Baǵdarlamalar • 12 Qarasha, 2019

«7-20-25»: 10 myńnan asa qazaqstandyq zaım aldy — Ulttyq bank

50 retkórsetildi

Premer-Mınıstr A. Mamınniń tóraǵalyǵymen ótken Úkimet otyrysynda Ulttyq bank tóraǵasy E. Dosaev 2019 jylǵy qańtar-qazan aılaryndaǵy aqsha-nesıe saıasatynyń iske asyrylýy týraly baıandady. Bul týraly primeminister.kz habarlady. 

E. Dosaev atap ótkendeı, jyldyq ınflıasııa bizdiń kútýimizge sáıkes qalyptasýda jáne qazannyń qorytyndysy boıynsha 5,5% boldy.

Aqyly qyzmetterge baǵa men tarıfterdiń ósýi tarıhı eń tómen deńgeıde qalýda – jyldyq kórsetýde 0,8%. Retteletin qyzmetterge tarıfter qazanda jyldyq kórsetýde 7,7%-ke tómendedi.

Jyl sońyna deıin ınflıasııa deńgeıi 5,7-5,8%, ıaǵnı 4-6% targetteletin dálizde baǵalanady.

«Osy faktorlardy eskere otyryp, Ulttyq Bank 28 qazanda bazalyq stavkany 9,25% deńgeıde jáne +/- 1 paıyzdyq tarmaq dálizde saqtady. Aqsha-kredıt saıasaty sharalary sheńberinde Ulttyq Bank aınalystaǵy nottar kólemin mamyr-qazan aralyǵynda 30,1%-ǵa 4,3 trln teńgeden 3,0 trln teńgege deıin qysqartty. Nátıjesinde bankter artyq ótimdilikti kredıtteýge jáne ekonomıkany basqa qarjylandyrýǵa qaıta jiberdi», — dedi Ulttyq bank tóraǵasy.

Aldyn ala qorytyndy boıynsha, 9 aıda tólem balansy aǵymdaǵy shotynyń defısıti ósip, 2018 jylǵy 9 aıdaǵy $1,8 mlrd-pen salystyrǵanda $4,7 mlrd qurady.

Tikeleı sheteldik ınvestısııalardyń taza ákelinýi ótken jylǵy kórsetkish deńgeıinde qalyptasyp, $5,1 mlrd dollar boldy. Ol beırezıdentterdiń kiristerin qaıta ınvestısııalaýmen jáne rezıdentterdiń sheteldik enshiles uıymdarynan kapıtalyn qaıtarýymen qamtamasyz etildi.

Portfeldik ınvestısııalar boıynsha kapıtaldyń taza áketilýi 13,0%-ǵa azaıyp, 2019 jylǵy 9 aıda $2,6 mlrd boldy. Kapıtaldyń ákelinýi Qarjy mınıstrliginiń 3-toqsanda 1,15 mlrd eýroǵa eýrooblıgasııalar shyǵarýmen jáne «Qazatomónerkásip» UAK» AQ-tyń jahandyq depozıtarlyq qolhattaryn satýmen qamtamasyz etildi.

E. Dosaevtyń aıtýynsha, nesıelendirýdiń ósýi artýda.

«Jyl basynan beri jalpy kredıttik portfel qyrkúıektiń sońynda 2,3%-ke 13,4 trln teńgege deıin ósti. 1-toqsanda bankterdi qalypqa keltirý nátıjesinde jumys istemeıtin qaryzdar esepten shyǵarylǵan soń sáýir-qyrkúıekte kredıtteýdiń ósýi 7,4% nemese 921,8 mlrd teńge boldy», - dedi E. Dosaev. 

Zańdy tulǵalarǵa kredıtter kólemi 1,7%-ǵa nemese 121,7 mlrd teńgege ósti. Jeke tulǵalardyń kredıttik portfeli 14,7%-ǵa nemese 800 mlrd teńgege ósti. Uzaq merzimdi kredıtter qyrkúıek qorytyndysy boıynsha 11,4 trln teńge, qysqa merzimdi kredıtter 2 trln teńge boldy.

«7-20-25» baǵdarlamasyn iske asyrý sheńberinde 7 qarashadaǵy jaǵdaı boıynsha 10 676 otbasy 122,8 mlrd teńge somaǵa qaryz aldy. 

Ekonomıkanyń basym salalaryn jeńildikpen kredıtteý baǵdarlamasyn (600 mlrd teńge) iske asyrý jalǵasýda. 1 qarashadaǵy jaǵdaı boıynsha bankterde 248,3 mlrd teńgege 393 joba qaralýda, 142,3 mlrd teńgege 224 joba maquldandy, 55,5 mlrd teńgege 147 qaryz berildi.

Sońǵy jańalyqtar

54 adam jazylyp shyqty

Koronavırýs • Búgin, 06:39

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Kıeli kitaptar: tyıymdar ne úshin jasalady?

Rýhanııat • Búgin, 05:34

Aqırekte – Arystan bab...

Tanym • Búgin, 05:33

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Uqsas jańalyqtar