Sarapshylyq keńestiń otyrysy ótti

Otyrysta elimizdegi azyq-túlik qaýipsizdigine jaýapty memlekettik organdardyń bas­shylary, Tamaqtaný akade­mııa­synyń, BUU-nyń Qazaqstan­daǵy Azyq-túlik jáne aýyl sharýashylyǵy uıymy Baıla­nys jáne seriktes bıýrosy­nyń, Islam azyq-túlik qaýipsiz­digi uıymynyń, «Qazaq agroóner­kásiptik kesheni ekonomıkasy já­ne aýyl-aımaqtardy damytý ǵylymı-zertteý ınstıtýty­nyń», Qazaqstannyń strategııa­lyq zertteý ınstıtýtynyń, Ekono­mıkalyq zertteý ınstıtý­ty­nyń, «Astana» halyqaralyq ýnıversıtetiniń jetekshi ǵa­lymdary men sarapshylary, sondaı-aq «Atameken» ulttyq kásipkerler palatasynyń jáne «Qazaqstannyń fermerler odaǵynyń» ókilderi qatysty.

Qalmuhanbet Qasy­mov ha­lyqtyń densaýly­ǵyna, áleý­mettik qamsyzdandy­ry­lýyna jáne ekonomıkalyq damýyna úlken áser etetin azyq-tú­lik qaýipsizdigin qamtamasyz etý problemasyna keshendi pysyq­taý jumystaryn júrgizý qajet ekenine erekshe nazar aýdardy.

Qazaqstandyq sarapshylar azyq-túlik qaýipsizdiginiń jan-jaqty aspektilerin tal­qylady, sonyń ishinde azyq-túliktiń qoljetimdiligi, azyq-túlik ónimderiniń sapasy men qa­ýipsizdigi máseleleri de qaral­dy.

Aýyl sharýashylyǵy mı­nıstri Saparhan Omarov ishki naryqty azyq-túliktiń negizgi ónimderimen qamtamasyz etý, onyń aýqymyn arttyrý jáne elde aýyl sha­rýashylyǵy ónim­derin óndirýdi damytý boıynsha atqarylyp jatqan jumystardyń negizgi ba­ǵyttaryn baıandady.

Bıznes-qaýymdastyqtyń ókil­deri men sarapshylar azyq-túlik qaýipsizdiginiń já­ne tıisti baǵdarlamalyq qujat­tar­dyń sharttaryn ózektendirý, azyq-túlik ımportyn retteıtin qu­raldardy jetildirý sekildi máse­leler jaıynda óz pikir­lerimen bólisti.

Densaýlyq saqtaý mınıstri Eljan Birtanov tamaq ónim­deriniń qaýipsizdigin qamtamasyz etý, monıtorıng pen baqylaýdy jetildirý boıynsha júrgiziletin jumystar jóninde habarlady.

Sarapshylar tamaq ónimderi qaýip­sizdiginiń sapasyn arttyrý boıynsha sharalardyń, ha­lyqtyń tamaqtaný sapasyn baqylaıtyn monıtorıng júıe­sin engizýdiń jáne ońtaıly ta­maq­­taný boıynsha ulttyq shek­­teýlerdi pysyqtaýdyń qajet­­tiligi týraly atap aıtty.

Otyrystyń nátıjesi bo­ıynsha Qaýipsizdik Keńesine ar­nalǵan azyq-túlik qaýipsizdigi salasynda memlekettik saıasatty jetildirýge baǵyttalǵan usynystar pysyqtaldy.