A.Aıtjanov taǵaıyndalǵanǵa deıin Densaýlyq saqtaý mınıstrligi taýarlar men qyzmetterdiń sapasy men qaýipsizdigin baqylaý komıtetiniń memlekettik qyzmetter kórsetý jáne sıfrlandyrý basqarmasynyń bas sarapshysy laýazymynda jumys istedi.
Qazaqstan Respýblıkasynyń Prezıdentiniń 2015 jylǵy 29 jeltoqsandaǵy № 153 Jarlyǵyna sáıkes Ádep jónindegi ýákildiń fýnksııalary basshylyq qyzmet atqaratyn, sondaı-aq ujymda qadirli jáne qurmetke ıe bolǵan memlekettik qyzmetshige júkteledi. Ádep jónindegi ýákil – qyzmettik ádep normalarynyń saqtalýyn jáne memlekettik qyzmet, sybaılas jemqorlyqqa qarsy is-qımyl týraly zańnama men Qazaqstan Respýblıkasy memlekettik qyzmetshileriniń ádep kodeksin buzýshylyqtardyń profılaktıkasyn qamtamasyz etý qyzmetin júzege asyratyn, sondaı-aq óz fýnksııalary sheginde memlekettik qyzmetshiler men azamattarǵa konsýltasııa beretin memlekettik qyzmetshi.
Ádep jónindegi ýákildiń derbes laýazymy aýmaqtyq bólimsheleri nemese vedomstvolarynyń aýmaqtyq bólimsheleri, shet eldegi mekemeleri bar ortalyq memlekettik organdarda (quqyq qorǵaý jáne arnaýly memlekettik organdardy, sondaı-aq Qazaqstan Respýblıkasynyń Qorǵanys mınıstrligin qospaǵanda), sondaı-aq oblystar, respýblıkalyq mańyzy bar qalalar jáne Astana ákimderiniń apparattarynda engizilgen.
