Baǵdarlamalarǵa belsendi qatysady

Qazaqstan Respýblıkasynyń Syrt­qy ister mınıstri Muhtar Tileýberdiniń Astana klýbynyń 5-shi mereıtoılyq oty­­rysyna qatysý maqsatynda Nur-Sultan qalasyna saparmen kelgen EO-nyń Ortalyq Azııa boıynsha arnaıy ókili Peter Býrıanmen ótken kelissóziniń negizgi arqaýy osyndaı.

Kezdesý barysynda ekologııa, sıfr­ly damý, gýma­nı­tarlyq almasý jáne turaqty ózara baılanys máse­leleri sekildi perspektıvaly baǵyt­tar boıynsha Qazaqstan men Eýro­palyq odaq arasyndaǵy áriptestik qatynastardy nyǵaıtý máselelerin qosa alǵanda, halyqaralyq jáne óńirdiń kún tártibindegi ózekti máseleler boıynsha jan-jaqty pikir almasý ótti.

Syrtqy saıasat vedomstvosynyń bas­shysy 2019 jyly Or­talyq Azııa boıyn­sha jańa strategııanyń qabyldanýy men 2015 jylǵy 21 jeltoqsanda Nur-­Sultanda qol qoıylǵan QR-EO Ke­ńeıtilgen áriptestik jáne yntymaq­tastyq týraly kelisimdi ratıfıkasııalaý rásiminiń aıaqtalýy ekijaqty qarym-qatynastar tarıhynda mańyzdy oqıǵa bolǵanyn atap ótti.

«Biz Qazaqstan-Eýropa qatynas­tarynyń sapaly ja­ńa kezeńiniń bastalýyn bildiretin osy strategııalyq qu­jat­tarǵa úlken úmit artamyz. Olardyń tabysty júzege asyry­lýy, birinshi kezekte, Qazaqstan men Eýropalyq odaq ara­syndaǵy ózara tıimdi saýda-ekonomıkalyq jáne ınvestısııalyq yntymaqtastyqty arttyrýǵa múmkindik beretinine senim bildiremin», – dedi ol.

Eýropalyq dıplomat Qazaqstan Orta­lyq Azııa boıynsha jańa strate­gııany iske asyrý boıynsha Eýro­pada mańyzdy seriktes retinde qabyl­danatynyn atap ótti. P.Býrıan elimizdiń Orta­lyq Azııa men Aýǵanstandaǵy saıa­sı jáne saýda-ekonomıkalyq yntymaqtastyqty, sondaı-aq halyq­ara­lyq qaýipsizdikti nyǵaıtýdaǵy róline erekshe toqtalyp ótti. Osy oraıda eýropalyq tarap óńir úshin jalpy bıýdjeti 55,6 mln eýrony quraıtyn úsh jańa baǵdarlamanyń iske qosylǵany týraly habardar etti. Bul jobalar Orta­lyq Azııadaǵy ınvestısııalardy, báse­kege qabilettilikti jáne saýdany qoldaýǵa baǵyttalǵan.

Kezdesý aıasynda joǵary deńgeıdegi basqosýlardy, ynty­maqtastyq keńeske, konferensııalar men dóńgelek ústel­derge qatysýdy qamtıtyn QR-EO jáne QR-OA ynty­maq­tastyq formaty boıynsha 2020 jylǵa arnalǵan is-shara­lardyń perspektıvaly kúntizbesine erekshe nazar aýdaryldy.