Úkimet • 08 Qarasha, 2019

S.Omarov veterınarlyq baqylaý qyzmetin jańǵyrtady

275 retkórsetildi

Aýyl sharýashylyǵy mınıstrligi respýblıka boıynsha veterınarlyq qyzmetti qaıta formattaýǵa jáne ońtaılandyrýǵa kóshti. Mınıstr Saparhan Omarovtyń tóraǵalyǵymen ótken veterınarlyq qaýipsizdik máseleleri boıynsha keńeıtilgen keńeste veterınarlyq baqylaýdy jańǵyrtý boıynsha birneshe máseleler qaraldy. Bul týraly Aýyl sharýashylyǵy mınıstrliginiń baspasóz qyzmeti habarlady.

Jaqynda Prezıdent Q.Toqaev «Qazaqstan Respýblıkasynyń keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» Zańǵa qol qoıdy. Jańa qujatta veterınarlyq baqylaýdyń tıimdiligin kúsheıtý jaǵy qarastyrylǵan. Atap aıtqanda, jumysty sıfrlandyrý jáne qyzmettik mindetterdi bólýdegi eskilikti joıý, veterınarııalyq is-áreketterdi qabyldaý algorıtmin qaıta qaraý jáne t. b.

Salalyq zańnamaǵa ózgeristerdi daıyndaý úshin Aýyl sharýashylyǵy mınıstrlik ókilderi elimizdiń barlyq óńirlerine baryp, veterınarııalyq baqylaýdyń tıimdiligine aýqymdy taldaý júrgizgen. Saralanǵan aqparatty keńeıtilgen keńeste Veterınarlyq baqylaý jáne qadaǵalaý komıtetiniń tóraǵasy Arman О́teǵulov baıandady.

Arman О́teǵulovtyń aıtýynsha, veterınarııalyq baqylaý qyzmetiniń tıimsiz jumys isteýine 2015 jyly olardyń baqylaıtyn mindetteriniń bir bóligin, sondaı-aq 1,1 myńǵa jýyq mamandy jergilikti atqarýshy organdardyń qaramaǵyna berýi sebep boldy. Sebebi, ákimdikter bólingen shtattyq birlikterdi múlde ózgeshe qoldanǵan. Kóp jaǵdaıda shtattyq birlikterdi jergilikti atqarýshy organdardyń ózge qurylymdyq bólimderine bólip bergen. Onyń ishinde - ishki saıasat, bilim berý, tipti otbasylyq qatynastar basqarmalaryna berilgeni anyqtaldy. Sondaı-aq bos laýazymdarǵa arnaıy kásibı bilimi joq mamandar qabyldanǵan. Jekelegen óńirlerde veterınarııa basqarmalary - aýyl sharýashylyǵy, qalalyq orta sapasy jáne baqylaý, kásipkerlik jáne ınvestısııa basqarmalarynyń quramdary bolyp qaıta qurylǵan.

«Ákimdikter epızootııalyq salaýattylyqty qamtamasyz etýge qatysty emes basqa mindetterdi basymdyqqa qoıyp, osylaısha veterınarııaǵa qatysty máseleler ekinshi orynǵa aýysyp ketken», dedi A. О́teǵulov. 

Vetqyzmetterdi materıaldyq-tehnıkalyq jaraqtandyrýdyń júzege aspaýy, mamandardyń tolyq emes shtat sany, olardyń tómen jalaqysy jáne taǵy da basqa júıelik kedergiler mal dárigerlik baqylaýdy tómendetip jibergen. 

Sondaı-aq Komıtet tóraǵasy janýarlar men qustardyń asa qaýipti aýrýlary boıynsha aǵymdaǵy epızootııalyq jaǵdaı týraly aqparat berip, veterınarııalyq-profılaktıkalyq is-sharalar jáne veterınarııalyq-baqylaý beketteriniń jumysy týraly aıtyp berdi.

«Veterınarııalyq-profılaktıkalyq is-sharalar jospary boıynsha 2019 jyly 17 asa qaýipti aýrýǵa qarsy 140,7 mln vaksınasııa jasaý josparlanǵan. Qazirgi ýaqytta 122,3 mln. ekpe jasalyp, jumys jospardan buryn júzege asyp jatyr», dedi ol.

Desekte, Komıtet basshysy Arman О́teǵulovtyń aıtýynsha, elimizdegi veterınarııa salasynda jetistikter de joq emes. Aǵymdaǵy jyly Qazaqstan janýarlar men qustardyń birqatar aýrýlary boıynsha azat memleket mártebesin aldy. QHR-ǵa sıyr etin eksporttaýǵa quqyǵy bar tizimge 4 qazaqstandyq kásiporyn engizildi. Shoshqa eti, sút ónimderi, jún shıkizaty eksporty boıynsha Hattamaǵa qol qoıyldy. 12 AShTО́-den aǵymdaǵy jyly Reseı Federasııasy salǵan shekteýler alynyp tastaldy, 2,5 myńnan astam qazaqstandyq kásiporyndar EAEO-ǵa jáne úshinshi elderge ónimdi eksporttaýǵa arnalǵan sheteldik tizimge engizildi.

Sondaı-aq memlekettik veterınarııalyq-sanıtarııalyq ınspektorlar 4,6 myńnan astam zań buzýshylyq anyqtap, 2,8 myńnan astam jeke jáne zańdy tulǵalar ákimshilik jaýapkershilikke tartylyp, 86,7 mln teńge aıyppul tóledi.

Jetistikter qataryna 2014 jyldan bastap adamdardyń brýsellezge shaldyǵý jaǵdaılarynyń sany 1 443-ten 313 jaǵdaıǵa deıin tómendegen.

Keńeıtilgen keńes qorytyndysy boıynsha veterınarlyq mamandardyń sapaly jumysy úshin jaǵdaı jasaý, ákimdikter men AShM aýmaqtyq ınspeksııalarynyń veterınarlyq qyzmettiń ózara is-qımylyn kúsheıtý, mamandardyń jalaqysyn kóterý jáne t. b. Máseleler boıynsha birqatar usynystar qabyldandy.

Aýyl sharýashylyǵy mınıstri Saparhan Omarov komıtet júrgizgen taldaý qorytyndylaryn talqylaý barysyndaǵy atalǵan máseleler Memleket basshysy qol qoıǵan zańnyń kúshine enýimen sheshilýi tıis ekenin atap ótti. Veterınarlyq qyzmetterdi jańǵyrtý barysynda atalmysh saladaǵy baqylaý-qadaǵalaý mindetteri AShM qaramaǵyna qaıtarylady.

Sondaı-aq memlekettik kiris organdarynan EAEO kedendik shekarasy arqyly avtomobıl ótkizý pýnktterinde karantındik-fıtosanıtarlyq jáne veterınarlyq baqylaý mindetteri AShM quziretine enetin bolady.

«Veterınarııa, karantın jáne ósimdikterdi qorǵaý salasyndaǵy laýazymdy tulǵalarǵa - tekserý men qadaǵalaýdy júzege asyrý úshin baqylaý beketterinde kólik quraldaryn toqtatý quqyǵy berilgen», dep atap ótti mınıstr.

Sońǵy jańalyqtar

Egemendikter elge shyqty

Qazaqstan • Keshe

Fýtzal: «Qaırat» ese qaıtardy

Sport • 16 Qarasha, 2019

Fýtzal: «Qaırat» utyldy

Sport • 16 Qarasha, 2019

Jetisýdan kelgen jeteý

16 Qarasha, 2019

Sapasyz úılerdiń kóbi apattyq jaǵdaıda

Aımaqtar • 16 Qarasha, 2019

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Uqsas jańalyqtar