Qazaqstan • 09 Qarasha, 2019

Reseı jalǵa alǵan 11,6 myń ga jer Qazaqstanǵa qaıtaryldy

232 retkórsetildi

Bul týraly Qorǵanys jáne aeroǵarysh ónerkásibi mınıstrliginiń baspasóz qyzmeti habarlady.

Reseı jalpy alańy 11,6 myń gektar tórt jer ýchaskesin jalǵa alýdy toqtatady. Tórt jer ýchaskesi Qazaqstannyń paıdalanýyna beriledi.

«Jalpy alańy 1 740 gektar eki ýchaske Qarmaqshy aýdany Tóretam kentin keńeıtý úshin, sondaı-aq 9 950 gektar eki ýchaske «Batys Eýropa — Batys Qytaı» halyqaralyq tranzıt dálizin, «Almaty —Máskeý» temirjolyn salý jáne «Beıneý—Shymkent» gaz qubyrynyń jelilik bóligi úshin alynyp otyr», — dedi zań jobasy boıynsha baıandama jasaǵan Aýyl sharýashylyǵy mınıstri Saparhan Omarov.    

Mınıstrdiń aıtýynsha, jer telimderi Qyzylorda oblysynyń damýy úshin qajet. Osy sharalar óńirdiń áleýmettik jaǵdaıyna jáne ekonomıkasyna oń áserin tıgizedi. 

Sondaı-aq sharttyń ekinshi qosymshasynda «Baıqońyr» kesheniniń tehnologııalyq jáne tehnıkalyq nysandarynyń, tasymaldaǵysh zymyrandardan bólinetin bólikterdiń qulaýy aýdandarynyń koordınattary kórsetilgen.

Sarapshylar Reseıdiń bizdiń elden jalǵa alynǵan jerlerdi qaıtarý turaqty túrde  jalǵasyp kele jatqanyn aıtady. 

Reseı Syrtqy ister mınıstri  Sergeı Lavrov Qazaqstanǵa  osy saparynda Prezıdent Qasym-Jomart Toqaevpen jáne Syrtqy ister mınıstri Muhtar Tileýberdimen kezdesýge nıetti.

Reseılik sarapshylar Syrtqy ister mınıstrleri deńgeıinde baıypty jáne shuǵyl konsýltasııalardy qajet etetin bir de bir sebep joq ekenin aıtyp jatyr. Bul jolǵy kezdesýde О́zbekstannyń EAEO-ǵa kirý múmkindiginiń perspektıvasy qaralýy ábden múmkin.

Reseı Ǵylym akademııasy Shyǵystaný ınstıtýty Ortalyq Azııa men Kavkazdy zertteý ortalyǵy analıtıkalyq tobynyń jetekshisi Stanıslav Prıtchınniń aıtýynsha, Baıqońyrdy damytý máselesine osy joly nazar aýdarylýy múmkin.

«Qala jabyq mártebege ıe. Endi ony ashý máselesi talqylanýda. Bul kezdesý kezinde kóteriledi jáne mınıstrlerdiń kún tártibinde bolady dep  oılaımyn» dedi S. Prıtchın reseılik jýrnalıstermen kezdesken kezde.

 

 

ALMATY

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar