Qazaqstan • 13 Qarasha, 2019

Qyrǵyz Respýblıkasynda Qazaqstannyń medısına kúnderi bastaldy

203 retkórsetildi

Pedıatrııa jáne balalar hırýrgııasy ǵylymı ortalyǵy Bishkek qalasynda ótip jatqan Qazaqstannyń medısına kúnderi aıasynda  Qyrǵyz respýblıkasynyń Ana men balany qorǵaý ulttyq ortalyǵymen jáne Onkologııa jáne gematologııa ulttyq ortalyǵymen eki jaqty áriptestik pen yntymaqtastyq týraly memorandýmǵa qol qoıdy.

Eki kúndik sharaǵa elimizdiń Densaýlyq saqtaý mınıstri Eljan Birtanov bastaǵan 100-den astam delegat qatysýda. Is-shara Prezıdent Qasym-Jomart Toqaevtyń Qyrǵyz respýblıkasyna resmı sapary qarsańynda ótýde.

Qyrǵyzstandaǵy qazaqstandyq medısına kúnderi – bul Qazaqstan men Qyrǵyzstan densaýlyq saqtaý júıeleri arasyndaǵy yntymaqtastyqty kúsheıtýge, medısınalyq uıymdar arasyndaǵy ózara is-qımyldy keńeıtýge, eki eldiń azamattaryna medısınalyq kómek kórsetýdiń qoljetimdiligi men sapasyn qamtamasyz etý jolynda tájirıbe men bilimmen, ınnovasııalar men tehnologııalarmen almasýǵa baǵyttalǵan is-shara.

Memorandým aıasynda eki el arasynda medısınalyq kómek kórsetýdi arttyrý, medısınalyq týrızmdi damytý, medısına qyzmetkerler men dárigerlerdiń biliktilikterin arttyrý jáne t.b. salalar boıynsha eki jaqty áriptestik ornatylmaq.

Shara barysynda sonymen qatar, Qazaqstan men Qyrǵyzstan medısınalyq uıymdary arasynda 10 memorandýmǵa qol qoıyldy.

Sapar barysynda qazaqstandyq mamandar medısınalyq uıymdarda azamattarǵa tegin keńes berýdi uıymdastyrýdy josparlaýda. Sondaı-aq is-shara aıasynda Qazaqstannyń ozyq medısınalyq uıymdarynyń qatysýymen medısınalyq kórme ótedi.

Sońǵy jańalyqtar

Ýrbanıstik ortalyqqa aınalýdyń bir tutqasy

Aımaqtar • 07 Jeltoqsan, 2019

Qaraǵandyda Antikor Ortalygy mekemesi ashyldy

Aımaqtar • 07 Jeltoqsan, 2019

Qazalyda retro-festıval ótti

Aımaqtar • 07 Jeltoqsan, 2019

Almatylyq dızaınerdiń Stokgolmde kórmesi ashyldy

Rýhanııat • 07 Jeltoqsan, 2019

Almatyda jas órenderdiń jarysy aıaqtaldy

Sport • 07 Jeltoqsan, 2019

Qarqaraly aýdanyna jańa ákim taǵaıyndaldy

Taǵaıyndaý • 07 Jeltoqsan, 2019

«El birligi – 2019» marapattaý saltanaty ótti

Rýhanııat • 07 Jeltoqsan, 2019

Asyq oıyny balalardy ómirlik tájirıbege baýlıdy

Rýhanııat • 07 Jeltoqsan, 2019

Kúlki kerýeni № 20

Rýhanııat • 06 Jeltoqsan, 2019

Uqsas jańalyqtar