Ulttyq paralımpıada komıtetiniń prezıdenti Qaırat Boranbaev qonaqtardy elimizdegi paralımpıadalyq qozǵalystyń qyzmetimen jáne múmkindigi shekteýli jandar arasynda buqaralyq sporttyń damýymen tanystyrdy.
Q. Boranbaev paralımpıadalyq qozǵalysty damytýda memlekettik qoldaýdyń mańyzdylyǵyn, sondaı-aq PJO mysalyna súıene otyryp, memlekettik-jekemenshik áriptestik aıasyndaǵy sátti yntymaqtastyqty atap ótti.
Ortalyqqa aı saıyn 4500-den astam adam keledi, jattyǵýlar 16 sport túri boıynsha ótkiziledi, túrli is-sharalar ótkiziledi, solardyń ishinde atap óterligi – 1-2 qarasha kúnderi elordada ótken alǵashqy balalar paralımpııasynyń oıyndary. Oǵan 220-dan astam bala qatysty.
Altaı Kólginov kelesi jyldan bastap ákimdiktiń júıeli negizde balalardyń paralımpııadalyq jarystaryn ótkizýge qoldaý kórsetetinin atap ótti.
Vıse-premer atalǵan bastamany qoldap, Bilim jáne ǵylym mınıstrligine Mádenıet jáne sport mınıstrligimen birlesip, respýblıkalyq deńgeıde Balalar paralımpııasynyń oıyndaryn uıymdastyrý máselesin qaraýdy tapsyrdy.
Ol sporttyń múgedekterdi ońaltýdyń mańyzdy quraldarynyń biri ekenin atap aıtty, sondyqtan mundaı jattyǵý ortalyqtaryn elimizdiń basqa óńirlerinde de ashý qajet.
«Bireýler úshin sport – bul óziniń fýnksıonaldyq múmkindikterin keńeıtý, densaýlyǵyn jaqsartý joly, al endi birleý úshin - kásibı sport sheberligin ıgerý múmkindigi. Bizdiń mindetimiz – sportty barlyq azamattar úshin, onyń ishinde múgedek jandar úshin de qoljetimdi etý», — dedi B. Saparbaev.
Sonymen qatar Premer-Mınıstrdiń orynbasary sportshylarmen sóılesip, aldaǵy Tokıoda ótetin oıyndarda olarǵa joǵary nátıjelerge qol jetkizýdi tiledi.
Ortalyq dırektory Shyńǵys Temirhanov osy jyly qarasha aıynda iske qosylǵan jańa aqparattyq júıe týraly aıtyp berdi.
Onyń aıtýynsha, avtomattandyrylǵan proseske kóshý jattyǵý ortalyǵynyń jumysyna sapaly taldaý júrgizýge múmkindik beredi. Árbir kelýshiniń halyqaralyq aýrýlar tizilimi júıesimen jaraqtalǵan kartasy bar. Osy kartada jeke analızine sáıkes sport zaldaryna ruqsaty men jazbalary saqtalǵan.
Sapar aıasynda sporttyq oıyn túrlerimen aınalysýǵa arnalǵan manej jobalary (zaǵıp jandar fýtboly, arbada otyryp regbı oınaý, golbol, para atletıkanyń birneshe dıssıplınasy), sondaı-aq arbada otyryp kıorlıng oınaýǵa arnalǵan arenalar tanystyryldy. Bul jobalar múgedek adamdardyń arasynda sportpen aınalysý deńgeıin birshama arttyryp, ulttyq quramalar úshin oqý-jattyǵý quramalary men halyqaralyq týrnırler ótkizýge múmkindik beredi.
