Dástúrli kezdesýdiń birinshi kúninde «Eýrazııa 2020 úshin 10 basty syn-qater» táýekelder reıtıngisiniń ekinshi basylymynyń tusaýy kesildi.
Atalmysh zertteý jumysyna iri BAQ pen halyqaralyq ınstıtýttar jáne memleket kóshbasshylary pikirine qulaq asatyn 40 bedeldi sarapshy men saıasatker qatysty. Budan bólek, 70 eldiń 1100–den asa kásibı suhbatkeri saýalnamaǵa tartyldy.
Aýqymdy zertteý jumysynyń qorytyndysy týraly sarapshylarǵa joba jetekshisi Qazaqstan Respýblıkasy Tuńǵysh Prezıdenti - Elbasynyń Qory janyndaǵy Álemdik ekonomıka jáne saıasat ınstıtýtynyń dırektory (ÁESI) Erjan Saltybaev jáne reıtıngtiń teń avtorlary Slovenııa prezıdenti (2007-2012) Danılo Tıýrk, Karnegı qorynyń vıse-prezıdenti Evan Feıgenbaým (AQSh), sondaı-aq PIR-ortalyǵynyń tóraǵasy, general-leıtenant Evgenıı Býjınskıı (Reseı) tarqatyp aıtyp berdi.
Jyl saıynǵy reıtıngti ázirleýdegi basty maqsat – Eýrazııa aımaǵyndaǵy meılinshe ózekti syn-qaterlerdi ssenarlyq boljaý men baǵalaý.
