Aımaqtar • 12 Qarasha, 2019

Almaty aýlalary abattandyrylady 

67 retkórsetildi

Búgin Almaty qalasy ákimdiginiń baspasóz ortalyǵynda qala kósheleri men aýlalaryn jaryqtandyrý, modernızasııalaý men rekonstrýksııalaý, aýla aımaqtaryn kúrdeli jóndeý, aryq júıeleriniń jaǵdaıy, problemalyq ýchaskeler men olardy retke keltirý týraly brıfıng ótti.

Almaty qalasynyń Josparlaý men ýrbanıstıka basqarmasynyń basshysy Almashan Ahmedjanov qalany damytý jónindegi perspektıvaly josparlar tek qalanyń ortalyq kóshelerin ǵana emes, sonymen qatar, shet aımaqty da qamtıtynyn atap ótti. Bolashaq damý barysynda birqatar sebep boıynsha kenjelep qalǵan qalanyń barlyq ýchaskelerinde tıisti ınfraqurylymdar paıda bolady.

Qalalyq Energotıimdilik jáne ınfraqurylymdyq damý basqarmasynyń basshysy Áset Masabaev Almaty oblysynyń jerleri qosylyp, qalanyń ulǵaıýy barysynda birqatar aýdanda kóshe jaryqtarynyń bolmaýy problema týǵyzǵanyn atap ótti. Bul aýdandarda jaryqtandyrýdan ózge sý jáne gaz qubyrlaryn tartý qajet.

«Búgingi kúni qaladaǵy kóshelerdiń jalpy sany 2746, sonyń ishinde 1 500 kóshe tolyq jaryqtanǵan, qalǵandary jartylaı, al 873 aýlada kóshe jaryǵy múldem joq. Qazirgi kezde memlekettik satyp alý aıasynda osy problemalardy sheshý úshin kelisimsharttarǵa qol qoıý sharalary júrýde. Keler jyldyń aıaǵyna deıin qalaǵa qosylǵan aýdandardyń kósheleri tolyq jaryqtanady. Sonymen qatar qalanyń birqatar kóshesindegi eski shamdar jaryq jınaıtyn jańalarymen aýystyrylýda», — dep habarlady Áset Masabaev.

Qalalyq Jasyl ekonomıka basqarmasynyń basshysy Erjan Seıtenov Almatyda 1200 kılometrden astam aryq baryn, olardyń 1102,3 km aryq júıesine aýdan ákimdikteri qyzmet kórsetetinin aıtty. Qalǵandary aýlalar aýmaqtarynda nemese ıesiz.

Qalada sońǵy 3 jyl ishinde 302,5 km aryq salyndy jáne jóndeldi, osynyń arqasynda keıbir aýmaqtardy sý basyp qalý úsh ese azaıdy.

2019 jyly aýdandar ákimdikteri 28,5 km aryq júıesin aǵymdaǵy jóndeýden (aýdandarǵa bólgende: Alataý — 4,4 km, Almaly — 1 km, Áýezov — 4 km, Bostandyq — 3,5 km, Jetisý — 3,8 km, Medeý — 3,3 km, Naýryzbaı — 3,2 km jáne Túrksib — 5,3 km) ótkizdi.

Sonymen qatar basqarma basshysy quny 554 mln teńge bolatyn 376,26 km aryq júıesin salý men rekonstrýksııalaýdyń jobalyq-smetalyq qujatyn ázirleýge jáne burynnan bar aryq júıelerine ınventarızasııalaýǵa, onyń ishinde qalaǵa qosylǵan eldi mekenderdegi aryq júıelerine kúrdeli jáne aǵymdaǵy jóndeý jumystaryn júrgizýge, jańa aryq júıeleri men jaýyn kárizderin salýǵa konkýrs jarııalanǵanyn habarlady.

«Inventarızasııalaýdan soń biryńǵaı aryq júıesi men jaýyn kárizin salý boıynsha keshendi sharalar qabyldaý josparlanǵan, al bul jaýyn sýlarynyń qala aýmaǵynan, ásirese, qalaǵa qosylǵan eldi mekenderden tolyq syrtqa aǵýyna múmkindik beredi», — dep atap ótti Erjan Seıtenov.

 

 

ALMATY

 

Sońǵy jańalyqtar

Tarazda sý tarıfi kóteriledi

Aımaqtar • Búgin, 16:40

Týberkýlez derti eki saǵatta anyqtalady

Medısına • Búgin, 12:20

Aýyr atletter Katarǵa attanady

Aýyr atletıka • Búgin, 12:08

Jaqsy aýdanyndaǵy jaqsy ister

Aımaqtar • Búgin, 11:49

Kópbalalylarǵa kómek

Aımaqtar • Búgin, 11:41

Keńeste jastar máselesi talqylandy

Aımaqtar • Búgin, 11:15

Ken alybynda qaıǵyly oqıǵa boldy

Aımaqtar • Búgin, 10:58

Qazaq kúresinde qapy qalmady

Kúres • Búgin, 10:23

Kıeli jerlerge saıahat sabaǵy ótti

Aımaqtar • Búgin, 10:13

Kúlki kerýeni № 22

Rýhanııat • Búgin, 09:45

Qazaq úshin Jeltoqsan jyldyń basy...

Qazaqstan • Búgin, 09:21

Farıza aqynnyń ustazy

Rýhanııat • Búgin, 07:41

Armenııamen yntymaqtastyq damıdy

Parlament • Búgin, 07:37

Joldaýdyń tıimdiligi arttyrylýy tıis

Prezıdent • Búgin, 07:34

Uqsas jańalyqtar