Qoǵam • 12 Qarasha, 2019

Halyqtyń naqty tabysynyń ósýi 6,4%-dy qurady — UEM

40 retkórsetildi

Premer-Mınıstr Asqar Mamınniń tóraǵalyǵymen ótken Úkimettiń kezekti otyrysynda 2019 jyldyń qańtar-qazan aılaryndaǵy áleýmettik-ekonomıkalyq damý qorytyndylary jáne respýblıkalyq bıýdjettiń oryndalýy máseleleri qaraldy. Bıylǵy 10 aıdaǵy áleýmettik-ekonomıkalyq damý qorytyndylary týraly Ulttyq ekonomıka mınıstri Rýslan Dálenov baıandady. Bul týraly Úkimettiń baspasóz qyzmeti habarlady. 

QR UEM málimetteri boıynsha, JIО́ ósimi qańtar-qazan aılarynda 4,4%-ǵa jedeldedi. Ekonomıka ósiminiń faktorlary — ınvestısııalyq belsendilik, ishki suranystyń jáne JIО́-degi shaǵyn jáne orta bıznes úlesiniń ulǵaıýy, ónerkásiptiń kishi salalaryndaǵy eki mándi ósim, sonymen birge, munaı óndirýdiń qalpyna kelýi. Ekonomıkanyń salalary boıynsha ınvestısııalyq jobalar pýly quryldy. Bul orta merzimdi keleshekte ekonomıkanyń turaqty jáne sapaly ósý negizin quraıdy.

«Investısııalar 8,2%-ǵa ósti. Halyqtyń naqty tabysynyń ósýi 6,4%-dy qurady. Jalpy ishki ónimdegi shaǵyn jáne orta bıznestiń úlesi 28,5%-ǵa deıin artty. О́nerkásip óndirisi ornyqty ósý úrdisin saqtap otyr. Qańtar-qazanda ósim 3,5%-dy qurady. О́ńdeý ónerkásibi 3,3%-ǵa ósti», — dedi R. Dálenov.

О́sý negizgi óńdeý salalarynda qol jetkizilgen qarqynnyń saqtalýymen qamtamasyz etildi. Olar — jeńil ónerkásip, mashına jasaý, farmasevtıka jáne sýsyndar óndirisi.

«Munaı óndirýdi qalpyna keltirý esebinen ken óndirý ónerkásibinde ósim 3,7%-ǵa deıin artty. Tústi metaldar kenin óndirýde 18% deńgeıinde joǵary ósý qarqyny saqtaldy. Qurylys jumystary qarqyndy júrgizilýde. О́sim 12,7%-dy qurady. 9,8 mln sharshy metr turǵyn úı paıdalanýǵa berildi», — dedi Ulttyq ekonomıka mınıstri.

Aýyl sharýashylyǵy salasynda mal sharýashylyǵy ónimderiniń óndirisi 3,9%-ǵa ulǵaıdy. Kórsetiletin qyzmetter salasynda ósim 4,4%-dy qurady. Saýda kólemi 7,5%-ǵa, kólik – 5,6%-ǵa jáne baılanys – 4,5%-ǵa ósti.

R. Dálenovtyń aıtýynsha, bıylǵy qańtar-qyrkúıekte syrtqy saýda aınalymy 1,5%-ǵa ósip, $70,4 mlrd deıin jetti. Eksport kólemi – $42,7 mlrd, al ımport $27,6 mlrd qurady. Negizgi kórsetkishter boıynsha óńirlerdiń kóbinde ósýdiń oń serpini baıqalady.

«Qurylys jáne negizgi kapıtalǵa salynǵan ınvestısııalar boıynsha artta qalǵan óńirler sany qysqardy. Máselen, Soltústik Qazaqstan oblysy qurylys boıynsha 3,9% deńgeıinde, Mańǵystaý oblysy ınvestısııalar boıynsha 2,9% deńgeıinde oń ósim kórsetti. Shyǵys Qazaqstan jáne Qyzylorda oblystary 4 kórsetkish boıynsha, Qaraǵandy, Batys Qazaqstan jáne Aqmola oblystary 3 kórsetkish boıynsha joǵary ósim kórsetti», — dep túıindedi R. Dálenov.

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar