Forýmǵa Qazaqstan halqy Assambleıasy Tóraǵasynyń orynbasary – QR Prezıdenti Ákimshiligi QHA hatshylyǵynyń meńgerýshisi Janseıit Túımebaev, Qazaqstandaǵy Lıtva Respýblıkasynyń Tótenshe jáne О́kiletti Elshisi Gıntaýtas Vasıýlıs, Panevejıs qalasynyń meri Rıtıs Rachkaýskas, Nur-Sultan qalasy ınvestısııalar jáne kásipkerlikti damytý basqarmasynyń basshysy Erlan Bekmurzaev, Lıtva Respýblıkasynan kelgen qurmetti qonaqtar, elordalyq kásipkerler men etnomádenı birlestikterdiń músheleri qatysty.
«Búgin Qazaqstan halqy Assambleıasynyń kásipkerler qaýymdastyǵy alǵash ret Qazaqstan men Lıtvanyń isker toptary arasynda ekijaqty forým ótkizip otyr. Qazirgi tańda bizdiń elderimiz jyldan jylǵa damyp kele jatqan ortaq tarıhpen jáne ekijaqty yntymaqtastyqpen nyǵaıtylǵan tyǵyz dostyq baılanystarǵa ıe. Qazaqstan men Lıtva arasynda saýda-ekonomıkalyq yntymaqtastyqtyń jaqsy bazasy bar. Lıtva Qazaqstannyń EO elderindegi iri saýda seriktesteriniń ondyǵyna jáne álemdegi jıyrma iri seriktesterge kiredi», - dep atap ótti Qazaqstan halqy Assambleıasy Tóraǵasynyń orynbasary – QR Prezıdenti Ákimshiligi QHA hatshylyǵynyń meńgerýshisi Janseıit Túımebaev.
Baǵdarlama boıynsha Elbasy N. Á. Nazarbaevtyń qoǵamdyq kelisim men jalpyulttyq birliktiń qazaqstandyq modeli men Qazaqstan halqy Assambleıasynyń jumysy tanystyryldy. Sonymen birge, qaladaǵy bızne qaladaǵy bıznes-qurylymdar qaýymdastyqtary týraly aqparattar málimdelip, áriptestik maqsatynda ózara tájirıbe almasty.
