Qazaqstan • 08 Qarasha, 2019

Astana Hub Atyraýda óńirlik startaptardy damytý baǵdarlamasyn usyndy

122 retkórsetildi

Búgin Atyraýda munaı-gaz salasyndaǵy jobalarǵa jáne jergilikti atqarýshy organdardyń bastamalaryna arnalǵan «Munaı-gaz salasyn sıfrlandyrý» taqyrybynda dóńgelek ústel ótti. Is-sharaǵa Energetıka, Sıfrlyq damý, ınnovasııalar jáne aeroǵarysh ónerkásibi mınıstrlikteriniń, QMG, TSO, NCOC, KPO jáne t. b. kompanııalardyń ókilderi qatysty.

Astana Hub atqarýshy dırektory óńirlik startaptardy damytý baǵdarlamasyn tanystyrdy. Sondaı-aq qatysýshylarǵa Astana Hub startaptaryn qoldaý baǵdarlamalary tanystyryldy. «Elimizdiń ınnovasııalyq ekojúıesin qurýda óńirlerde startap-mádenıetti damytý óte mańyzdy. Búgingi tańda elimizdiń túkpir-túkpirinde IT-habtardy ashý boıynsha trend baıqalady. Biz Qazaqstan óńirlerimen startaptarmen jumys isteý tájirıbesimen bólisýdi josparlap otyrmyz. Eki jyl ishinde Astana Hub tehnoparki tehnologııalyq kásipkerlerdi daıyndaý men damytýdyń tabysty úlgisin kórsetti. Osylaısha, «Startup Sapary» baǵdarlamasy ázirlendi, onyń aıasynda bizdiń mentorlar oblys ortalyqtary men respýblıkalyq mańyzy bar qalalarǵa barady. Biz árbir óńirlik IT-habqa qoldaý kórsetýge daıynbyz»,dep atap ótti Ádilet Nurǵojın. Bir aı ishinde Astana Hub-tyń sarapshylar komandasy tehnopark qyzmetimen tanystyryp, el arasynda tehnologııalyq kásipkerlik mádenıetin ilgeriletý úshin Qazaqstan óńirlerine «Startup Sapary» baǵdarlamasymen barady. Astana Hub komandasy 14 oblys ortalyǵyn jáne respýblıkalyq mańyzy bar Nur-sultan, Almaty jáne Shymkent qalalaryn qamtıdy. Astana Hub sarapshylary «Startup Sapary» baǵdarlamasy aıasynda Atyraý qalasyna keldi. Munda jergilikti atqarýshy organdarmen tyǵyz qarym-qatynas ornatý jáne tehnologııalyq kásipkerlikti damytý salasynda jumys isteıtin uıymdarmen birlesip uzaq merzimdi áriptestik kelisimder jasaý kózdelip otyr. Sapar barysynda Community (qaýymdastyq) aımaqtyq startapyn qalyptastyrý jáne ınnovasııalyq ekojúıeni qurý josparlanýda, bul startap-jobalardy damytý boıynsha bilim alǵysy keletin daryndy stýdentterdi, isker mamandardy jáne perspektıvti IT-kompanııalaryn anyqtaýǵa jáne óz ıdeıalaryn barynsha qysqa merzimde iske asyrýǵa múmkindik beredi. Barlyq saparlardyń qorytyndysy boıynsha, Astana Hub komandasy ınnovasııalyq ekojúıeniń aǵymdaǵy jaı-kúıine, óńirdiń ınfraqurylymy men salalaryn sıfrlandyrýǵa IT-qoǵamdastyqtyń daıyndyq deńgeıine baǵalaý júrgizýdi josparlap otyr. Osyǵan oraı, árbir óńirdi damytý boıynsha jeke yntymaqtastyq jospary ázirlenedi, oǵan Astana Hub oqytý baǵdarlamalary men ádisnamalar jáne tájirıbemen bólisý kiredi. Astana Hub halyqaralyq IT-startaptar tehnoparki startap-jobalardy daıyndaýmen jáne damytýmen aınalysady. Tehnoparkte IT-startaptardy damytýdyń tegin baǵdarlamalary: startap mektebi, ınkýbasııa jáne akselerasııa baǵdarlamalary jumys isteıdi.

Sońǵy jańalyqtar

Egemendikter elge shyqty

Qazaqstan • Keshe

Fýtzal: «Qaırat» ese qaıtardy

Sport • 16 Qarasha, 2019

Fýtzal: «Qaırat» utyldy

Sport • 16 Qarasha, 2019

Jetisýdan kelgen jeteý

16 Qarasha, 2019

Sapasyz úılerdiń kóbi apattyq jaǵdaıda

Aımaqtar • 16 Qarasha, 2019

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Uqsas jańalyqtar