Qoǵam • 13 Qarasha, 2019

Úmitińdi úzbe, úlesker...

21 retkórsetildi

Ortalyq kommýnıkasııalar qyzmeti alańynda elordadaǵy úleskerlik qurylys pen turǵyn úı qoljetimdiligi týraly baspasóz máslıhaty ótti. Oǵan Nur-Sultan qalasy ákiminiń orynbasary Altynbek Qaısaǵalıev, Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov qatysty.

– Elordadaǵy ózekti másele­niń biri – úlestik qurylys. Tur­ǵyn­dar­dyń oǵan zor qyzyǵýshylyq tanytýynyń birden-bir sebebi – úleske qatysqan kezdegi páter quny­nyń tómendigi. Solaı bola tura onyń qaýip-qateri de bar. Máselen, qurylys merziminiń uzaqqa sozylýy nemese kompanııa basshylyǵynyń úl­es­kerlerdi aldap ketýi syndy jaǵym­syz jaıttar tirkelýde. Sonyń sal­darynan daýǵa qalǵan ny­­sandar paıda bolady, – dedi Altynbek Qaısaǵalıev.

Qala ákimi orynbasarynyń aıtýynsha, búgingi tańda memlekettik organdardyń jəne turǵyn úı-qu­rylys kooperatıvteri tóra­ǵa­la­ry­nyń jumysy nətı­je­sinde sondaı 51 nysan 48-ge deıin azaıdy. Bul – 13054 úlesker úmit etken 71 turǵyn úı. 3 nysan paıdalanýǵa berilip, taǵy 7 nysan jyl sońyna deıin páter ıelerine tabystalmaq. Sondaı-aq 2660 úleskerdiń taǵatyn taýysqan 19 nysan boıynsha is-qımyl josparlary aıqyndaldy. Bul jumystar ınvestorlardy tartý arqyly derbes júzege asyrylady. Al 10394 úleskerdi úzdiktirip, aıryqsha máselege aınalǵan 29 nysan qurylysy memlekettik «Nurly jer» baǵdarlamasy aıasynda aıaq­ta­la­dy.

Oǵan Ulttyq qordan memlekettik baǵdarlama sheńberinde 40 mlrd teńge qarastyrylypty. Əkimdiktiń ýəkiletti uıymy sanalatyn «Elorda qurylys kompanııasy» JShS onyń 6 mlrd teńgesin ıgerse, jyl sońyna deıin taǵy 14 mlrd teńge tıisinshe jumsalmaq. Qalǵan 20 mlrd teńge 2020 jyldyń birinshi jartyjyldyǵynda ıgeriletin bolady. Sóıtip aldaǵy 3-4 jyl muǵdarynda daýǵa aınalǵan nysandar qurylysyn tolyq aıaqtaý josparlanyp otyr. Bul maqsatta bıyl 10 kópqabatty turǵyn úıdiń qurylysy aıaqtalsa, 2020 jyly – 20 nysan, 2021 jyly – 7 nysan, 2022 jyly – 9 úı, 2023 jyly 4 nysan qurylysy támamdalady.

Qala ákiminiń orynbasary keı nysandardyń jobalyq-smetalyq qujattamasyz turǵyzylǵanyn da tilge tıek etti. Sondaı-aq saraptama qorytyndysy men qarjylyq-tehnıkalyq aýdıttik bolmaýy da jumysty júıeli júrgizýge kóp kedergi keltirgen eken. Altynbek Qaısaǵalıev keleshek úleskerge keńes retinde aldymen Nur-Sultan qalasy əkimdiginiń resmı saıtyna kirýdi, qurylys salýshylarǵa aqsha tartýǵa berilgen ruqsat týraly məlimettermen tanysýdy usyndy.

– Qazaqstanda qabyldanyp jatqan memlekettik qoldaý sharalary turǵyn úı-qurylysynyń belsendi damýyn qamtamasyz etti. 2005 jyldan bastap birneshe memlekettik baǵdarlamany iske asyrý nátıjesinde jańa turǵyn úılerdi qoldanysqa berý kólemi artty. Elimiz egemendikke qol jetkizgeli beri barlyǵy 141 mln sharshy metr turǵyn úı boı kóterip, 1 mln 300 myń adamnyń baspana máselesinde jaǵdaıy jaqsardy. Nátıjesinde, keıingi 10 jylda 1 qazaqstandyq azamattyń baspanamen qamtylýy 31%-ǵa ulǵaıyp, 21,9 sharshy metr­ge jetti. Túpki maqsatymyz – 2030 jylǵa deıin bul kórsetkishti 30 sharshy metrge jetkizý, – dedi Marhabat Jaıymbetov.

 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar