Aımaqtar • 13 Qarasha, 2019

Front-keńse ashyldy

317 ret

kórsetildi

1 mın

oqý úshin

Jaqynda Altaı aýdanynda «Shyǵys – adaldyq alańy» front-keńsesi ashyldy. Aýdan ákimdiginiń ǵımaratynda ornalasqan keńsede jer qatynastary, sáýlet jáne qala qurylysy, jumyspen qamtý jáne áleýmettik baǵdarlamalar, turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimderiniń basshylary men mamandary jumys isteıtin bolady.

Azamat QASYM

«Oblys ákimi Danıal Ahmetovtiń tapsyrmasyna sáıkes aýdandar arasynda alǵash ashylǵan front-keńsede turǵyndarǵa keńes beriledi, tıisti qujattar qabyldanady. Front-keńsege júgingen qala turǵyndary «bir tereze» qaǵıdaty boıynsha jumys kúnderi saǵat 9.00-den 18.30-ǵa deıin qyzmet ala alady» dedi keńseniń ashylýynda sóz sóılegen Altaı aýdanynyń ákimi Nurjan Toqseıitov.

Front-keńseniń ashylý saltanatyna arnaıy kelgen Sybaılas jemqorlyqqa qarsy is-qımyl departamenti basshysynyń birinshi orynbasary Jiger Baıdildın «Shyǵys – adaldyq alańy» kedergisiz orta jasaýǵa, basshylardyń jaýapkershiligin kúsheıtýge, turǵyndarǵa jaıly jaǵdaı jasaýǵa jáne qoǵamdyq baqylaýdy kúsheıtýge múmkindik beretin biregeı joba ekendigin atap ótti. «Bul joba memlekettik organdar qyzmetiniń ashyqtyǵyn, eń bastysy, sybaılas jemqorlyqqa qarsy áreket máselelerine, azamattardyń memlekettik bılik organdaryna senimin arttyrýǵa baǵyttalǵan» deıdi ol.

Shyǵys Qazaqstan oblysy,

Altaı aýdany