Qoǵam • 08 Qarasha, 2019

Elordada AITV-men kúres aılyǵy bastaldy

33 retkórsetildi

Elordada «Qoǵamdastyqtardyń sheshýshi róli» uranymen Dúnıejúzilik JITS-ke qarsy kúres uıymynyń sheńberinde aılyq bastaldy. Ol osy jyldyń 5 jeltoqsanyna deıin júrgiziledi. Bul týraly Nur-Sultan qalasy ákimdiginiń baspasóz qyzmeti habarlady.

Aılyqty ótkizý aıasynda Nur-Sultanda AITV/JITS týraly bilimdi arttyrýǵa, sondaı-aq osy aýrýǵa shaldyqqan adamdarǵa qatysty stıgma men kemsitýdi joıýǵa baǵyttalǵan is-sharalar josparlanǵan.

Sonymen qatar AITV-ǵa jedel testileý aksııalary jurt kóp jınalatyn saýda-oıyn-saýyq ortalyqtarynda, bazarlarda, vokzaldarda, áýejaıda, «Barys Arena» stadıonynda ótedi. Sondaı-aq jastar densaýlyq ortalyqtarynyń volonterlerin tarta otyryp, stýdentterge arnalǵan forýmdar, debattar, fleshmobtar, dóńgelek ústelder, vıktorınalar uıymdastyrylady.

Nur-Sultan qalasy «JITS» ortalyǵynyń bas dárigeri Sábıt Ábdiraıymovtyń málimeti boıynsha, 2019 jyldyń 9 aıy ishinde Nur-Sultan qalasynda Qazaqstan azamattary arasynda AITV-nyń 155 oqıǵasy anyqtaldy. 15-49 jas aralyǵyndaǵy jastar tobynda AITV-nyń taralýy Nur-Sultan qalasynda «Densaýlyq» memlekettik baǵdarlamasynyń kórsetkishteri sheginde ustalyp otyr.

«JITS ınfeksııasynyń taralýyna ulttyq jaýap berý úshin, halyqtyń negizgi toptarynyń jáne AITV-ǵa shaldyqqan adamdardyń aldyn alý, kútý jáne qoldaý boıynsha qyzmetterge qol jetkizýin keńeıtý jolymen, 2018 jyldan bastap, qalalyq JITS ortalyǵy 2021 jylǵa deıin jahandyq qordyń grantyn aldy. Grant aıasynda biz aldyn alý qyzmetterin, sondaı-aq AITV-men ómir súretin adamdarǵa kútim men qoldaý kórsetetin 4 ÚEU-men yntymaqtasamyz», dedi S. Ábdiraıymov.

Onyń aıtýynsha, jobany iske asyrý kezinde osy qyzmetterdiń halyqtyń negizgi toptary arasynda azamattyq sektor arqyly suranysqa ıe ekendigin aıǵaqtaıtyn oń nátıjelerge qol jetkizildi.

Búgingi tańda JITS ortalyǵynda AITV-ǵa shaldyqqan 1095 adam esepte tur, onyń ishinde 867 pasıent antıretrovırýstyq terapııany(ART) alady. Bul muqtajdardyń 80%-yn quraıdy.

«О́tken jylmen salystyrǵanda ART-ty qamtý 17%-ǵa nemese 247 adamǵa artty. JITS emdeý memleket bıýdjetiniń esebinen tolyǵymen tegin júrgiziledi. Antıretrovırýstyq terapııany qabyldaıtyn jáne belgisiz deńgeıge deıin beriletin vırýsy bar tulǵalar ınfeksııany basqalaryna juqtyra almaıdy. Bul emdeýdiń joǵary tıimdiliginiń eń senimdi kórsetkishi jáne AITV-men syrqattanýshylyqty tómendetý jolyndaǵy jetistik bolyp sanalady», dep atap ótti spıker.


Sońǵy jańalyqtar

Basty aqparat (19.02.2020)

Vıdeo • Keshe

Basylym basshylary - Nurlan ORAZALIN (1947)

Basylym basshylary • Keshe

Jaqsylyq júrek jylytady

Qazaqstan • Keshe

Erikti jastar erkin formatta pikir almasty

Ońtústik Qazaqstan • Keshe

Uqsas jańalyqtar