Qazaqstan • 08 Qarasha, 2019

Qazaqstannyń paıdasyna sheshildi

96 retkórsetildi

Jaqynda Halyqaralyq Tóre­lik trıbýnal «World Wide Minerals Inc.» kanadalyq kompanııasy jáne Pol Keroll bas­ta­ma jasaǵan tórelik qaraý bo­ıyn­sha sheshim shyǵardy.

Bastapqyda Qazaqstanǵa qarsy talap-aryzdyń somasy 1,9 mlrd AQSh dollaryn qurady. Trıbýnal talapkerlerge bastapqy talap etilgen somanyń 0,725 %-dan kem bóligin tabys etti.

Selınalyq taý-hımııalyq kombı­nat­taǵy (STHK) senimdi basqarý keli­simine sáıkes kásiporyn 1996-1997 jyldar­da talap­kerlerdiń senimdi basqarýynda bol­ǵan. Sonymen qatar talapkerler ózderine STHK-ǵa qoldaý kór­set­ken Stepnogorsk qalasy ju­mys­shy­la­ry­nyń aldynda mindettemeler alǵan.

1997 jyldyń sáýir aıynan bas­tap talapkerler qyzmetkerlerdiń jalaqysyn tólemeı kelisimshart talaptaryn qaıta-qaıta buza bastaǵan. STHK-niń kóptegen sehynyń ju­mysy ýaqytsha toqtatylyp, kómir qor­la­ry taýsylǵan. Bul halyqtyń áleýmettik jaǵdaıynyń nasharlaýyna alyp keldi. Stepnogor qalasyndaǵy jyly­tý maý­symyna daıyndyq ju­mys­­tary toqtap, qala apat she­gin­degi jaǵdaıda bolǵan. Osyn­­daı jaǵ­daılarda Qazaqstan tara­py senimdi bas­qarý týraly kelisimdi buzý jóninde she­shim qabyldady.

Talapkerler tórelik aryzdy 2013 jyl­­ǵy jeltoqsanda berdi, ol bo­ıyn­sha tyńdaýlar 2017 jylǵy jel­toq­sanda London qalasynda ótti. Res­­pýb­lıka talapkerlerdiń baryn­sha eleý­­li degen talaptaryn qanaǵat­tan­dy­rý­dan bas tartýǵa trıbýnaldyń kó­­zin jetkiz­gendikten, trıbýnal talap etilip jatqan somanyń tek STHK-niń ope­rasııa­­lyq qyzmetine ınvestısııa retinde sa­­lynǵan bóligin ǵana tabys etti.

Bul tórelik prosesi talapkerlerdiń memleketimiz esebinen óz shyǵyndaryn qalpyna keltirýdiń úshinshi talpynysy bolyp tabylady. Talapkerler 2000 jyly AQSh sottaryna ózderine keltirilgen 1,2 mlrd AQSh dollary kólemindegi zalaldardyń ornyn toltyrý týraly aryzdandy. Ol kezde sot olardyń talaptaryn qanaǵat­tan­dy­rý­dan bas tartty.

2007-2010 jyldar aralyǵynda talapkerler Qazaqstan Res­pýb­lı­ka­syna qarsy 3,7 mlrd AQSh dollary kólemindegi talap somasymen tórelikke aryz bergen. Bul kezde de talapkerlerdiń talaptaryn qana­ǵat­tan­dyrýdan bas tartylǵan edi.

Bul Qazaqstan úshin aıtarlyqtaı tabys bolyp tabylady. Úkimettiń konsýltanty retinde «ReedSmith» halyqaralyq zań fırmasy qatysýda.

 

 

Sońǵy jańalyqtar

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar