Aımaqtar • 08 Qarasha, 2019

Quran oqýdan jarys ótti

79 retkórsetildi

Oblys ortalyǵyndaǵy Máshhúr Júsip atyndaǵy ortalyq meshitinde qyz-kelinshekter arasynda Quran jattaý jáne oqý jarysy jyl saıyn ótkizilip keledi.

Sýretti túsirgen: Farhat Ámire

Bıylǵy jarystyń basty ereksheligi – qatysýshylar Qurandy qazaqsha maǵynasymen birge jattaýy kerek. Qatysýshylar «Iаsın», «Múlik» súrelerin jáne 22 súreni jatqa aıtý atalymdary boıynsha synǵa tústi.

Saıysqa qala meshitteriniń 16 jastan asqan shákirtteri qatysty. Aralarynda zeınet jasyndaǵy ájeler de boldy.

Saıystyń ashylýyna oblystyń bas ımamy Joldas qajy Qospaquly qatysyp, Quran jattaýdyń mańyzy týraly  aıtyp,  qatysýshylarǵa sáttilik tiledi.

Budan keıin «Máshhúr Júsip» ortalyq meshitiniń «Áıel-qyzdar» sektorynyń meńgerýshisi, ustaz Aqerke Turǵynbaı jınalǵandarǵa saıys  sharttaryn túsindirip, qazylar alqasymen tanystyrdy.

–Alla Elshisiniń hadısterinde Quran oqý adamdy búkil bolmysymen izgilikke bet burǵyzatyn aıtqan. Bir hadısinde: «Eger Quran oqıtyn musylmannyń ishki dúnıesine úńilip qarasań, onyń tap-taza ekenin kóresiń, eger de júris-turysyna qarasań, onyń kórkem minez-qulyqty, bııazy ekenin kóresiń» delingen, – dedi Aqerke Turǵynbaı.

Qazylar alqasynyń quramynda meshit ustazdary Aqerke Turǵynbaı, Nurılá Tileýova, Jadyra Berdimuratova jáne Bıjan meshitiniń ustazy Aıdana Ábdimájitqyzy boldy.

Saıys qorytyndysy boıynsha «Iаsın súresin jattaý» atalymynda  birinshi oryndy ortalyq meshittińń shákirti Jamal Sársembaeva jeńip aldy. Ekinshi oryndy Bıjan meshitiniń shákirti Almagúl Merkanova ıelendi.

Al, «22 súre jattaý» atalymy boıynsha  Dıana Qazymbaeva birinshi oryndy, ekinshi oryndy Almagúl Arstamhanqyzy, úshinshi oryndy Baqytjan Tileýbaevaǵa berildi.

Barlyq qatysýshylar arnaıy sertıfıkattarmen marapattaldy.

Sońǵy jańalyqtar

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar