Fýtbol • 11 Qarasha, 2019

«Astananyń» jeńilisine kim jaýapty?

21 retkórsetildi

О́tken aptada fýtboldan Eýropa lıgasynyń toptyq kezeńindegi 4-týr oıyndary ótti. «L» tobynda synǵa túsip jatqan elordanyń «Astana» klýby «Astana Arena» stadıonynda Nıderlandtyń AZ komandasymen kezdesip, bul joly da iri eseppen jeńilip qaldy. Elordadaǵy kezdesýde elimizdiń alty dúrkin chempıony óz qaqpasyna bes gol ótkizip aldy.

Osydan eki apta buryn Nıderlandta ótken kezdesýde jerlesterimiz 6:0 esebimen masqara bolyp jeńilgen edi. Biraq sol jeńilisti aqtap alýǵa bolatyn birshama syltaý da bar edi. Alǵashqy oıynda «Astana» negizgi quramdaǵy fýtbolshylardyń jaraqat alyp qalýyna baılanysty ekinshi quramyn shyǵardy. Oıyn barysynda eki fýtbolshymyz jaraqat alyp, kezdesýdi merziminen buryn aıaqtaýǵa májbúr boldy. Sondaı-aq tóreshi eki márte bizdiń qaqpaǵa penaltı belgiledi. Osyndaı syltaýlardan keıin álbette, 6-0 esebin aqtap alýǵa bolatyn edi. Biraq óz alańymyzdaǵy jeńilisti aqtap ala almaımyz. О́ıtkeni alańda alǵashqy oıyndaǵydaı emes, negizgi quram fýtbolshylary oınady. Onyń ústine «Astananyń» óz alań­ynda, óz jankúıerleriniń aldynda eýro­palyq komandalarǵa jeńilmeıtin jaq­sy dástúri bar-tyn. Tipti bul kún­deri elordalyqtarǵa jasyl alańnyń jasan­dylyǵy da kómektespeıtin kúıge jetti.

О́tken matchta «Astana» oıynshy­larynyń tym sharshańqy kúıde ekeni kózge birden baıqaldy. Onyń eki sebebi bar. Birinshisi, jazdan beri bir quram ishki chempıonatta da, Eýrododa oıyndarynda da dop teýip júr. Iаǵnı, fýtbolshylar ár úsh kún saıyn bir match ótkizýde. Onyń ústine «Astananyń» birneshe oıynshysy Ulttyq qurama sapynda da oınaıdy. Bul da tyǵyz kestede match ótkizip júrgen fýtbolshylarǵa keri áserin tıgizbeı qoımaıdy. Ekinshi sebebi, elordalyq oıynshylardyń teń jartysy 30 jas­tan asyp ketken. Qansha jerden myqty bolyp tursa da, olardyń fızıkalyq múmkindigi mundaı oıyndarǵa jetpeı qa­lyp jatyr. Mysaly, keshegi match­ta 33 jastaǵy qorǵaýshy Evgenıı Post­nıkov qaıta-qaıta qatelesip, úsh goldyń soǵylýyna sebepshi boldy. Keı sátte 2 goldyń avtory, 18 jastaǵy shabýylshy Maıron Boadýdyń jyldamdyǵyna ile­se almaı qalyp jatty. Sondaı-aq 35 jas­taǵy serbııalyq qorǵaýshy Antonıo Rýka­vına da bolmaıtyn jerde jıi qate­lik jiberdi. Bul fýtbolshylardyń tájirı­besine kúmán keltirmeımiz, biraq shama-sharyqtarynyń búgingi fýtbolǵa saı kelmeıtinin ótken matchta ózderi de túsin­gen shyǵar.

El chempıondary kelesi jyly «shal-shaýqandardy» «zeınetke» jiberip, ózderi­niń quramyn boıynda jalyny, kó­zinde oty bar talanty ári jas fýt­bolshylarmen tolyqtyrýy kerek sııaqty. Áıtpese dál qazirgi fýtbolshylarymen kelesi jyly Eýropany eńsere almaıdy.

Jalpy alańda fýtbolshylar oına­ǵanymen, jeńiliske bas bapker jaýap berýi kerek. Biraq kezdesýden keıin Ro­man Grıgorchýk baspasóz máslıhatynda jankúıerlerden keshirim suraýdyń ornyna: «О́z alańymyzda, tamasha atmosferada 0:5 esebimen utylǵanymyz ókinishti. Iri jeńilisti de bastan ótkerý kerek», dep qysqa ǵana qaıyrdy. Sondaı-aq jýrnalısterdiń «Masqara jeńilisten keıin otstavkaǵa ketesiz be?» degen suraǵyna pikir bildirýden bas tartyp, jaýapsyz qaldyrdy. Ádette Eýropa elderinde mundaı iri jeńilisten soń bas bapkerlerdiń óz erkimen qyzmetinen ketip jatatyny belgili.

«Astanany» eýropalyq komandaǵa aınaldyrǵan bolgar mamany Stanımır Stoılov qyzmetinen ketkennen soń klýb basshylyǵy Roman Grıgorchýk komandany órge súıreıdi dep úmittengen bolatyn. О́kinishke qaraı basshylyqtyń úmiti aqtalmady. Kerisinshe, Grıgorchýktyń «arqasynda» «Astana» reıtıngte tómen qaraı quldılap, bes jyl boıy qasyqtap jınaǵan abyroıyn shelektep tógip jatyr. «Astana» 2015/16 jyldary Stoılov basshylyǵymen Chempıondar lıgasynyń toptyq kezeńinde oınap, óz alańymyzda ótken úsh oıynda da jeńilgen joq edi. Tipti Ispanııanyń «Atletıko Madrıd» klýby «Astana Arenada» gol soǵa almaı san soǵyp ketken bolatyn. Al byltyr ǵana «Qaı­rattan» 2:1 esebimen jeńilip júrgen AZ bıyl «Astana» qaqpasyna eki oıynda 11 gol soqty. Erinbegen fýtbolshy gol soqty bizdiń qaqpaǵa. Sondaı-aq elor­dalyqtar bıylǵy toptyq kezeńniń tórt kezdesýinde de jeńilip, antırekord ornatty. Tórt oıynda bir ǵana gol soǵyp, óz qaqpalarynan 14 gol ótkizip aldy. Alda «Manchester Iýnaıted» pen «Par­tızanǵa» qarsy oıynda áli qansha gol jibererin kim bilsin?!

Qysqasyn aıtqanda, «Astana» kele­­si jyly Eýrododa oıyndarynda taǵy da jan­­kú­ıerler aldynda masqara bolǵy­sy kel­mese ýkraın mamanyn eline qaı­ta­­ryp, qolynan is keletin, tájirı­besi bar jat­tyqtyrýshyny aldyrt­qany durys. Sonymen qatar joǵary­da aıtqany­myzdaı quramyn «shal-shaýqandardan» tazartqandary jón. Áıtpese «Astana» keshegideı oıyny­­men kelesi maýsymda toptyq kezeńge de shyǵa almaı qalýy múmkin.

«Astana» bıylǵy maýsymdy aıaqtaý úshin Eýropa lıgasynda áli eki match ótkizý kerek. Keshe elorda komandasy el chempıonatyndaǵy sońǵy týr oıynyn «Ertiske» qarsy ótkizip, altynshy ret chempıondyqty toılady. Endi 27 qarashada «Manchester Iýnaıted» komandasyn óz alańynda qabyldasa, 12 jeltoqsanda syrt alańda «Partızanǵa» qarsy oınaıdy.

 

Sońǵy jańalyqtar

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Tálimi zor, ǵıbraty mol jıyn

Aımaqtar • Búgin, 11:18

Danyshpan toıyna bir tamshy úles

Abaı • Búgin, 10:36

Habarsyz ketken kásipker izdestirilýde

Aımaqtar • Búgin, 10:24

Jumyrtqa nege qymbattaıdy?

Ekonomıka • Búgin, 09:27

О́ner mýzeıindegi ózgeshe kórmeler

Aımaqtar • Búgin, 09:12

Alısa – Arqa tósinde

Aımaqtar • Búgin, 08:03

Abaı rýhy – Almaty tórinde

Abaı • Búgin, 08:00

Bıik parasat ıesi

Rýhanııat • Búgin, 07:56

Medısınalyq baqylaýǵa alynǵan

Aımaqtar • Búgin, 07:52

Qaýip seıilmedi, saqtyq kúsheıdi

Aımaqtar • Búgin, 07:49

Kemedegi qazaqstandyqtar elge qashan keledi?

Medısına • Búgin, 07:39

Jańa zań jaǵdaıdy jaqsartady

Rýhanııat • Búgin, 07:37

Pedagog mártebesin pedagog kóteredi

Qoǵam • Búgin, 07:35

Burynǵydan uǵynyqty jazylǵan

Qoǵam • Búgin, 07:32

Salyq zańnamasyn jıi buzatyn salalar

Saıasat • Búgin, 07:30

Geologııalyq barlaý jandanady

Úkimet • Búgin, 07:25

«Jasyl» jobalarǵa jol ashyq

Qarjy • Búgin, 07:21

30 mln tonnaǵa jýyq munaı óndirdi

Ekonomıka • Búgin, 07:18

Almaqtyń da salmaǵy bar

Ekonomıka • Búgin, 07:15

«Sypaıy júr de, sharýa oıla»

Rýhanııat • Búgin, 07:13

Teatr jylynan ne kútemiz?

О́ner • Búgin, 07:08

Elektr qýaty qymbattaıdy

Qoǵam • Búgin, 07:06

Avtobýs az, jol uzaq

Qoǵam • Búgin, 07:02

Abaı jáne Marjanı dúnıetanymy

Rýhanııat • Búgin, 06:58

Qalamger qoltańbasy

Tanym • Búgin, 06:58

Uqsas jańalyqtar