Qoǵam • 12 Qarasha, 2019

Jumyskerlerdiń eńbegine qurmetpen qaramaý áleýmettik kıkiljińder týdyrady - Eraly Toǵjanov

470 retkórsetildi

Kásipodaqtar federasııasynyń tóraǵasy Eraly Toǵjanov Mańǵystaý oblysyna jumys saparymen bardy. Bul týraly federasııanyń baspasóz qyzmeti habarlady. 

Kásipodaqtar federasııasynyń tóraǵasy Eraly Toǵjanovtyń óńirdegi eki kúndik jumys sapary Qazaqstannyń Halyq jazýshysy, Eńbek Eri, Memlekettik syılyqtyń laýreaty Ábish  Kekilbaevtyń eskertkishine gúl shoǵyn qoıý rásimimen bastaldy.

«Ábish aǵa eńbekqor edi jáne óz shyǵarmalaryn da eńbek adamyna arnap jazatyn. Búgin, mine, sondaı eńbekqor adamdardyń arqasynda Kekilbaev músinge aınalyp, eńbektiń arqasynda Ábish aǵaǵa arnalǵan záýlim murajaı ashylyp, zertteýler jasalyp, kitaptar shyǵarylyp, teatrda Ábish jazýshynyń shyǵarmalary sahnalanyp jatyr. Osynyń bári abyz tulǵany máńgilik etýge arnalǵan ıgilikti ister, adam qolymen, adam nıetimen atqarylyp jatqan eńbek» dedi Eraly Toǵjanov óz sózinde.

Federasııa tóraǵasy murajaıdy salýǵa atsalysqan eńbekkerlerge rızashylyǵyn bildirip, alǵys hattarmen marapattady.

Sodan soń Eraly Toǵjanov oblys ákimi Serikbaı Trumovpen kezdesti.

Oblys ákimi KF tóraǵasyna óńirge kelgen jumys saparyna sáttilik tilep, jumysshylardyń múddesin qorǵap, jumysshylar men jumys berýshiler arasynda dáneker bolý - kásipodaqtar qyzmetiniń negizgi mindetteriniń biri ekendigine toqtaldy. Serikbaı Turymovtyń aıtýynsha, Mańǵystaý oblysynyń kóptegen iri kásipornynda kásipodaq uıymdary jumys isteıdi. Oblysta 80 myńnan asa eńbekker kásipodaq músheleri. О́ńirdegi kásipodaqtar uıymynyń jumysy birqalypty, - dep atap ótti S.Turymov.

О́z kezeginde Eraly Toǵjanov áleýmettik-eńbek qatynastarynda qoǵamdy, kásipodaq pen eńbek ujymdaryn alańdatyp otyrǵan máselelerge toqtaldy. Sonymen qatar sheteldik kompanııalardaǵy jumys berýshiler tarapynan oryn alǵan eńbek zańnamalaryn buzý, eńbek daýlary men janjaldardy boldyrmaý, qaryzdy eńbekti paıdalaný jáne  jumyskerlerdiń áleýmettik-eńbek quqyqtaryn qorǵaý jaıyn jetkizdi.

«Kásipodaqtar federasııasy Úkimet nazaryn birneshe ret sheteldik kapıtalmen jumys isteıtin kásiporyndar respýblıkamyzǵa sheteldik jumys kúshin engizý erejelerin únemi saqtaı bermeıtindigine, qazaqstandyq jumyskerlerdiń eńbegine qurmetpen qaramaý, ulttyq zańnamalardy ádeıi nemese jasyryn túrde elemeıtindikterine aýdardy. Munyń bári áleýmettik kıkiljińderdiń týýyna ákeledi» dedi Eraly Toǵjanov.

Áleýmettik shıelenisterdi azaıtý úshin jumys berýshilerdiń jergilikti atqarýshy bılik organdarymen jáne kásipodaqtarmen ózara belsendi áreketterde bolýy, quqyqtyq saýattandyrýdy uıymdastyrý, jumystan bosaıtyn jumyskerlerdi qaıta oqytý jáne jumysqa ornalastyrýdyń nusqalaryn aldyn ala daıyndaý, ózine qabyldanǵan mindetterdiń naqty oryndalýy qajet» dep atap ótti KF tóraǵasy.

Bıylǵy jyldyń alǵashqy jarty jyldyǵynda respýblıkamyzda 3 eńbek daýy resmı tirkelgen. Qyrkúıek-qazan aılarynda eńbek daýlary óristep, kásiporyndarda 17 áleýmettik- eńbek daýy bolǵan.

Sonyń ishinde salalarǵa bólip qarasaq, 11 eńbek daýy munaı-gaz salasyna qatysty týyndaǵan. Birinshi jarty jyldyqtaǵy áleýmettik-eńbek daýlarynyń basym bóligi - 6 oqıǵa Mańǵystaý oblysynda tirkelgen. Kásipodaqtar federasııasynyń tóraǵasy kásiporyndardaǵy ujymdyq sharttarmen qamtylýdyń deńgeıi tómen ekendigine basty kóńil aýdarý qajettigin jáne bul baǵytta jumysty belsendi júrgizýge shaqyrdy.

Qazirgi kúni Mańǵystaý oblysyndaǵy jumys isteıtin 10 200 kásiporynnyń 1 488-de  ujymdyq shart jasalǵan. Qamtylý 14,6% quraıdy. О́ndiristik jaraqattanýdy tómendetý jónindegi sharalar boıynsha Eraly Toǵjanov qaýipsizdik jáne eńbekti qorǵaý boıynsha kásiporyndarda óndiristik keńester qurý jumysyn belsendi júrgizý qajettigin basa aıtty.

2019 jyldyń 9 aıynda oblys boıynsha óndiristegi jazataıym oqıǵalar saldarynan  38 adam zardap shegip, 2 adam kóz jumǵan.

Sonymen qatar Qazaqstandaǵy qaryzdy eńbekti paıdalaný máseleleri jaıly da aıtyldy.

«Qazir Parlament Májilisi depýtattarynyń qaraýyndaǵy qaryzdy eńbektiń qoldanylýyna qatysty zań jobasynda federasııanyń birqatar usynysy kórinis tapqan» dedi Kásipodaqtar federasııasynyń tóraǵasy.

Talqylaý barysynda  taraptar áleýmettik-eńbek máselelerin sheshýde birlese tıimdi árekettestik ornatý úshin ózara yntymaqtastyq týraly Memorandýmǵa qol qoıdy.

Qujatta QR Kásipodaqtar federasııasy men Mańǵystaý oblystyq ákimdigi arasyndaǵy áriptestikti damytýda óńirdegi eńbek jaǵdaılaryn jaqsartý, óndiristik jaraqattanýdy boldyrmaý jáne eńbekkerler quqyǵynyń saqtalýy úshin sheshýshi baǵyttar aıqyndalǵan.

Memorandým aıasynda stýdentterdi ýaqytsha jumysqa tartý jáne jastardyń eńbek qozǵalystaryn damytý jaıly birlesken is-sharalar qabyldanady.

 

Ǵanı ATYMTAI

 

 

 

 

 

Sońǵy jańalyqtar

Almatyda Abaı klýby ashyldy

Rýhanııat • Keshe

Dımash Qudaıbergen tyńdarmandaryna alǵys aıtty

Rýhanııat • 14 Jeltoqsan, 2019

Ǵalymdar: Adam qysta az jumys isteýi kerek

Qoǵam • 14 Jeltoqsan, 2019

Neımar «Barselonany» taǵy da sotqa berdi

Fýtbol • 14 Jeltoqsan, 2019

Atyraý oblysy Táýelsizdik kúnin atap ótti

Aımaqtar • 14 Jeltoqsan, 2019

Mańǵystaýda «Jyl adamy - 2019» anyqtaldy

Aımaqtar • 14 Jeltoqsan, 2019

Aqtaýda turǵyn úı paıdalanýǵa berildi

Aımaqtar • 14 Jeltoqsan, 2019

Almatylyqtarǵa memlekettik marapat tapsyryldy

Aımaqtar • 14 Jeltoqsan, 2019

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar