Aımaqtar • 12 Qarasha, 2019

Jańaózende «Ashyq esik kúni» ótti

24 retkórsetildi

Jańaózende «Atameken» kásipkerler palatasynyń qalalyq fılıalynda ashyq esik kúni ótti. Qarapaıym turǵyndar men kásipkerlerdi tolǵandyrǵan máselelerdiń jaýabyn berýi úshin memlekettik organ qyzmetkerleri, epıdemıolog mamandar, qarjy ınstıtýttary, t.b. 15 mekemeden ókilder kelip otyrdy. Bir kúnde mamandarǵa 100-ge jýyq adam júginip, keńes aldy dep habarlaıdy Mańǵystaý oblysy «Atameken» kásipkerler palatasynyń baspasóz qyzmetinen J.Ábil.

Jańaózen qalasynyń turǵyny Dına Kenjebaevanyń aıtýynsha, jumyssyzdyqtan arylý úshin munaıshylyqty uzaq ýaqyt kútip júrmeı, qysqa merzimdi kýrstardy oqyp, tapshy mamandyqty ıgerýge keńes berilgen. Osyndaı ashyq, jarııa jumystar alda da bolsa eken degen ótinishin jetkizdi.  

Al kásipker Bolat Týlanov Jańaózendegi tehnoparktegi jer telimine kóp jyl jaryq tartylmaı, jaqynda kásipkerler palatasynyń tikeleı aralasýymen másele oń sheshilgenin tilge tıek etti.

«Endi turalap qalǵan kásibimdi iske qosý úshin nesıe alýǵa qujat tapsyrǵan edim. Qarjylandyrý jaǵdaıy tez arada sheshilse, óte rıza bolar edim» deıdi ol.

Ashyq esik kúni «Kásip túbi - násip» jobasy aıasynda Jańaózen qalalyq ákimdiginiń qoldaýymen ótti. Jańa joba bastalǵan bir aı ishinde 500-ge jýyq jergilikti turǵynǵa kásibı keńes berilgen. Salystyrmaly túrde aıtar bolsaq, bul osyǵan deıin kelýshilerden 3-4 esege artyq.

- «Kásip túbi - násip» jobasy bastalǵanǵa deıingi esepke qarap otyrsaq, kelýshiler sany 150-ge jeter jetpes. Biz bir aıda 500-deı adamdy qabyldap úlgerdik. Olardyń máselelerin qarap, tıisti sharalar qoldanyldy. Qazir «Bastaý» jobasymen 195 jańaózendik oqytylyp jatyr. О́tken aıda 150 adam bilim alǵan edi, - dedi О́KP kásipkerlerge qarjylaı emes qoldaý kórsetý bóliminiń basshysy Aqqý Aıtjanova.

Is-sharaǵa Jańaózen qalasy ákiminiń orynbasary Amanǵalı Nurdáýletov qatysyp, kelýshilermen kezdesti. Olardyń máselelerin tyńdap, keńesshilerge naqty jaýap berýdi, tıisinshe jergilikti ákimdik birlesip jumys isteýge daıyn ekenin jetkizdi. 

Kelýshiler ashyq kezdesý, alańsyz aralasyp áńgimelesýdiń halyq úshin paıdasy zor ekenin aıtty.

 

Mańǵystaý oblysy

 

 

 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar