Qoǵam • 08 Qarasha, 2019

Áskerı medısınalyq ortalyqqa – 50 jyl

4 retkórsetildi

Qazaqstan Qorǵanys mı­nıs­­trliginiń Áskerı medı­sınalyq ortalyǵy óz mereıtoıyn atap ótti. Osyǵan baılanysty me­rekelik shara uıym­das­tyrylyp, onda áskerı medı­sınanyń damýyna ólsheýsiz úles qosqan maman­dar men or­talyqtyń jetistikteri aıtyldy.

Ortalyqta óz isiniń sheberi, bilikti áskerı dárigerler men ǵalymdar jumys isteıdi. Búgingi tańda bul jerde 50 qyzmetker, 11 sarapshy, 9 oqytýshy men joǵary sanatty 6 dáriger qyzmet etýde. Eki qyzmetker medısına ǵylymdarynyń kandıdaty, ǵalym dárejesin ıelense, bir PhD dáriger bar.

Ortalyq Azııada teńdesi joq bul áskerı medısına orta­ly­ǵynyń tarıhy 1969 jyl­dyń 1 qa­ra­shasynda Almaty qalasynda Orta Azııa áskerı okrýginiń okrýg­­tik sot-medı­sı­­nalyq zerthanasy qu­ryl­ǵanda bastaldy. Qazaqstan tá­ýelsizdik alǵannan keıin ony QR QM Ortalyq medısınalyq zerthanasy dep atady. Al 2010 jyly mekeme óziniń qazirgi ataý­yn aldy.

Mekeme áskerı medısına salasynda qosymsha bilim berýdi qamtamasyz etedi, biliktilikti arttyrý jáne kýrstyq daıarlaý salasyndaǵy uıymdastyrý jáne oqý-ádistemelik jumystarǵa jaýap beredi. Qarýly Kúsh­terdiń medısınalyq quramyna áskerı-medısınalyq daıar­lyqta, sot-medısınalyq, pato­logoanatomııalyq, hımııa­lyq-toksıkologııalyq jáne gıs­tologııalyq zertteýler júrgizýde ádistemelik jáne praktıkalyq kómek kórsetedi.

2011 jyldan bastap onyń quramyna Qazaqstan Qarý­ly Kúshteri medısınasy qu­ra­­­myndaǵy ınternatýra qo­syldy. Budan basqa, ortalyq IID, Ulttyq ulan jáne QR UQK Shekara qyzmetiniń áskerı qyz­metshilerine medısınalyq kómek kór­setýdi úıretedi.

Ujym óziniń jetistikterin maqtan etedi. Jyl saıyn nu­s­qaýshy-oqytýshy qu­ra­my áskerı-medısına estafeta boıynsha halyqaralyq saıystarǵa qatysý úshin Qarýly Kúshterdiń quramyn daıyndaýǵa qatysady. 2019 jyly Ortalyqtyń dárigerler quramy II orynǵa ıe boldy.

Oqytýshylar BUU mıssııasy úshin bitimgershilik daıyndaýǵa qatysady. Medısınalyq qyzmet podpolkovnıgi A.Asylhanov jáne B.Halmýratov jáne aǵa serjant Á.Orazhanov Lıvanǵa attanar aldynda bitimgershilik rotasynyń áskerı-medısınalyq daıyndyǵyna qatysty.

Tájirıbe men bilimge qa­ra­mastan, Áskerı medısına or­talyǵy árdaıym damý ústinde. Qa­zaqstan men AQSh qorǵanys vedomstvolary arasyndaǵy 5 jyl­dyq yntymaqtastyq jos­pary negizinde osy jyly ja­raqattar kezinde medısınalyq kómek kórsetý boıynsha ITLS halyqaralyq kýrsy sertıfıkattaýdan ótip, atalǵan kýrstardy ótkizýge arnalǵan zamanaýı qural-jabdyqtar aldy.

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar