Qazaqstan • 08 Qarasha, 2019

«Aspantaý asqan úrkin kósh» ǵylym ordasynda talqylandy

40 retkórsetildi

Aıdaı álemde tarydaı shashyrap júrgen qandas qazaq baýyrlarymyz týraly mańyzdy tarıhı eńbek búginde qalyń jurtshylyqqa jol tartpaq. Elimizde «Aspantaý asqan úrkin kósh» degen atpen jaryq kórgen qundy derekter jınaǵy búgin Ǵylym ordasynda qyzý talqyǵa tústi.

Bul – aǵylshyn jazýshysy Godfrı Laıastyń «Kazak Exodus» atty kitabynyń aýdarmasy. Eń qyzyǵy, bul týyndyny álemniń kez kelgen kitap dúkeninen kezdestirýge bolady. Al ózimizde qazaq tarıhynan syr shertetin eńbekti tipti kitaphanalardan da tabý qıyn eken. Buǵan deıin brıtandyq qalamgerdiń kitaby orys tiline aýdarylsa, endi onyń qazaqsha nusqasy paıda boldy.

«Avtory aǵylshyn jýrnalısti Godfrı Laıas 1954 jyly Stambýlǵa baryp, qazaqtarmen kezdesip, solardyń áńgimelerin jazyp alǵan. Sodan soń eki jyldan keıin 1956 jyly álgi aýyzsha estelikter Londonda aǵylshyn tilinde kitap bolyp shyqty. Sodan beri qazaq-orys  tilderine aýdarylmaǵan. Sondyqtan bul kitapty osy taqyrypta jaryq kórgen alǵashqy týyndy deýge ábden bolady. Sosyn bul kitap anadan-myndan estigen qańqý áńgime emes, sol kóshte bolǵan adamdarmen kezdesý barysynda jazylǵan dúnıe. Eń mańyzdy qundylyǵy biz úshin, mine, osy jerde jatyr», – dedi «Kazak Exodus» kitabynyń qazaq jáne orys tilderindegi aýdarma avtory Baqytjan Buqarbaı.

Bul eńbekte qytaı jerin panalaǵan qazaqtardyń ótken ǵasyrda jergilikti bıliktiń qyspaǵy men saıası qýdalaýyna shydamaı Shyńjańnan Monǵolııa men Brıtandyq Úndistanǵa, sondaı-aq Tıbet pen Túrkııa elderine, ári qaraı Eýropaǵa májbúrli túrde kóshýi shynaıy sýrettelgen. Jalpy tarıhtan osynaý kósh kezinde, talaı qazaqtyń jol aýyrtpalyǵyna shydamaı jappaı qyrylǵany belgili. Munymen qatar, oqyrmanǵa jol tartqan eńbekte sonaý kóshti bastaǵan qazaq batyry Ospannyń ómiri men erligi de baıandalǵan.

Sońǵy jańalyqtar

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Barlyq másele ashyq aıtyldy

Aımaqtar • Keshe

Uqsas jańalyqtar