Qazaqstan • 08 Qarasha, 2019

Taraz turǵyndary turǵyn úımen qamtylýda

34 retkórsetildi

Jambyl oblystyq ishki saıasat basqarmasy «О́ńirlik kommýnıkasııalar qyzmetiniń» aqparat alańynda Taraz qalasynyń ákimi Qaırat Dosaevtyń qatysýymen baspasóz konferensııasy ótti. Ákim óz kezeginde elimizdegi «Nurly jer», «7-20-25» turǵyn úı baǵdarlamalary týraly baıandap, jýrnalısterdiń suraqtaryna jaýap berdi.

«Turǵyn úı máselesi Keńes dáýiri kezinen-aq Taraz qalasyndaǵy suranysy mol sala bolatyn. El ekonomıkasy ótpeli kezeńnen ótip, damýdyń dańǵyl jolyna  túsken shaqtan bastap, kóne Taraz da qaıta túlep, gúldenip, kórkeıe tústi. Halyqtyń sany ósip, eldiń qatary kóbeıdi. Az ýaqyt ishinde-aq turǵyn úıge degen suranys eselep artty. «Nurly jer» turǵyn úı qurylysy baǵdarlamasy aıasynda Súleımenov kóshesiniń sońyndaǵy 362 gektar jerde 10 300 otbasyna arnalǵan 280 kópqabatty úılerdi quraıtyn 15-shi móltek aýdanynyń qurylysy júrgizilýde. Alqaptyń baılanys, káriz, sý jáne gaz qubyrlary jelileriniń qurylystary aıaqtalyp, elektrmen qamtý, ishki kvartaldyq kólik jolynyń jáne jylý jelileriniń qurylysy iske asyrylýda. Búgingi tańda 80 páterli 19 turǵyn úı paıdalanýǵa berilip, budan basqa 80 jáne 60 páterli 16 turǵyn úıdiń qurylysy júrgizilýde. Sonymen qatar 80 páterli arendalyq 11 turǵyn úıdiń qurylysyn bastaýǵa qala bıýdjetinen 22,0 mıllıon teńge qarjy qarastyryldy», dedi Qaırat Dosaev óz sózinde.

«Nurly jer» baǵdarlamasy aıasynda «Avtobeket» aýmaǵyndaǵy 100 gektar jerge bolashaqta 14-shi móltek aýdany salynady. Munda 5 460 otbasyna arnalǵan 9 jáne 12  kópqabatty 49 turǵyn úı josparlanýda. Qazirgi tańda atalǵan alqap gaz jáne baılanys jelilerimen qamtamasyz etilse, jylýmen qamtý jumystary 2019 jyldyń qarasha aıynda aıaqtalatyn bolady. Jalpy ınjenerlik ınfraqurylymdarynyń qurylys jumystaryn 2021 jyly tolyǵymen aıaqtaý josparlanýda eken. Taǵy bir qýanyshty jańalyq, memlekettik qordan turǵyn úı alý tizimine tirkelgen azamattarǵa 2019 jyldyń mamyr aıynda 140 páter berildi. Onyń ishinde kópbalaly otbasylar 65 pátermen qamtamasyz etilgen. Jıyn barysynda qala ákimi aǵymdaǵy jyly kópbalaly otbasylarǵa da jaqsy jaǵdaı jasalatynyn aıtty. Kólemi 60-90 sharshy metrden kem bolmaıtyn, quny 8 mıllıon 400,0 myń teńgeden aspaıtyn 142 páter satyp alýǵa respýblıkalyq bıýdjetten 1 mıllıard  191,0 mıllıon teńge qarjy qarastyrylyp, qazirgi tańda memlekettik satyp alý jumystary júrgizilýde ekenin de jetkizdi.

Qazirgi tańda paıdalanýǵa berilgen turǵyn úı kóleminiń jalpy aýmaǵy 217,7 myń sharshy metrdi nemese naqty kólem ındeksi 109,8 paıyzdy quraǵan. Esepti kezeńde qala boıynsha turǵyn úı kezeginde turǵan azamattardyń sany 18 568 adam bolyp otyr. Onyń ishinde kópbalaly otbasylar 1784, 29 jasqa tolmaǵan jetim jáne ata-anasynyń qamqorynsyz qalǵan balalar 1953, áleýmettik jaǵynan qorǵalatyn toptar 8955,  memlekettik, bıýdjettik jáne áskerı qyzmetkerler sany 5876 bolǵan.

«Súleımenov kóshesiniń sońyndaǵy turǵyn alqapta respýblıkalyq bıýdjet esebinen jartylaı arendalyq jáne jartylaı az qamtylǵan kópbalaly otbasylar úshin 80 páterli 4 turǵyn úıdiń jáne oblystyq bıýdjet esebinen 80 páterli 1 arendalyq turǵyn úıdiń qurylysy júrgizilýde. Budan bólek, aǵymdaǵy jyly 15-shi móltek aýdanda 80-páterli 10 nesıelik turǵyn úı paıdalanýǵa berildi. Sondaı-aq atalǵan alqapta jergilikti atqarýshy organdardyń oblıgasııalar shyǵarý jolymen 60-páterli 11 kredıttik úılerdiń qurylystary júrgizilip jatsa, onyń 3-eýi aǵymdaǵy jyly iske qosylatyn bolady. Al qalǵan 8 úı kelesi jylǵa ótpeli bolyp tabylady», deıdi qala ákimi. Kezekte turǵan kópbalaly analarǵa arnalǵan «Araı» turǵyn úı alqaby men «Qarasý» móltek aýdanynda 45 páterli 8 shaǵyn jataqhanalardyń qurylysy oblystyq bıýdjet esebinen qarjylandyrylýda. Aǵymdaǵy jyly 6 jataqhanany paıdalanýǵa berý kózdelse, qalǵan 2 jataqhana kelesi jylǵa ótpeli bolyp otyr.

«Kelesi kezeńge 80 páterli 23 turǵyn úılerdiń qurylystaryn 2020-2021 jyldary júrgizý josparlanýda. Jeke turǵyn úıler qurylysy boıynsha Súleımenov kóshesiniń sońyndaǵy alqapta 555 jer teliminde jeke ınvestorlar tarapynan nesıege beriletin biryńǵaı sáýlettik stıldegi kottedjdik úılerdiń qurylystaryn júrgizý úshin jer telimderi belgilengen. Onyń 255-ne 4 merdiger kelisim shartqa turdy. Qazirgi tańda 14 úıdiń qurylysy aıaqtalyp, 4 úıge áleýetti satyp alýshy anyqtaldy. Budan bólek, qosymsha 26 úıdiń qurylysy júrgizilýde. Osy úılerdi satý maqsatynda 2006 jyly jer ýchaskesin alýǵa kezekte turǵan azamattarǵa túsindirý jumystary aıaqtalýda. Osy jumystar kezeń-kezeńimen óz jalǵasyn tabatyn bolady», dedi Qaırat Dosaev. Ákimniń aıtýynsha, jeke turǵyn úı qurylysyn júrgizý úshin jer telimderin alý úshin 71 493 azamat kezekte tur eken. Jer kezeginde turǵan azamattarǵa aldaǵy ýaqytta jer telimderin berý úshin 4 alań daıyndalýda. Budan bólek, 2012 jyldan beri «Kóltoǵan» alqabynyń mańyndaǵy 250 gektar alańynda bólingen 1232 jer telimderin túgendeý jumystary júrgizilip, nátıjesinde paıdalaný merzimi ótken 127 jer ýchaskileri memleket menshigine qaıtarylǵan. Endi osy jerler kezekte turǵan azamattarǵa qaıta beriletin bolady.

Sońǵy jańalyqtar

Egemendikter elge shyqty

Qazaqstan • Keshe

Fýtzal: «Qaırat» ese qaıtardy

Sport • 16 Qarasha, 2019

Fýtzal: «Qaırat» utyldy

Sport • 16 Qarasha, 2019

Jetisýdan kelgen jeteý

16 Qarasha, 2019

Sapasyz úılerdiń kóbi apattyq jaǵdaıda

Aımaqtar • 16 Qarasha, 2019

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Uqsas jańalyqtar