Aımaqtar • 13 Qarasha, 2019

Ulylar murasy – urpaqqa ónege

16 retkórsetildi

Túrkistanda Elbasy N.Nazarbaevtyń «Uly da­la­nyń jeti qyry» baǵ­dar­lamalyq maqala­syn­da kórsetilgen «Uly dalanyń uly esimderin» ulyqtaý maqsatynda jáne Jastar jylyna oraı dástúrli «Iаsaýıtaný-2019» res­pýb­lıkalyq baıqaýy ótti.

«Áziret Sultan» memlekettik tarıhı-mádenı qoryq-mýzeıi» RMQK jáne Qoja Ahmet Iаsaýı atyndaǵy HQTÝ uıymdastyrǵan respýblıkalyq baıqaýda Nur-Sultan, Almaty, Shymkent, Túrkistan qalalary men elimiz­diń barlyq oblysynan 40-tan astam oqýshy baq synady. Bıyl jıyrma úshinshi ret ótip otyrǵan baıqaýdyń ashylý saltanatynda «Áziret Sultan» memlekettik tarıhı-mádenı qoryq-mýzeıiniń dırektory Nurbolat Ahmet­ja­nov qalalyq deńgeıde bas­taý alǵan saıys oblystyq, res­pýblıkalyq, halyqaralyq dáre­je­ge jetkenin atap ótti. «О́z za­manynda-aq halyqtyń erekshe iltıpatyna ıe bolyp, «Áýlıeler Sultany» atanǵan, keıingi ur­paq­tyń da rýhanııat álemindegi baǵdaryn aıqyndaýda jetekshi ról atqarǵan Qoja Ahmet Iаsaýı baǵa jetpes baılyq, óshpes mura qaldyryp ketkeni belgili. Áýlıeniń izbasar shákirtteri Túrkistan atyrabynan asyp, onyń ilimin tórtkúl dúnıege máshhúr etti», dedi Nurbolat Ahmetjanov.

О́skeleń urpaqty uly baba murasyn tereń meńgerip, zert­teýge yntalandyrý, ıntellektýaldy paıym-parasatyn arttyrý, kesenede jerlengen tarıhı tulǵalardyń ómiri men qyzmetin óskeleń urpaq­tyń bo­ıyna sińirý maqsatynda uıymdastyrylǵan baıqaýdyń bi­rinshi kezeńinde úmitkerler «Baba murasy – balaǵa amanat» ta­qyryby aıasynda Qoja Ahmet Iаsaýı­diń hıkmetterin jatqa aıtýdan synǵa tússe, «Bilim myńdy jyǵar alysqanda» dep atalǵan kelesi kezeńde suraqtarǵa jaýap berdi. Qazylar alqasynyń sheshimi­men Alma Qosabaı (Túr­kis­­tan oblysy) bas júldeni je­ńip aldy. Al 1-oryndy О́mirzaq Túlenov (Túrkistan oblysy), 2-oryndy Uljan Aman­jo­­lova (Shymkent qalasy) men Medeý Nurmolda (Almaty oblysy) ıe­lendi. Úsh 3-oryndy Symbat Beı­bitshilik (Qyzylorda ob­ly­sy), Toǵjan Nuǵman (Almaty obly­sy) men Dılnaz Úsen­bae­va (Jambyl oblysy) ensh­i­le­di. «Iаsaýı hıkmetterin jattaý arqyly shydamdy bolýdy, qanaǵat etýdi úırenip, tarıhy tereń Túrkistan jaıly kóptegen derek bildim», deıdi bas júldeger Alma Qosabaı. Al eń jas qa­ty­sý­shy Almaty qalasynan kel­gen Sabyrjan Danııaluly baıqaýdan kóp tárbıe alǵanyn aıtady. «Adamgershilik, ádeptilik, ádil­dik pen meıirimdilik árbir adam­nyń boıynan tabylýy tıis qasıet­ter ekendigi hıkmetterde jıi aıtylǵan», deıdi Sabyrjan.

Jeńimpazdar qarjylaı syı­­lyqtarmen marapattalyp, Q.A.Iаsaýı atyndaǵy Ha­lyqaralyq qazaq-túrik ýnı­ver­sı­tetiniń grantyna ıe boldy. Oqýshylardyń jetekshilerine de Alǵys hattar men syılyqtar tabystaldy.

 

Túrkistan oblysy

 

Sońǵy jańalyqtar

Kúlki kerýeni № 23

Rýhanııat • Búgin, 09:32

Adam quqyǵy aıaq asty qalmaıdy

Qoǵam • Búgin, 07:15

Jas munaıshylarǵa jaqsy múmkindik

Aımaqtar • Búgin, 07:05

Jańǵyrǵan Jambyl óńiri

Aımaqtar • Búgin, 06:58

«Tańǵajaıyp áýen» festıvali ótti

Rýhanııat • Búgin, 06:56

Baǵa QR kodtar arqyly beriledi

Medısına • Búgin, 06:53

Rýhanı ráýishtegi tartý

Aımaqtar • Búgin, 06:52

Túrkistan adaldyq mekenine aınalady

Qoǵam • Búgin, 06:42

Turar taǵdyrynyń taǵylymy mol

Rýhanııat • Búgin, 06:32

Orynbor jáne qazaq zııalylary

Rýhanııat • Búgin, 06:30

El erteńi – jalyndy jastar

Prezıdent • Búgin, 06:16

Aýyr atletter Katarǵa attanady

Aýyr atletıka • Keshe

Kópbalalylarǵa kómek

Aımaqtar • Keshe

Uqsas jańalyqtar