Qazaqstan 2000 jyldan bastap Aqparatqa kirý, sheshimder qabyldaý prosesine jurtshylyqtyń qatysýy jáne qorshaǵan ortaǵa qatysty máseleler boıynsha sot ádildigine qol jetkizý týraly konvensııanyń qatysýshysy bolyp tabylady.
Hattama lastaýyshtardyń shyǵaryndylary men tasymaldarynyń tirkelimderi týraly alǵashqy zańdyq turǵydan mindetti halyqaralyq qujat bolyp tabylady. Onyń maqsaty jurtshylyqtyń aqparatqa qoljetimdiligin keńeıtýmen, jurtshylyqtyń qorshaǵan ortany lastaýdyń aldyn alý jáne ony azaıtý salasyndaǵy is-sharalarǵa qatysýymen baılanysty.
Hattamaǵa qosylý jurtshylyqtyń aqparatqa qoljetimdiligin keńeıtýdi qamtamasyz etedi, jurtshylyqtyń qorshaǵan ortany qorǵaýǵa qatysty máseleler boıynsha sheshimder qabyldaý prosesine qatysýyna yqpal etedi jáne Orhýs konvensııasyn iske asyrý sheńberinde Qazaqstan Respýblıkasynyń Birikken Ulttar Uıymyna múshe basqa memlekettermen yntymaqtastyǵyn nyǵaıtýdyń qısyndy jalǵasy bolyp tabylady.
Zań jobasy Palatanyń qaraýyna jiberildi.
