Aımaqtar • 08 Qarasha, 2019

Qyzylordadaǵy Nazarbaev mektebinde ákeler keńesi quryldy

128 retkórsetildi

Ákeniń bala tárbıesindegi jaýapkershiligin arttyrý jáne mekteppen baılanysty nyǵaıtý maqsatynda  Qyzylorda qalasyndaǵy Nazarbaev Zııatkerlik mektebiniń janynan ákeler keńesi qurylyp, alǵashqy otyrysy ótti. Bul týraly Qyzylorda qalasynyń baspasóz qyzmeti habarlady.    

Ybyraı Altynsarın aıtqandaı «Áke men bala dostyǵy»  –  eń qymbat qundylyq, osy qundylyqty dáripteý men nasıhattaý Zııatkerlik mektep jumysyndaǵy negizgi ustanymdarynyń birine aınalyp otyr. Bala tárbıesinde ákenin alar orny erekshe ekenin atap ótken mektep dırektory Bahyt Jumataı alǵash ret qurylǵan klýb jumysyna sáttilik tiledi.

Al dırektordyń tárbıe isi jónindegi orynbasary Lıazzat Abdraımova óz sózinde ákeler qaýymdastyǵynyń maqsat-mindetterine toqtalyp, jyldyq josparmen tanystyrdy.

–Ákeler keńesiniń  jumysy  – otbasylyq qundylyqtardy saqtaý, ákelerdiń bala tárbıesine at salysýǵa shaqyrý jáne jasóspirimder arasynda quqyq buzýshylyqtyń aldyn alý sharalaryn uıymdastyrýdaǵy ata-ananyń belsendiligin arttyrý men  mekteptiń ul balalaryn eńbekke tartýǵa baǵyttalǵan,dedi Lıazzat О́ndirisqyzy.

Keńestiń alǵashqy otyrysyna 7-12 synyp oqýshylarynyń 70-ke jýyq ata-anasy qatysýǵa nıet bildirdi. Arnaıy ótkizilgen trenıng barysynda qatysýshy ákeler bir birimen dostyq qarym-qatynas ornatyp, topta birlesip jumys jasaý barysynda klýb jumysyn uıymdastyrýda óz pikirlerin bildirdi. Sondaı-aq buryńǵy jáne qazirgi zamandaǵy ákelerdińń rólin salystyrý, zamanaýı ákelerdiń otbasyndaǵy ornyn taldaý arqyly tyń ıjobalarymen bólisti.  
Kezdesý sońynda er azamattar taqtaıshaǵa órkenniń sýretin shege qaǵyp salý tapsyrmasyn oryndap, aýyzbirshilikterin kórsetti.

«Mektebimizde ákeler klýby ashylǵanyna qýanyshtymyn. Balalarymyzdyń tárbıesine mektep qana emes, ata-analar, sonyń ishinde ákeler de aralasyp, belsendilik tanytqany abzal», dedi Jandos Saǵynbekuly.

Klýbtyń jyldyq josparyna sáıkes ákeler aldaǵy ýaqytta oqýshylarmen aqparattyq-tanymdyq, sporttyq sharalarda bas qosyp,  erekshe nazar aýdarýdy qajet etetin otbasylardyń balalarymen birlesken jumystar júrgizetin bolady.  

Sońǵy jańalyqtar

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Barlyq másele ashyq aıtyldy

Aımaqtar • Keshe

Uqsas jańalyqtar