Qazaqstan • 12 Qarasha, 2019

Elbasy: «Astana Club» joǵary deńgeıdegi kezdesýler úshin mańyzdy forým

44 retkórsetildi

Eýrazııalyq kontınenttiń ósip kele jatqan kóliktik baılanystylyǵy adamzat tarıhynda teńdesi joq múmkindikter ashady. Bul týraly Elbasy Nursultan Nazarbaev «Astana Club» plenarlyq otyrysynda aıtty.

«Eýrazııadaǵy geosaıası jaǵdaıǵa jaǵymsyz áserin tıgizetin qaýipter jaıly kózqarasymdy bildirsem dep edim. Bizdi kele jatqan daǵdarystan habar beretin álemdik ekonomıkadaǵy ahýal alańdatady. Saýda teketiresteri ósip kele jatqandyqtan, geosaıası turaqsyzdyq ahýalyna álemdik ınstıtýttar teris baǵasyn berip jatyr. Jahandyq ósimniń báseńdeýi álemdik saýdaǵa teris yqpalyn tıgizip keledi. Jahandyq memlekettik qaryzdyń deńgeıi 2007 jylǵy daǵdarys aldyndaǵy qaryz deńgeıinen eki ese artyp, álemdik JIО́-niń 80 paıyzyna jetti. Bul faktorlardyń barlyǵy álemdik turaqtylyqty teńseltip, Eýrazııa elderine qatty yqpal etip otyr» dedi Nursultan Nazarbaev óz sózinde.

«Álemdik derjavalar arasyndaǵy básekelestik jańa deńgeıge shyqty. О́zara sanksııalar, saýda soǵystary – AQSh pen QHR-dyń qazirgi qarym-qatynasynyń qalypty jaǵdaıyna aınalyp ketken. Agressıvti rıtorıka, ekonomıkalyq sanksııa – Batys pen Reseı arasyndaǵy negizgi qatynas tili bolyp tur. Turaqty kommýnıkasııa arnalarynyń bolmaýy ahýaldy odan saıyn qıyndatyp otyr. Jetekshi derjavalardyń arasyndaǵy teketires avtomatty túrde Eýrazııanyń ystyq núktelerine aýysyp otyrady. Ol jaǵdaı Sırııa men Ýkraınadaǵy máseleni beıbit túrde sheshý amaldaryn qıyndatady. Al Breksıt – sońǵy ýaqyttyń negizgi antııntegrasııalyq oqıǵasyna aınaldy» dep tolyqtyrdy N. Nazarbaev.

Aıta keteıik, Nazarbaev ortalyǵynda álemniń jetekshi dıplomattary men saıasatkerleriniń jáne sarapshylarynyń basyn biriktirgen saıası forým túrindegi halyqaralyq bedeldi pikirtalas alańy - «Astana Klýbynyń» besinshi otyrysy ótýde.

Sharaǵa álemniń 23 memleketinen geosaıasat, ekonomıkamen halyqaralyq qatynastar salasynyń sarapshylary retinde moıyndalǵan 50-den astam halyqaralyq spıker qatysýda.

Qurmetti meımandardyń qatarynda 3 burynǵy memleket basshysy, 5 eks-premer-mınıstr, 10 mınıstr jáne 1 Nobel syılyǵynyń laýreaty bar. Forýmǵa qatysyp jatqan sarapshylardyń geografııasy keń. Atap aıtsaq, AQSh, Ispanııa, Italııa, Reseı, Japonııa, Serbııa, Avstrııa, Norvegııa, Qytaı, Úndistan, Belgııa, Aýǵanstan, Shvesııa, Portýgalııa, Ońtústik Koreıa, Egıpet, Bangladesh, Slovenııa, Qyrǵyzstan, Iran, Ulybrıtanııa, Pákistan elderi bar.

«Astana klýby» otyrystarynyń bir bóligi «Chatham house» erejelerine saı ótedi. Talqylaý jabyq sıpatta ótedi. Búgingi jıyn Eýrazııa men álemniń eń ózekti máseleleriniń ótkir ári ashyq talqylanýyna múmkindik beredi.

Sońǵy jańalyqtar

Almatyda Abaı klýby ashyldy

Rýhanııat • Keshe

Dımash Qudaıbergen tyńdarmandaryna alǵys aıtty

Rýhanııat • 14 Jeltoqsan, 2019

Ǵalymdar: Adam qysta az jumys isteýi kerek

Qoǵam • 14 Jeltoqsan, 2019

Neımar «Barselonany» taǵy da sotqa berdi

Fýtbol • 14 Jeltoqsan, 2019

Atyraý oblysy Táýelsizdik kúnin atap ótti

Aımaqtar • 14 Jeltoqsan, 2019

Mańǵystaýda «Jyl adamy - 2019» anyqtaldy

Aımaqtar • 14 Jeltoqsan, 2019

Aqtaýda turǵyn úı paıdalanýǵa berildi

Aımaqtar • 14 Jeltoqsan, 2019

Almatylyqtarǵa memlekettik marapat tapsyryldy

Aımaqtar • 14 Jeltoqsan, 2019

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar