Aımaqtar • 08 Qarasha, 2019

Sybaılastyqpen kúreste sylbyrlyq bar

36 retkórsetildi

Prezıdent Qasym-Jomart Toqaev óziniń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda «Sybaılas jemqorlyqpen jan-jaqty kúresý máselesi kún tártibinen túsken joq», dep naqty atap kórsetken bolatyn.

О́kinishke qaraı qazirgi kezde jemqorlyqqa jol berse de, qyz­met babyn teris paıdalansa da jaıly oryntaqta otyra beretin bas­shylar bar. Bulaı deıtinimiz, Jam­byl oblysynda kezinde túrli zańbuzýshylyqqa jol bergen keıbir azamattardyń basshylyq laýazymǵa qaıta taǵaıyndalyp, jumysyn ári qaraı jalǵastyra berýi der edik. Mundaı jaǵdaı Jambyl óńiriniń birqatar aýda­nynda da kezdesedi.

Taıaýda Qazaq­st­an Respýblıkasy Sybaılas jem­qorlyqqa qarsy is-qımyl agent­­tiginiń Jambyl oblysy boıynsha departamenti joǵaryda kórsetilgen zań­na­ma­lar­dyń saqtal­ýy­na monıtorıng júrgizgen. Monı­torıng jumysyna 2000-nan asa adam qamtylyp, nátıjesinde Taraz qalasy, Baı­zaq, Jambyl, Talas, Sarysý jáne Qordaı aýdandarynyń keı­bir azamattyq mekemeleriniń bas­­shylyq qyzmetterinde sy­baı­­­las jemqorlyq boıynsha qyl­mys jasaǵan 11 tulǵanyń qyz­met atqaryp otyrǵandyǵy anyq­talǵan. Onyń ishinde mektep dırek­torlary, jumyspen qamtý orta­lyǵy, mádenıet úıi jáne basqa da mem­le­ket­tik uıymdardyń bildeı basshy­la­ry bar eken. Sonda bul basshylardy qyzmetke taǵaıyndaǵan jaýapty tulǵalardyń ne sebepti mundaı keleńsizdikke jol bergenin túsiný qıyn.

Máselen, 2018 jylǵy 3 qań­tar­da sybaılastyq jasaǵan tulǵa Qordaı aýdanynyń halyqty ju­myspen qamtý ortalyǵy dırek­tor­ynyń orynbasary laýazymy­na taǵaıyndalypty. Alaıda, atalǵan azamat 2014 jyly sot­tyń úkimimen «Para alý» baby boıynsha kináli dep tanylǵan eken. Sol sııaqty 2012 jyly sybaılas jemqorlyq jasaǵan tulǵa 2018 jyly Jambyl aýda­ny «Taza meken» memlekettik kásiporny dırektorynyń orynba­sa­ry bolyp taǵaıyndalǵan. Al 2012 jyly «Aýdandyq má­de­­nıet úıi» kommýnaldyq mem­le­­ket­tik qazynalyq kásiporny dırek­to­ry­nyń orynbasary laýazymyna sybaılas jemqorlyq jasaǵan tulǵa taǵaıyndalǵan.

Biraq ol 2009 jyly «Qyzmet ókilet­tigin teris paıdalaný» jáne «Qyzmettik jalǵandyq jasaý» bap­­tary boıynsha kináli dep ta­nyl­­ǵan bolyp shyqty. «Naqty my­­saldar negizinde memlekettik or­gan­­dar men mekeme basshylary tıisti shekteýlerge qaramastan, onyń normalaryn óreskel buzyp kel­gendigin kórýimizge bolady. De­partamenttiń monıtorıngi barysynda anyqtalǵan faktiler bo­ıyn­sha mán-jaılardy zerdelep, tıisti sharalar qabyldaý jóninde mem­lekettik organdarǵa usynystar jol­danǵan bolatyn. Departament bul baǵyttaǵy baqylaýdy kúsheı­te­di», deıdi Sybaılas jemqorlyqqa qarsy is-qımyl agenttiginiń Jam­byl oblysy boıynsha departament dı­­rektory Ravıl Tólebaev.

Bul mysaldardyń bári de sy­baı­lastyqpen kúreste syl­byr­lyq­tyń bar ekenin kórsetedi. Alaı­da qoǵamdaǵy árbir azamat úshin jemqorlyq indet, al ony joıý mindet bolǵany durys-aq. Áıtpe­se sy­baılas jemqorlyqtyń memle­ket­tiń damýyna kedergi keltirip, jo­­lyna kese kóldeneń turatyny da ras.

 

Jambyl oblysy

 

Sońǵy jańalyqtar

Egemendikter elge shyqty

Qazaqstan • Keshe

Fýtzal: «Qaırat» ese qaıtardy

Sport • 16 Qarasha, 2019

Fýtzal: «Qaırat» utyldy

Sport • 16 Qarasha, 2019

Jetisýdan kelgen jeteý

16 Qarasha, 2019

Sapasyz úılerdiń kóbi apattyq jaǵdaıda

Aımaqtar • 16 Qarasha, 2019

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Uqsas jańalyqtar