Qazaqstan men Qytaı birlesip túsirgen «Kompozıtor» fılmi Los-Anjeleste (AQSh) ótken 4-shi kezekti Golden screen awards marapattaý sharasynda 4 nomınasııa boıynsha úzdik dep tanyldy.
Saltanatty jıynda «Kompozıtor» fılmi jyldyń «Eń úzdik kınosy», «Eń úzdik mýzyka», «Eń úzdik er adam róli» jáne «Eń úzdik áıel róli» nomınasııalary boıynsha marapattaldy.
Eske sala keteıik, «Kompozıtor» fılminiń tusaýkeseri bıylǵy jyldyń 17 mamyr kúni elordada ótken bolatyn. Fılm álemdik ónerge eleýli úles qosqan Qytaıdyń tanymal kompozıtory Sı Sınhaıdyń ómiri men óner jolyna arnalǵan. Ekinshi dúnıejúzilik soǵys jyldarynda (1941-1943 jyldar aralyǵynda) kompozıtor Qazaqstanda turyp, qazaqtyń talantty kompozıtory Baqytjan Baıqadamovpen dos bolǵan. Kartına eki el arasyndaǵy yntymaqtastyq pen kompozıtorlardyń dostyǵy týraly syr shertedi. Fılmdi Sh.Aımanov atyndaǵy «Qazaqfılm» kınostýdııasy jáne qytaılyq «Shineworks Pictures», «China film coproduction corporation» kompanııalary birge túsirgen.
Aıta keteıik, Golden screen awards sharasy China Film Co Production korporasııasy, Hollywood Reporter jáne Amerıka kıno qaýymdastyǵynyń qoldaýymen 2016 jyldan beri ótkizilip keledi.
