Qoǵam • 11 Qarasha, 2019

Munaılyda «Nur Otan» partııasynyń kadrlyq rezervine irikteýdiń II kezeńi jalǵasýda

77 retkórsetildi

«Nur Otan» partııasy Munaıly aýdanynda partııanyń kadrlyq rezervine irikteýdiń ekinshi kezeńi jalǵasýda. Irikteý 3 kezeńnen turady, oǵan jasy 20-dan asqan eldiń kez-kelgen aýdan turǵyny qatysýǵa múmkindik alǵan bolatyn. Úzdik ıdeıa avtorlary «Nur Otan» partııasynyń múshesi atanyp, qajetti salalardy damytýǵa úles qospaq.  

Birinshi kezeńi tirkelý, ekinshisi úgit-nasıhat jumystary jáne úshinshi kezeń – daýys berý naýqany. Úgit-nasıhat kezeńiniń úmitkerler arasyndaǵy ashyq pikirtalasy 8, 9, 11 qarasha aralyǵynda ótti. Kandıdattar aýdannyń mańyzdy máselelerin baǵdarlamalaryna qosyp, pikirtalasta ortaǵa saldy. 

– Partııada joq, biraq óziniń potensıaly bar, oıy bar, óziniń osy aýdanymyzdyń, óńirimizdiń daýmyna úlesin qosamyz degen árbir azamatty biz shaqyrdyq. Sebebi kózge kórinbeı júrgen azamattar bolýy múmkin. Mine, búgingi tańda osy azamattarymyz kelip, qazir 49 kadıdat tirkeldi, -dep málimdedi Kadrlyq rezerv boıynsha «Nur Otan» partııasy Munaıly aýdandyq fılıaly tóraǵasynyń orynbasary Muqanjan Kamalov.

Solardyń biri Munaıly aýdandyq isker áıelder keńesiniń tóraıymy, aýdandyq máslıhat depýtaty,  «Erasyl» balabaqshasynyń dırektory, kópbalaly ana - Qonysbaeva Gúljanat О́teýqyzy irikteýdiń Munaıly aýdanynda ótip jatqanyna qýanyshty ekendigin jetkizdi.

– Aýdanymyz budan 12 jyl buryn 2007 jyly Elbasynyń jarlyǵymen Aqtaý qalasynyń mańyndaǵy eldi-mekender men saıajaılarǵa qonystanǵan halyqtyń áleýmettik máselelerin bir ortalyqtan sheshý maqsatynda quryldy. Elbasynyń ózi kelip ashyp berdi. Aýdan ashylǵaly bizdiń bos jatqan saıyn dalamyzǵa aq shatyrly aýyldar paıda bolyp, eldi-mekenimizdiń kórki burynǵymen salystyrǵanda adam senbesteı dárejede kórkeıdi.

«Nur Otan» partııasy kadrlyq rezerv jobasynyń bastalǵany óte jaqsy bastama, «Esikten - esikke» aksııasy aıasynda halyqtyń máselesine jaqyn tanysýǵa usynystaryn jınaýǵa zor múmkindik berdi. Bizdiń aýdanymyz ashylǵand 48 000 ǵana adam bolsa, qazirde halyq sany 168 myń 400 –ge jetti. Halyq kóbeıgen saıyn, halyqtyń máselesi de kóbeıedi. Ár aýylǵa jeli arqyly sý júrgizý, sebebi MAEK-ten keletin sýdyń mólsheri jetispeıdi. Aýyl ishi joldaryn asfalttaý, kásipkerlikti damytý, mektep jetispeýshiligin boldyrmaý, sport alańdaryn jabdyqtaý, aýyldardaǵy kitaphana tapshylyǵyn joıý, mýzeıler ashý, oqýshylar ortalyǵyn salý, aýyldy qala deńgeıine jetkizip, halyqqa qyzmet etetin mekemelerdiń jumys sapasyn qalalyq dárejege jetkizýge at salysýdy josparlaımyn,- dedi.  

Munaıly aýdanyndaǵy kadrlyq rezervke irikteý áli jalǵasýda, qorytyndysy 16 qarashada keshki saǵat 18.00-ge deıin jarııalanatyn bolady dep kútilýde.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Uqsas jańalyqtar