Qoǵam • 08 Qarasha, 2019

Bitimgershilerimizdiń bási bıik

23 retkórsetildi

«Tamasha qyzmetińiz úshin rahmet!». Osyndaı sózder­men BUU-nyń ınspeksııa­lyq toby qazaqstandyq jıyntyq bitimgershilik rotasynyń bazasyn tekserýdi aıaqtady.

Lıvandaǵy qazaqstandyq­tardyń bitimgershilik bazasyna «BUU bólim­sheleri daıyndyǵyn jalpy tekserý» ınspeksııalyq toby bardy. Ins­peksııanyń bas­ty maqsaty – qarý-jaraq pen áskerı tehnıkany, baılanys quraldaryn, optıkalyq kózdegishti, rotanyń barlyq mú­lik­teriniń durystyǵyn tekserý, sonymen qatar sanıtarlyq-gıgıenalyq normany saqtaý.

Tekseristiń nátıjesi boıyn­sha mamandar barlyq úndilik batalon­nyń ishinen ekinshi jıyntyq bitim­ger­shilik rotany jaqsy jaǵynan atap ótti.

Ekinshi qazaqstandyq bitim­ger­­­­shi­lik rotasy «Úndi batalo­ny­­­nyń quramynda qazaqstandyq bitim­gershilik kontıngentin óris­te­­tý tártibi týraly» Qazaq­stan men Ún­dis­tan Úkimeti arasyn­daǵy óz­ara tú­si­nistik týraly keli­simge sáı­kes «Lıvan­daǵy BUU ýaqytsha kúsh­teri» mıssııasyna qatysady. Mıs­sııa­da bolǵan kezeńde «kásibı bitim­gershilik» mártebesin ózine bekitti.

«Qazaqstandyq áskerı qyz­met­shiler óte erjúrek. Men bul mıs­sııa­da júrgenime bir jyl boldy. Bi­­rin­shi jáne ekinshi bitimgershilik rotasymen tanysyp, birge qyz­met etkenime qýa­nyshtymyn. Olar­dyń boılarynda qobaljý men qor­qynyshtyń joq ekeni meni tańǵal­dyrady. Birinshi rotasııa mıssııasy barlyq mindetterge birden kiristi. Jaz­ǵy kezeńde qandaı jaǵ­daı bolatynyn bilmese de, olardy ekin­shi rota almastyrdy. Ekinshi ro­ta­nyń qyzmeti kezinde Izraıl ás­keri Lıvannyń aýmaǵyna zymy­ran soqqysyn jasaǵany jáne Lı­van­nyń barlyq aýmaǵyn basyp al­ǵan demonstranttardyń jappaı nara­zylyq aktileri bolǵany bárine bel­gili», – dep atap ótti Indonezııa ókili.

«Lıvandaǵy BUU ýaqytsha kúsh­­teri» áskerler shtabynan ıns­pek­sııalyq topty jeke alyp júrgen, BUU Indonezııalyq áskerı polısııa­sy kontıngentiniń komandıri, pol­kovnık Sonı qazaqstandyq bitim­gerler qyzmet etip júrgen bazanyń deńgeıin atap ótti.

«Mundaı qaýipti sátterde BUU bar­lyq qozǵalysty shek­teıdi, bar­lyq patrýlder toqta­ty­lady. Tip­ti bitimgershilik bazalary da sýmen de, tamaqpen de, basqa da qajet­ti­liktermen jab­dyq­talmaıdy. Mun­daı jaǵdaıda qazaqstandyqtar ıns­peksııalyq topty joǵary deń­geıde qarsy al­dy. Osyndaı jaǵ­daı­lar­da bári de osylaı ótkere almaı­tyn­dyǵyn eskerý kerek!», – dep atap ótti ol.

 

 

Sońǵy jańalyqtar

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar