Qoǵam • 11 Qarasha, 2019

Qazaqstandyqtarǵa Memlekettik áleýmettik saqtandyrý qorynan 162 mıllıard teńgeden astam tólem tólendi

29 retkórsetildi

2019 jylǵy 10 aıda áleýmettik saqtandyrý júıesine qatysýshy azamattarǵa Memlekettik áleýmettik saqtandyrý qorynan (budan ári – MÁSQ) jalpy somasy 162,1 mlrd teńge kóleminde tólemder júrgizildi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Júktilik pen bosaný, jańa týǵan balany (qyzdy) asyrap alý boıynsha áleýmettik tólemderge arnalǵan shyǵystar 65,1 mlrd teńgeni, bala bir jasqa tolǵanǵa deıin onyń kútimi boıynsha – 74,2 mlrd teńgeni, eńbek etý qabiletinen aıyrylý boıynsha – 11,4 mlrd teńgeni, asyraýshysynan aıyrylý boıynsha – 7,8 mlrd teńgeni, jumysynan aıyrylý boıynsha – 3,6 mlrd teńgeni qurady.

Jańa týǵan balany (balalardy) asyrap alýǵa baılanysty memlekettik áleýmettik saqtandyrý qorynan tólenetin tólemderdiń ortasha mólsheri 424 063 teńgeni qurady, mundaı tólemdi 164 myń qazaqstandyq aldy.

Bala bir jasqa tolǵanǵa deıin onyń kútimi boıynsha áleýmettik tólemderdiń mólsheri 30 925 teńgeni qurady, ony 395 myń azamat aldy.

54,7 myń adam jumysynan aırylý jaǵdaıy boıynsha áleýmettik járdemaqy aldy, onyń ortasha mólsheri 22 631 teńgeni quraıdy.

46,6 myńnan astam qazaqstandyqqa asyraýshysynan aırylý jaǵdaıynda tólemder tólendi, olardyń ortasha mólsheri 17 628 teńgeni qurady.

Taǵy 85,3 myń azamat eńbekke qabiletinen aırylýy jaǵdaıynda áleýmettik járdemaqy aldy. Bul tólemniń ortasha mólsheri 14 860 teńgeni qurady.

Qazaqstanda jumys isteıtin halyqty áleýmettik qorǵaýdyń qosymsha nysany retinde mindetti áleýmettik saqtandyrý engizildi. MÁSQ mindetti áleýmettik saqtandyrý júıesine qatysatyn alýshylarǵa: múgedektigi bar adamdarǵa, asyraýshysynan aıyrylǵan otbasylarǵa, jumysynan aırylǵan azamattarǵa, júktiligine jáne júkti áıelderdiń bosanýyna baılanysty, bir jasqa tolǵanǵa deıin bala kútimine baılanysty otyrǵan analarǵa tólemder tóleýdi qamtamasyz etetin áleýmettik mańyzdy fýnksııalardy oryndaıtynyn eske salamyz.

Sońǵy jańalyqtar

Qazalyda retro-festıval ótti

Aımaqtar • Búgin, 16:58

Qarqaraly aýdanyna jańa ákim taǵaıyndaldy

Taǵaıyndaý • Búgin, 16:02

Kúlki kerýeni № 20

Rýhanııat • Keshe

Uqsas jańalyqtar