Aımaqtar • 09 Qarasha, 2019

Almatydaǵy alyp tıin buzylady

176 retkórsetildi

«Almatyda Atakenttegi alyp tıin buzylady» dep habarlaıdy qalalyq Mádenıet basqarmasynyń basshysy Ernar Qurmashev.

Basqarma basshysynyń túsindirýinshe, tıindi órteımiz degen sheshim burynnan bolǵan. Biraq órtelmedi. Endi aýdan ákimine art nysandy buzý týraly tapsyrma berilipti.

«Jalpy jartylaı qıraǵan, estetıkalyq túrin joǵaltqan barlyq shaǵyn arhıtektýralyq pishinder buzylady. Bul qala ákiminiń tikeleı tapsyrmasy. Jaqynda kóptegen art nysannyń, kishi arhıtektýralyq pishinderdiń aýdıti jasaldy. Qalanyń kelbetine nuqsan keltiretin nysandar sýretke túsirildi», - dedi Ernar Qurmashev.

Mádenıet basqarmasy basshysynyń aıtýynsha, aldaǵy ýaqytta qaladaǵy árbir art nysandy ornatarda kórkemdik keńes shaqyrylatyn bolady.

Dál osyǵan uqsas alyp tıin 60-70 jyldary Fransııada qoıylǵan.

«Onyń plagıat nusqasyn Almatyda qoıý ne úshin qajet boldy? Bizde ózindik oıy bar, dúnıejúzi moıyndaǵan keremet músinshi, sýretshiler bar. 9 aı merzimge qoıylǵan ýaqytsha músinniń ornyna sol aqshaǵa qoladan soǵylǵan, danalarymyzǵa arnalǵan eki eskertkishti qoıýǵa bolatyn edi» degen pikir sarapshylar tarapynan jıi aıtylǵan.

Olardyń paıymdaýynsha, keıbireýlerdiń plagıat nusqasy Qazaqstandy dúnıejúzine tanytamyz deý saıası saýatsyzdyq, eshteńeden utylǵan joqpyz deýi – qatelik. Tarıhta ózindik orny bar, ulttyń bet-beınesin kórsetetin músin emes, maǵynasyz kóshirmelerdi qoıý ulttyń óz obrazynyń joqtyǵyn kórsetedi.

Osyǵan deıin Respýblıka saraıy mańyndaǵy saıabaqqa Shámshi Qaldaıaqovtyń músini qoıylǵan bolatyn. Onyń ashylý saltanatyna qala ákimi Baqytjan Saǵyntaev pen qoǵam qaıratkerleri qatysty.

«Qaı jerde júrsek te, Shámshi aǵamyz júregimizde júredi. Shámshi aǵamyz óziniń ánderimen ár shańyraqty terbetip ǵana qoıǵan joq. Shámshi aǵa óziniń ánderimen bútkil qazaq elin terbetti. Elimizdiń táýelsizdik alǵannan keıin Halyq ártisi ataǵyn aldy. Al biraq óziniń súıikti halqy óziniń ataǵyn odan áldeqaıda buryn berip qoıǵan», – dedi Almaty qalasynyń ákimi Baqytjan Saǵyntaev.

Al eskertkishke keler bolsaq, ony bes músinshi birigip daıyndapty. Eskızdi daıyndaýǵa eki aptadaı ýaqyt ketse, al tolyq bitirýge 2 aı ýaqyt sarp etken. Sózderinshe, aýa-raıynyń tosyn minezine minsiz tótep beretin qoladan jasalyp, astyna granıt tóselgen. Músinniń bıiktigi 1,5 metr, uzyndyǵy 3 metrge jýyqtaıdy. Eskertkishte sazgerdiń tereń oıǵa shomylyp, shyǵarmashylyq tolǵanysta otyrǵany beınelegen.

Qazaqstandyq músinshilerdiń teń jartysy qatysqan baıqaýda túrli eksızder usynylǵan. Onyń ishinde Shámshi Qaldaıaqovtyń pıanınoda oınaǵany, dombyra tartqan sáti de beınelenipti.

«Halyq kelip, sýretke túsý úshin, ár adamnyń janynda otyrǵandaı beınede jasadyq.  3-4 nusqa bolǵan, sonyń ishinen osy oryndyqty tańdady. Eskertkish saıabaqta bolǵandyqtan, aýqymdy emes, osyndaı kishigirim etip jasadyq», – dedi músinshi Aıdos Búrkitbaev.

Qala bıligi Almaty kóshelerine aldaǵy ýaqytta Shámshi men Shákenniń ǵana emes, ómirden ótip ketken alash ardaqtylarynyń músini ornatylatynyn aıtyp otyr. Olardyń bári bıznes pen bıliktiń áriptestigi sheńberinde qarjylandyrylady.  

 

ALMATY

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar