Qazaqstan • 11 Qarasha, 2019

Áskerı ınstıtýtta Talǵat Bıgeldınovti eske aldy

28 retkórsetildi

Aqtóbe qalasyndaǵy Áýe qorǵanysy kúshteri Áskerı ınstıtýtynyń kýrsanttar uly ushqysh, eki márte Keńes Odaǵynyń Batyry Talǵat Bıgeldınovti eske aldy. Bul týraly Qorǵanys mınıstrliginiń baspasóz qyzmeti habarlady.

Eske alý is-sharasynda áskerı ınstıtýt bastyǵy avıasııa general-maıory Dáýren Qosanov bolashaq ushqyshtar men ınjenerlerge otandastarynyń batyrlyqtary men eline-jerine degen súıispenshilik pen janqııarlyq erlikteri týraly estelikterdi aıtty.

«Birinshi ret Keńes Odaǵynyń Batyry ataǵy ushqysh-aǵa leıtenant Bıgeldınovqa 1944 jyldyń qazan aıynda erligi men jaýyngerlik sheberligi úshin berildi. Sol kezde tórt jaý ushaqtaryn talqandaǵan batyr, dál senderdeı 22 jasta boldy»,  dedi ol tórtinshi kýrs kýrsanttaryna.

Bir mınýt únsizdikten keıin áskerı ınstıtýt basshylyǵy men kýrsanttar batyrdyń músinine gúl shoqtaryn qoıdy. Qoladan quıylǵan eskertkish ushý ınstıtýtynda 10 jyl buryn boı kótergen. Sol kezde aty ańyzǵa aınalǵan ushqysh monýmenttiń ashylýy rásimine qatysqan.

Eske alý sharasy «Aspanǵa jol» atty derekti ómirbaıandyq fılmniń kórsetilimimen aıaqtaldy.

1941-1945 jyldary Uly Otan soǵysynyń ardageri, erjúrek ushqysh Talǵat Bıgeldınov 2014 jyldyń 10 qarashasynda 93 jasynda ómirden ozdy. Berlın úshin shaıqasqa qatysqan batyrǵa 1945 jyldyń maýsymynda ekinshi ret Keńes Odaǵynyń Batyry ataǵy berildi. Uly Otan soǵysy jyldarynda ol barlyǵy 305 jaýyngerlik ushý jasady.

Eki márte Keńes Odaǵynyń batyry retinde Talǵat Bıgeldınov eki ret «Altyn juldyz» medalimen marapattaldy. Ár jyldary KSRO Joǵarǵy Keńesiniń 2-shi, 3-shi jáne 12-shi shaqyrylymynyń depýtaty bolyp saılandy, UOS múgedekteri men jetim balalarǵa Halyqaralyq qaıyrymdylyq qoryn basqardy. Onyń esimimen Qazaqstannyń ár túrli qalalarynda kósheler atalady. Sonymen qatar Ortalyq Azııadaǵy Qarýly Kúshter men basqa da kúsh qurylymdary úshin avıasııalyq mamandar daıyndaıtyn jalǵyz joǵary áskerı oqý orny – Aqtóbedegi Áýe qorǵanysy kúshteriniń Áskerı ınstıtýty ańyz adamnyń esimimen atalady.

Sońǵy jańalyqtar

Qazalyda retro-festıval ótti

Aımaqtar • Búgin, 16:58

Qarqaraly aýdanyna jańa ákim taǵaıyndaldy

Taǵaıyndaý • Búgin, 16:02

Kúlki kerýeni № 20

Rýhanııat • Keshe

Uqsas jańalyqtar