Qoǵam • 12 Qarasha, 2019

«Pishin men beıne úndestigi» atty kórme

18 retkórsetildi

Elbasy kitaphanasynyń mýzeıinde Qazaqstan Respýblıkasynyń Tuńǵysh Prezıdenti kúnine arnalǵan kórmeler toptamasy «Pishin men beıne úndestigi» atty taqyryptyq qor kórmesiniń ashylýymen bastaldy.

 

Is-sharaǵa memleket jáne qoǵam qaı­ratkerleri, Ázerbaıjan, Chehııa, Shvesııa, Ja­ponııa elshilikteriniń, sondaı-aq Koreı mádenıet or­ta­lyǵynyń ókilderi, ýnıversıtet stý­dentteri jáne mektep muǵalimderi men oqýshylary qatysty.

Kórmeni Elbasy kitaphanasynyń dırektory Ámirhan Rahymjanov ashyp, kórmeniń mańyzdylyǵyna toqtaldy.

–  Táýelsizdik jyldary Qazaqstan Respýblıkasy halyqaralyq-qu­qyq­tyq turǵydan moıyndaldy. Qazaq eli memleket retinde álem kartasyna endi. Atalǵan jetistikterdiń negizi – Qazaqstannyń Tuńǵysh Pre­zıdenti Nursultan Nazar­baev­­tyń kópvektorly syrtqy saıasaty, kásibı dıplomatııadaǵy sheber­ligi. Osy arada ekijaqty jáne kóp­jaqty kezdesýler men kelis­sózder aıasyndaǵy shetel delegasııa­larynyń memleketimizge, halqy­myzǵa kórsetken qurmetin dá­lel­deıtin kádesyılardyń da mańyzy zor ekenin atap ótkim keledi. Atalǵan kádesyılar – jas Qazaqstannyń syrtqy saıasatta jasaǵan alǵashqy qadamdaryn, onyń ishinde joǵary deńgeıdegi Qazaq­stannyń Tuńǵysh Prezıdentiniń shetelge jasaǵan memlekettik, resmı saparlary men kezdesýlerin, búginde elimiz júrgizip otyrǵan kópvektorlyq syrtqy saıasattyń strategııalyq mańyzdylyǵyn taǵy da rastaı túsedi. Osyndaı nyq ornyqqan baǵdardyń túpkilikti qaǵı­dat­tary men qundylyqtaryna bekem bolý – bizdiń memleketimizdiń damý shart­taryna sáıkes keletin syrtqy saıasattyń qaıtalanbas úlgisi, – dedi Á.Rahymjanov.

Sándik tabaqtar taqyryptyq top­ta­­ma­syn ǵylymı-zertteý nátı­jesinde ýaqytsha kórmelerdiń ózinde sırek kórsetiletin mýzeılik mańyzy bar buıym­dardyń aý­qym­dy ekspozısııalyq tobyn qalyp­tastyrýǵa múmkindik týdy. Mýzeı jınaǵyndaǵy 87 saq­taý birlik sándik tabaqtar týraly aqpa­rat­­ty júıeleý jumystary Elbasy ki­tap­ha­nasynyń ǵana emes, jalpy Qazaqstan mýzeıleriniń tájirıbesindegi alǵash ret synalatyn kópshilik baǵdarlamasynan turatyn aýqymdy kórme jobasynyń negizine aınaldy.

Mádenı sharaǵa qatysýshylar alǵan áserlerimen bólisti.

Mats Foıer, Shvesııanyń Qazaq­stan­daǵy Tótenshe jáne ókiletti elshisi:

–  Kórmede óte ádemi, ózindik erek­sheligi bar jádigerler kóp boldy. Syılanǵan ár jádigerge qarap sol eldiń tarıhyn, dástúrin, mádenıetin ańǵarýǵa bolady.

Lázzat Nurmaǵanbetova, Selı­no­grad aýdany, Qaraótkel aýyly №2 orta mektebiniń tarıh páni muǵalimi:

– Búgingi kórmeden erekshe áser aldym. Kórmeniń tárbıelik máni óte zor. Tuńǵysh Prezıdentimiz N.Á.Nazar­baev­tyń qurmetine berilgen dıplomatııalyq syılyqtar toptamasy Qazaqstannyń álem­dik dárejedegi ornyn kórsetedi. Mun­daı is-shara jastardyń tarıhqa degen qy­zy­ǵýshylyǵyn oıatyp, elin, jerin súıýge baýlıtyn, patrıottyq sezimin ashatyn ıgi bastama.

Aıdana Súleımenova, Selınograd aýdany, Qaraótkel aýyly №2 orta mektebiniń 11 synyp oqýshysy:

– Kórmedegi syı-syıapattar aǵa býyn ókilderine estelik, jas urpaqqa mura bolyp qalady. Mundaǵy ár syılyqqa qarap sheteldikterdiń Elbasyna degen qurmetin kórýge bolady. Búgingi is-sha­rany ótkizip otyrǵan Elbasy kitap­ha­na­sy ujymyna alǵysymdy bildiremin jáne osyndaı tarıhı mańyzy bar kórme­ler ári qaraı jalǵasyn tabady dep senemin.

«Pishin men beıne úndestigi» kórmesi barysynda kópshilikke arnalǵan baǵdarlama usynyldy: 2019 jyldyń 13 qarashasynan bastap elorda qonaqtary men turǵyndary tegin semınarlarǵa, fılm kórsetilimderine, Elbasy kitaphanasyndaǵy dáristerge qatysa alady.

Sońǵy jańalyqtar

Otbasylyq janjal sýısıdke ulasqan

Aımaqtar • Búgin, 21:16

Qyzyljarda 75 kóshe jóndeledi

Aımaqtar • Búgin, 20:30

Nur-Sultanda «Jeńis baǵy» ashyldy

Aımaqtar • Búgin, 19:40

Halyqqa qolaıly jaǵdaı jasalýy tıis

Aımaqtar • Búgin, 19:06

Mektebimen túletken qoshtasady túlekter

Aımaqtar • Búgin, 18:40

Qapshaǵaı qalasynyń ákimi aýysty

Aımaqtar • Búgin, 17:20

Jigittiń jaqsysy

Rýhanııat • Búgin, 16:21

Qylmystyq top qarajatty ofshorǵa aýdarǵan

Ekonomıka • Búgin, 15:50

Uqsas jańalyqtar