12 Qarasha, 2019

Bul qarý-jaraqty baqylaýdy talqylaýǵa nazar aýdarý kerek - sarapshy

7 retkórsetildi

Reseı Memlekettik Dýmasy komıtetiniń tóraǵasy, "Rýsskıı mır" qorynyń Basqarma Tóraǵasy, NKI BRIKS Basqarma Tóraǵasy Vıacheslav NIKONOV AQSh tarapynan sanksııalar Eýrazııadaǵy qarý-jaraqty baqylaýdy joıdy dep sanaıdy. Sarapshy AQSh pen NATO-ny osy máseleni Eýrazııalyq talqylaýǵa shaqyrdy.

"Eýrazııa elderiniń kópshiligi AQSh tarapynan belgili bir sanksııalarǵa ıe. Amerıka bul jaǵdaıda, meniń oıymsha, qarý-jaraqty baqylaýdy joıdy. Bul tek orta jáne kishi qashyqtyqtaǵy zymyrandar týraly shart qana emes, bul ıadrolyq synaqtarǵa tyıym salý týraly shart", - dedi ol.

"AQSh-tyń Taıaý Shyǵysta júzege asyryp jatqany tártip ornatyp jatyr deýge kelmeıdi. Bulaısha, qarý-jaraqty baqylaý, sondaı-aq saqtaý múmkin emes. Ony moıyndaý kerek", - deıdi Vıacheslav Nıkonov.

Sarapshynyń pikirinshe, bul máselede yqtııarmen konsensýsqa kelýge bolady. Ol BRIKS elderimen ártúrli formattaǵy jaǵdaılar men sheshimderdi talqylaýdyń jáne kelisýdiń tabysty tájirıbesin mysalǵa keltirdi. Sondaı-aq, Vıacheslav Nıkonov ShYU, ASEAN, SMVDA, EAEO aıasyndaǵy elderdiń jemisti qurylymdyq yntymaqtastyǵyna toqtaldy.

"Reseı ózin Eýropalyq jáne Tynyq muhıttyq derjava dep sanaıdy. Meniń oıymsha, bizdiń Batystaǵy dostarymyz - AQSh pen NATO úshin Eýrazııadaǵy jalǵasyp jatqan dıalogqa (qarý-jaraq boıynsha) kelý óte paıdaly bolady.  Bul konsensýs pen qundylyqtarǵa negizdelgen qarqyndy dıalog", - dedi ol.

11-12 qarasha kúnderi "Nazarbaev ortalyǵynda" saıası forým formatynda bedeldi halyqaralyq pikirtalas alańy - "Astana klýbynyń" besinshi otyrysy ótýde. Is-sharaǵa álemniń 50-den astam top saıasatkerleri, Eýrazııa zııatkerleri men halyqaralyq qatynastar salasyndaǵy úzdik mamandar qatysýda.

Negizgi spıkerler quramynda Aýǵanstan prezıdenti Hamıd KARZAI, Slovenııa Prezıdenti Danılo Tıýrk, Nobel syılyǵynyń laýreaty (2005), MAGATE Bas dırektory (2013-2014) Mohammed El-Baradeı, JP Morgan Chase Basqarma Tóraǵasy, International tóraǵasy Djeıkob FRENKEL, Reseı strategııalyq zertteýler ınstıtýtynyń dırektory, RF úkimetiniń tóraǵasy (2004-2007), RF Syrtqy barlaý qyzmetiniń dırektory (2007-2016) Mıhaıl Fradkov jáne t.b. bar.

Otyrystyń kún tártibinde – qaýipsizdiktiń ózekti máseleleri jáne Úlken Eýrazııanyń strategııalyq bolashaǵy. Bes sessııa sheńberinde klýb qatysýshylary Eýrazııa elderi men halyqtarynyń damýyndaǵy asa ótkir problemalyq trendterdi, óńirlik yntymaqtastyq úshin jańa múmkindikterdi, sondaı-aq bolashaq kontýry men ssenarıılerin talqylaıdy.

Tujyrymdamalyq turǵyda barlyq pikirtalastar basty másele – úlken Eýrazııada yntymaqtastyqtyń jańa arhıtektýrasyn qurý tóńiregine shoǵyrlanǵan.

Is-shara aıasynda "2020 jyly Eýrazııa úshin Top - 10 táýekel" reıtıngisiniń kezekti shyǵarylymy – Álemdik ekonomıka jáne saıasat ınstıtýty Astana klýbynyń qoldaýymen shyǵarylatyn álemniń jetekshi sarapshylarynyń strategııalyq forsaıty tanystyrylady.

Klýbtyń uıymdastyrýshylary – Qazaqstan Respýblıkasynyń Tuńǵysh Prezıdenti – Elbasy Qory jáne qor janyndaǵy Álemdik ekonomıka jáne saıasat ınstıtýty.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar