyǵynyń orynbasary Erlan Ádilov aıtty.

«Bul máseleni qarastyryp jatqan joqpyz, óıtkeni qoǵamdyq kólikti damytý tujyrymdamasy bar. Sondyqtan basqarma jol aqysyn kóterý týraly sóz qozǵaǵan joq. Árıne, bıýdjetke aýyrtpalyq túsirgimiz kelmeıdi, tarıfti kóterý kerek, biraq azamattar men jolaýshylardyń áleýmettik jaǵdaıyn da esten shyǵarmaý qajet. Bul - bir kúnde sheshiletin másele emes», - dedi Erlan Ádilov.

Almaty qalasynyń Jolaýshylar kóligi jáne avtomobıl joldary basqarmasy ýaqytyly bólinip jatqan sýbsıdııalar kólemi kóliktik qyzmetterdi sapaly kórsetý úshin jetkilikti dep sanaıdy.

Almatyda kólik reformasy, sonyń ishinde qoǵamdyq kólik júıesin jańartý jumystary jalǵasýda. О́tken jyly qalaǵa álemdik standartqa saı «Evro-5» ekologııalyq sanattaǵy jańa avtobýstar ákelingen. Bıyl taǵy da osyndaı 400-ge jýyq jańa qoǵamdyq kólik jolǵa shyǵady.

«Alyp shahar - Almaty qalasyndaǵy qoǵamdyq kólik salasyndaǵy sońǵy jyldardaǵy reformalar oń ózgeristerin bere bastady», – deıdi mamandar.

Eki jyl buryn qoldanysqa engen «Ońaı» elektrondy bıletter júıesi, qoǵamdyq kólikterdiń arnaıy jol belgileri jáne álemdik standartqa saı «Evro-5» sanatyndaǵy jańa avtobýstardyń kelýi biraz ózekti máseleniń túıinin sheshti. Osy reformalardy turaqtandyrý aıasynda aldaǵy ýaqyttary da úlken jobalar qolǵa alynyp otyr. Memleketten bólingen sýbsıdııa nátıjesinde qazir qaladaǵy tasymaldaýshy kompanııalar jańa avtobýstar satyp alýǵa múmkindik alyp otyr. Almatyda 15 tasymaldaýshy kompanııa bar desek, onyń bireýi ǵana ákimdikke qaraıdy. Qalǵany – jeke seriktestik. Qalada kúnine 1 myń 445 avtobýs ártúrli baǵytta jolaýshylar tasymaldaıdy. О́tken jyldan bastap «Evro-5» ekologııalyq sanattaǵy jańa avtobýstar kele bastady. 

«Sondyqtan keıbir tasymaldaýshylardyń tarıfti kóterý qajettigi týraly ótinishteri negizsiz. Áýeli adamdar shaǵym keltirmeıtindeı tártip ornatyp, sapasyn kótersin, sosyn surasyn. Biz úshin basty kórsetkish - qala turǵyndarynyń qanaǵattaný deńgeıi. Biraq onymen áli de jumys isteý kerek», - dedi basqarma basshysynyń orynbasary Erlan Ádilov.

Bul rette qoǵamdyq tasymaldaýlardyń áleýmettik mańyzy eskerile otyryp, ákimdik saıasaty kólik qyzmetteriniń halyqqa qoljetimdi bolýyn qamtamasyz etýge baǵyttalǵany atap ótildi. Sondyqtan tasymaldaýshylarǵa qoǵamdyq kólikti jańartý jáne damytý úshin qomaqty qarajat bólinýde. Budan basqa qoǵamdyq kólikterdi qarajattandyrý jol júrý aqysyn turǵyndar úshin qoljetimdi deńgeıde ustap, halyqtyń áleýmettik turǵydan osal toptaryna jeńildik tarıfterin usynýǵa múmkindik berip otyr.

Buǵan deıin ol Almatyda qoǵamdyq kólikte júrip-turýdyń naqty ortasha qunyn ataǵan bolatyn.

Osylaısha, Almatynyń avtoparki taǵy da sý jańa ári yńǵaıly avtobýstarmen tolyǵyp otyr. Tasymaldaýshylar qalaǵa jańa 66 qoǵamdyq kólik ákelgen. 10 avtobýs Talǵar men Almaty arasynda qatynasa, qalǵany jetispeıtin baǵyttarǵa jiberiledi. Syıymdylyǵy úlken jolaýshylar kóligi 14-baǵytpen de júredi.

«Qazir turǵyndar Talǵarǵa shaǵyn avtobýstarmen qatynap júr. Jolaýshylar sany kún saıyn artatyndyqtan, olardyń ornyna syıymdylyǵy úlken avtobýs jiberýdi jón kórdik. Jańa avtobýstar óte yńǵaıly. Barlyǵy beınebaqylaý kameralarymen jáne «Ońaı» júıesimen jabdyqtalǵan», - deıdi Almaty qalasy Mobıldilik basqarmasy basshysynyń orynbasary Erlan Ádilov.

«Almatyelektrotrans» JShS dırektory Ǵanı Tájıevtiń aıtýynsha, iri tasymaldaýshy kompanııa qysqy daıyndyqqa tamyz aıynda kirisip ketken.

«Aýdıt júrgizdik. Jylytý júıesiniń tehnıkalyq ahýalyn tekserdik. Biz daıynbyz. 15 qarashada sońǵy daıyndyq júrgiziledi», - dedi Ǵanı Tájıev.

Ǵanı Tájıev jýrnalıstermen kezdesýde Almatydaǵy LRT jeńil relsti qurylysynyń kezeńderi týraly egjeı-tegjeıli aıtyp berdi jáne paıdalanýǵa berý merzimi 2022 jyldan 2023 jylǵa aýystyrylǵanyn túsindirdi.  

Almatyda zamanaýı yńǵaıly tramvaı - LRT paıda bolýy týraly jańalyqtarda qoldanysqa engizý keıinge qaldyrylatyndyǵy týraly habarlar jıi kezdesedi.

«Qazir másele sheshildi. Zańnamaǵa túzetýler engizip, «jeńil relsti jol salý jobasyn iske asyrǵan jaǵdaıda, qala shegi qurylys kólemine kóbeıtiledi» degen sózdermen tolyqtyryldy. Biz bul erejeni aldyq, qazir biz tenderlik qujattamany ázirlep jatyrmyz, ol jasalýda, tenderdiń 2-kezeńin jarııalaımyz, konkýrstyq qujattama eki organda - Ekonomıka departamentinde jáne Almaty qalasynyń Damý ortalyǵynda ekonomıkalyq saraptamadan ótken soń» dedi ol.

Qazaqstan Prezıdenti Qasym-Jomart Toqaev Almatyǵa eki kúndik jumys sapary aıasynda bolǵan kezdesý barysynda «tramvaılardy joıý qarama-qaıshy sheshim boldy» dep málimdep, Qaskeleń men Talǵar qalalarynyń arasyn tramvaı  jelileri arqyly baılanystyrý qajettigin aıtqan bolatyn.

«Almatyelektrotrans» JShS dırektory Ǵanı Tájıev ondaı jospar dál Almatynyń kún tártibinde qarastyrylmaǵanyn, ázirge avtobýstardyń kómegine ıek artatynymyzdy aıtty.

 

ALMATY

Sońǵy jańalyqtar

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Jańǵyrǵan Jambyl óńiri

Aımaqtar • Keshe

Baǵa QR kodtar arqyly beriledi

Medısına • Keshe

Rýhanı ráýishtegi tartý

Aımaqtar • Keshe

Turar taǵdyrynyń taǵylymy mol

Rýhanııat • Keshe

Orynbor jáne qazaq zııalylary

Rýhanııat • Keshe

El erteńi – jalyndy jastar

Prezıdent • Keshe

Uqsas jańalyqtar