Qoǵam • 10 Qarasha, 2019

Nur-Sultan: qaı kósheler jaryqsyz otyr?

242 retkórsetildi

Nur-Sultan qalasy Esildiń sol jaǵalaýynda birneshe kóshe turǵyndary jaryqsyz otyr. Bul týraly qala ákimdiginiń baspasóz qyzmeti habarlady.

«10 qarasha kúni saǵat 15:30-daǵy jaǵdaı boıynsha Nur-Sultannyń Qonaev, Syǵanaq, Túrkistan, Almaty, Dostyq kóshelerindegi tutynýshylar elektr jaryǵynsyz otyr. Apattan barlyǵy 25 nysan men 7 turǵyn úı kesheni zardap shekti» dep habarlady Nur-Sultan qalasy ákimdiginiń baspasóz qyzmeti.

Eske sala ketsek, elordadaǵy «Levoberejnaıa» 110/10 kV shaǵyn stansasynyń 10 kV kabel kanalynda órt shyǵyp, kabel lınııasy zaqymdanǵan. Saldarynan sol jaǵalaýdaǵy keıbir turǵyn úıler jaryqsyz otyr.

«10 qarashada túngi saǵat 02.04-te atalǵan stansadan qosylǵan nysandardyń elektrmen jabdyqtaý lınııalary apat saldarynan aǵytyla bastady. Osy kabel lınııalaryna qosylǵan tutynýshylar órt sóndirý brıgadalarynyń elektr toǵy soǵýyn boldyrmas úshin elektrmen qamtýdan ajyratyldy. Apat saldaryn joıý brıgadalary quramynda 15 adam jáne 6 arnaıy tehnıka qajetti jabdyqtarymen shuǵyl túrde jumysqa kiristi. 5 jedel-kóshpeli brıgada nysandardy qaıta qosýmen aınalysýda. Qolda bar barlyq mobıldi dızel-generatorlar iske qosyldy. Kabel jelilerin qalypqa keltirý jumystary jalǵasýda» delingen habarlamada.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar