Aımaqtar • 11 Qarasha, 2019

О́mirin saqshylar saqtap qaldy

29 retkórsetildi

Qaraǵandyda jıyrmadan asqan qyz úı ishinde bolǵan áldebir kıkiljińnen keıin óziniń jas ómirine qııanat jasaı jazdady. Ol Ońtústik-Shyǵys shaǵyn aýdanyndaǵy turǵyn úılerdiń biriniń toǵyzynshy qabatyndaǵy balkonnyń ústine shyǵyp, tómen qaraı sekirmekshi bolǵan. Osy kóriniske kezdeısoq kýá bolǵan kórshi úıdiń turǵyny dereý «102» nómirine qońyraý shalyp, polısııany shaqyrady. Oqıǵa ornyna quramynda leıtenant Erasyl Murat pen serjant Bekzat Omashev bar patrýl ekıpajy dereý jetken.

Kireberisten joǵaryǵa kóte­rilgen polısııa qyzmetkerleri úı tóbesindegi qarda qalǵan izben qyzdy ońaı ta­ýyp alady. Olar birden iske kirisip, balkonnyń ústinde aıaǵyn salbyratyp ji­be­rip, sekirmekke oqtalyp otyrǵan qyzǵa jyly sózder aıtyp, ony raıynan qaıtarýǵa tyrysady. Oılanyp turýǵa ýaqyt joq, bir-eki aýyz tildeskennen keıin ser­jant Bekzat Omashev nartáýe­kelge bel býyp, qyz otyrǵan balkonnyń tóbesine sekirip túsedi. Balkonnyń qar basqan qa­ńyltyr shatyrynyń taıǵanaq bolǵanyn eskersek, janyn shúbe­rekke túıgen polısııa qyzmet­keriniń júrek jutqan batyl­dyǵyna eriksiz tánti bolasyz.

Serjant bul ómirden kúderin úzip, únsiz jylap otyrǵan qyz­dy óz-ózine kelgenshe jubatý sózderin aıtyp, balkon ústinde biraz otyrady. Sálden keıin onyń áriptesi – leıtenant Erasyl Murat úı tóbesinen qolyn sozyp, ekeýin joǵaryǵa tartyp alǵan.

Aıdyń-kúnniń amanynda jas ómirin qııa jazdaǵan Z. esimdi qyzdy qutqarǵanymen, saqshylar ózderiniń bul isin erlikke bala­maıdy. Bolǵan oqıǵa týraly aıt­qandary da tym qysqa boldy. «Biz ony sózge tartyp, aqylǵa kelýin ótindik. «Z., sen áli jas­syń jáne ádemisiń, bar ómiriń alda», degendi aıttyq. Onyń kóz­deri óleýsirep, únsiz jylap otyrdy. Áıteýir qarsylyq kórsetken joq. Men balkonnyń tóbesine sekirip tústim de, ony ustaı aldym. Ekeýimiz sol jerde birer mınýt turdyq. Osy ýaqyt ishinde men ony barynsha jubatýǵa tyrystym», deıdi kóz­siz erlikke barǵan serjant Bekzat ­Omashev.

Osy oqıǵa týraly polısııaǵa ha­bar­laǵan álgi áıel uıaly telefonynyń beınekamerasyna bolǵan jaıtty basynan aıaǵyna deıin túsirip alǵan eken. Atalǵan beınekórinisti áleýmettik jelide kór­gen ınternet qoldanýshylar polısııa qyzmetkerleriniń atyna nebir madaq sózder aıtyp, erlik iske laıyq­ty baǵalaryn bergen. Mysaly, olar «Antyna adal azamattar!», «Jaraı­syńdar, búgingi kúnniń batyrlary!», «Qazaqtyń jigitteri osyndaı bolsa kerek-ti. Qos batyrdan ózgeler de úl­gi alsyn!», «Qazaq polısııasy ja­saı bersin, halyq qorǵany bola bersin!», degen súısiniske toly pikir­ler qaldyr­ǵan.

Sondaı-aq, jeli qoldanýshylary oqıǵa­ny polısııaǵa habarlap, bolǵan jaıttyń bárin beıne kame­raǵa túsirgen, ózgeniń ómirine et júregi ezile ýaıym jegen  meıir­ban áıeldiń atyna da maqtaý aıtady. «Túsirgen jan da kere­met, adam janyn túsinetin qasıeti bar, bireýdiń ómiri úshin qınala biletin adam eken! Sonyń arqasynda bul eki jigittiń erligi elge kórsetildi. Raqmet saǵan adal jan!», degen júrekjardy jazba qaldyrdy olardyń biri.

Keıin belgili bolǵandaı, oqıǵany polısııaǵa habarlap, qutqarý operasııasyn beınetaspaǵa tartqan áıel Natalıa Aınabekova degen turǵyn bolyp shyqty. «Basynda men adrenalın sezimin bastan keshý úshin shatyrǵa shyqqan ekstremaldar eken dep qaldym. Biraq beınekórinisti úlkeıtken kezde toǵyzynshy qabattyń tóbesinde júrgen jas qyzdy baıqadym da, bir sumdyqtyń bolaryn júregim sezdi. Birden «102» nómirine oqıǵa týraly habarladym. Meniń jedel jáne úılesimdi áreket etken polısııa qyzmetkerlerine degen alǵysym zor. Adamnyń ómirin qutqaryp qaldy. Batyrlar bizdiń aramyzda», deıdi ózgeniń ómirine nemquraıdy qaramaǵan meıirimdi jan Natalıa Aınabekova.

Kásibı qyzmetine, bergen anttaryna adaldyq tanytqan tártip saqshylarynyń adam ómirin saqtap qalý jolyndaǵy erlik isi joǵary jaqtaǵy basshylyqtyń nazaryn birden aýdardy. Atap aıtqanda, Ishki Ister mınıstri Erlan Turǵymbaev leıtenant Erasyl Murat pen serjant Bekzat Omashevti «Quqyq tártibin qamtamasyz etýge qosqan úlesi úshin» medalimen marapattady.

Saltanatty rásim kezinde mınıstr polısııa qyzmetkerleriniń batyrlyq jasaýǵa ataq-dańq úshin emes, qyzmettik jáne azamattyq boryshqa adaldyq tanytqandyqtan baratynyn eske saldy. «Sizderdiń erlik isterińiz osynyń dáleli jáne bul jeke quramnyń barlyǵyna úlgi bolady», dedi mınıstr Erlan Turǵymbaev.

 

QARAǴANDY

 

Sońǵy jańalyqtar

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Qushaǵy keń, júregi jumsaq

Rýhanııat • Búgin, 06:49

Túbir astyndaǵy teńdeýdiń sheshimi

Rýhanııat • Búgin, 06:45

Saltanatty is-sharaǵa qatysty

Prezıdent • Búgin, 06:37

Prezıdent el azamattaryn marapattady

Prezıdent • Búgin, 06:30

Uqsas jańalyqtar