Sport • 08 Qarasha, 2019

Dmıtrıı Shomko: Jankúıerlerden keshirim suraımyn

89 retkórsetildi

«Astana» Eýropa Lıgasynyń toptyq kezeńi aıasynda «AZ Alkmar» komandasyna qarsy oınap, 0:5 esebimen jol berdi. Kezdesý sońynda elorda komandasynyń vıse-kapıtany Dmıtrıı Shomko jýrnalısterdiń suraqtaryna jaýap berdi. 

– Birinshi kezekte ózimiz úshin de uıattymyz. Stadıonǵa kelip bizdi qoldaǵan jankúıerlerden keshirim suraımyn. Iá, biz jeńiske jetýge barynsha tyrystyq, biraq ol azdyq etti. Eki-úsh goldy óz qateligimizden keıin ótkizip aldyq. Chempıondyqqa qol jetkizip, toptyq kezeńge shyǵý arqyly óz aldymyzǵa júktelgen mindetti oryndaǵanymyzdy jaqsy túsinemiz. Eshqandaı syltaý izdeýden aýlaqpyn.

– Ekinshi goldan keıin komanda oınaýdy múlde doǵarǵandaı kórindi...

– Biz barynsha qysym kórsetýge tyrystyq. Biraq ol naqty qolymyzdan keldi deı almaımyn. Qarsylas oǵan múmkindik bermedi. О́te laıyqty komanda.

– «Ertispen» oıyn qalaı bolmaq?

– Alańǵa shyǵyp oınaý qajet. Basqasha bolýy múmkin emes. Oınaǵysy kelmegender shyqpaı-aq qoısyn. Meniń oıymsha dál qazir fýtbolshylar birinshi kezekte bes jyl boıy tekten-tek chempıon atanbaǵanyn óz-ózderine dáleldegisi keledi. Biz kásibı fýtbolshy bolǵandyqtan, sońyna deıin kúresetin bolamyz.

– Sońǵy jyldary aqyrǵy týrǵa deıin toptan shaǵatyn múmkindik bolǵan edi. Dál qazir eshqandaı múmkindik qalmaǵanyn eskersek, «Manchester» men «Partızanǵa» qarsy daıyndyq qalaı bolmaq?

– Birinshi maqsat – alańǵa shyǵyp fýtbol oınaý. Biz deńgeıi joǵary klýbtyń ókili ekendigimizdi óte jaqsy túsinemiz.

– Áleýmettik jelilerdegi jankúıerler sońǵy eki iri jeńilisten keıin Sizderdiń chempıon ataǵandaryńyzǵa asa razy emes...

– Kóńili tolmaıtyn jandar ár kezde bolady. «Astananyń» chempıon atanǵanyn kóbisi qalamaıdy da. Kóre almaıtyndar bizden alshaq júrsin. Men eshkimge de jamandyq tilemeımin. Eger kimde-kimniń saýaly bolsa, kelip qoısyn, joldasyn. Al fýtboldy tikushaqtan ǵana kórgen, ómirlerinde eshqashan fýtbol oınamaǵan sarapshylarǵa aıtarym: osy isterin jalǵastyra bersin. Biz eger laıyq bolmasaq, chempıon atanbas edik. Biz jaıdan-jaı chempıon atanbaǵanymyzdy barlyǵyna dáleldep qoıǵanbyz. Eger chempıondyqqa laıyq basqa komanda bar bolsa, «Astananyń» sońǵy bes jylda jetken nátıjelerine jetip kórsin. Sosyn sóılese jatarmyz.

Sońǵy jańalyqtar

Basty aqparat (19.02.2020)

Vıdeo • Keshe

Basylym basshylary - Nurlan ORAZALIN (1947)

Basylym basshylary • Keshe

Jaqsylyq júrek jylytady

Qazaqstan • Keshe

Erikti jastar erkin formatta pikir almasty

Ońtústik Qazaqstan • Keshe

Uqsas jańalyqtar