Aımaqtar • 08 Qarasha, 2019

Qylqalam aıalaǵan talbesik

18 retkórsetildi

Almatydaǵy Ortalyq mýzeıde sýretshi-pedagog Kerimbek Juma­dil­hannyń «Aýyl – el besigi» atty jeke shyǵarmashylyq kórmesi ashyldy. Kórme Qazaq ulttyq agrar­lyq ýnıversıtetiniń 90 jyl­dyq mereıtoıyna arnalǵan bo­la­tyn.

Belgili sýretshi Jumadilhan Kerim­bek Ońtústik Qazaq­stan ob­lysy, Saı­ram aýda­nynyń Birlik aýylynda dúnıege keldi. 1986 jyly Al­maty qalasyndaǵy Qazaq aýylsharýashylyq ınstı­týtynyń agronomııa fakýltetin bitirgen. Túr­kııada bıologııa salasy boıynsha doktorlyq dıssertasııa qorǵady (1998). Ol qazirgi ýaqytta Qazaq ulttyq agrarlyq ýnıver­sıtetinde aǵa oqytýshy bolyp qyzmet atqarady.

Qylqalam sheberi, ózin­dik bólekteý máner ıesi Ju­madilhannyń tylsymy bólek aıryqsha shyǵarmalary buǵan deıin de birneshe ret Ortalyq mý­zeı qabyrǵasynda kórer­menderine kórsetildi. Al bul joly almatylyqtar nazaryna sýretshiniń týǵan aýylyna arnalǵan eńbekteriniń jańa toptamasy usynyldy. Onyń syrbaz qalamynan týǵan ólkesine, eline degen súıispenshilik sezimine toly óner týyndylary qazaq halqynyń mádenıeti, salt- dástúri, ádet-ǵurpymen tanystyrady. Sýretshiniń «Qara jorǵa», «Kúnniń batýy», «Almaty (Kóktóbeden qaraǵandaǵy kórinis)», «Sá­kide», «Jazǵy kún» syndy tolymdy eńbekterinde jer­lesteriniń kúndelikti tur­mys-tirshiligi, aýyl ta­bıǵa­tynyń sulýlyǵy, sáı­gúlikter shabysy, ulttyq me­reke sátteri – bizge ja­qyn da túsinikti, shynaıy jaǵdaıattar beınelengen. Onyń «Taýlar», «Mashat 1 asýy», «Taý ózeni», «Týǵan ól­ke», «Bulaq basynda» jáne t.b. shyǵarmalary en dala, taý qyrqasy – týǵan ólkeniń baı da ásem tabıǵatyna degen súıispenshiligin ańǵartady. «Kúz», «Naýryzdaǵy qar», «Jazǵy kesh» syndy týyndylary sýretshiniń jyl mezgilderi peızajyn beıneleýdegi sheberligin kórsetedi.

Jumadilhannyń keskin­deme janryn­­daǵy «Vals», «Jigitter bıi», «Ne­mere», «Sá­kide», «Mýzyka», «Qoı­­lar», «Ańshylyqqa» sııaq­ty tabıǵa­tyna ja­qyn jumystarynda ózi ósken or­tadaǵy kúndelikti tir­shi­lik jelisi – qy­myz qu­ıyp otyrǵan nemese otbasy-oshaq qasyndaǵy áıelder, ju­mystan keıin sákige jaı­ǵasqan otbasy músheleri, mereke sátinde bılep júrgen jastar beınelengen. Túrli materıaldarmen tájirıbe ja­saýǵa qushtar sýretshi akrıldi boıaý, gýash, týsh, maı­ly boıaýdy paıdalana otyryp qozǵalysqa, ja­ryqqa toly umtylys, jar­qyndyq, biregeılikti tanytatyn kúrdeli janrlyq kompozısııa­lardy usynady.

Aýyldy aıalaǵan talbesik bolyp júreginde jattalǵan sýret­shiniń kórmege 80-nen astam shyǵarmalary qoıyldy. Kelýshi kórermen onyń árqaısysynan ózderine tanys keıipti kórip, rızashylyq sezimmen týǵan aýyldaryn tanyǵandaı qýanyshta boldy. Talbesik terbelgen kúıinde aýyldy aıalap jatqandaı.

 

ALMATY

 

 

Sońǵy jańalyqtar

Egemendikter elge shyqty

Qazaqstan • Keshe

Fýtzal: «Qaırat» ese qaıtardy

Sport • 16 Qarasha, 2019

Fýtzal: «Qaırat» utyldy

Sport • 16 Qarasha, 2019

Jetisýdan kelgen jeteý

16 Qarasha, 2019

Sapasyz úılerdiń kóbi apattyq jaǵdaıda

Aımaqtar • 16 Qarasha, 2019

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Uqsas jańalyqtar