Qatarynan bes kezdesýde utylyp, qazaqstandyq kórermenderdiń kóńilin qulazytqan jerlesterimiz bul joly kózdegen maqsatyna qol jetkizdi. Biraq bul jeńis bizge ońaılyqpen kelgen joq. Birinshi kezeńde aıdyn ıeleri esep ashty. Tarazy basyn teńestirý úshin baqandaı 27 mınýt qajet boldy. Roman Starchenko men Darren Dıstyń tarapynan uıymdastyrylǵan shabýyldy Erık Tangreıdı nátıjeli aıaqtady. Odan keıin teń esep saqtalyp, oıyn overtaımǵa ulasty. Bul rette «Barystyń» baǵy jandy. Jeńis shaıbasyn Anton Sagadeev soqty. Esep – 1:2.
Osy kúnge deıin 23 kezdesý ótkizgen «Barys» qazirgi kezde 32 upaıdy enshilep otyr. Shyǵys konferensııasynda Nur-Sultannyń hokkeıshileri altynshy orynda tursa, turaqty birinshiliktiń jarys kestesinde segizinshi satyǵa jaıǵasty.
