Parlament • 08 Qarasha, 2019

О́tkennen sabaq alǵan abzal

34 retkórsetildi

Májilistiń Halyqaralyq ister, qorǵanys jáne qaýipsizdik komıteti Mańǵystaý oblysy Aqtaý qalasynda kóshpeli otyrys ótkizdi.

Taqyryby – «Qazaqstan Respýblıkasy Qarýly Kúshteriniń, basqa da áskerleri men áskerı quralymdarynyń arsenaldarynda, bazalarynda jáne qoımalarynda saqtaýdaǵy qarý-jaraq pen oq-dárilerdiń qaýipsizdigin jáne saqtalýyn qamtamasyz etý jáne Qarý-jaraq pen oq-dárilerdi saqtaý obektilerin kóshirý men jaılastyrý baǵdarlamasyn iske asyrý máseleleri týraly».

Otyrysty ashqan beıindi komıtet tóraǵasy Muhtar Erman atalǵan taqyrypta is-sharany ótkizý Arystaǵy qaıǵyly oqıǵany esepke ala otyryp, qoǵamǵa degen mańyzdylyǵyn atap ótti.

Issapar barysynda depýtattar Qorǵanys mınıstrliginiń, Ulttyq ulannyń, UQK Shekara qyzmetiniń bazalary men qoımalarynda qarý-jaraq, oq-dárilerdiń qaýipsizdigin jáne saqtalýyn qamtamasyz etý máselelerin zerttedi.

Atap aıtqanda, depýtattar Aqtaý garnızony áskerı bólimderinde qarý-jaraqtar, áskerı tehnıkalardyń jáne múlikterdiń saqtalýymen jáne jumyldyrý qorynyń nysany bolyp tabylatyn arnaıy medısınalyq qamtamasyz etý bazasymen tanysty. Sonymen qatar Qarý-jaraq pen oq-dárilerdi saqtaý obektilerin kóshirý men jaılastyrý baǵdarlamasynyń aralyq qorytyndylary belgilendi.

Is-shara aıasynda Májilis depýtattary Irına Aronova men Qudaıbergen Erjan Nur Otan partııasy Mańǵystaý oblystyq fılıalynda azamattardy qabyldady.

Kóshpeli otyrysty qorytyndylaı kele, májilismender kóterilgen ózekti máselelerge qatysty usynystar men pikirler tıisti zańnamalardy jetildirýde eskeriletinin aıtty.

Otyrys jumysyna Májilis depýtattary men Qorǵanys mınıstrligi, Ulttyq ulan, UQK Shekara qyzmeti, Ishki ister mınıstrligi Tótenshe jaǵdaılar komıteti, Bas áskerı prokýratýrasynyń jáne oblystyq ákimshiliktiń ókilderi qatysty, dep habarlady osy palatanyń baspasóz qyzmeti.

 

Sońǵy jańalyqtar

Koronavırýs: Shymkentte 12-jaǵdaı tirkeldi

Koronavırýs • Búgin, 11:11

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar