Bizdiń bir top senatorlar 1 qarashada elimizdiń ekonomıkalyq áleýeti zor iri ındýstrıaldy aımaǵy – Pavlodar oblysyna jumys babyndaǵy saparmen barǵan bolatyn. Aımaqtyń tarıhy baı, tabıǵaty sulý, tamasha dástúri bar ekeni barshaǵa belgili. Biz óz eli men isin jan-tánimen súıetin tamasha jandar­men júzdestik. Máslıhat depýtat­tary­men, jurtshylyq ókilderimen múd­­­delilik turǵysynda beıresmı sıpat­taǵy emen-jarqyn ashyq áńgi­me óristedi. Ortalyq pen oblys ara­syn­daǵy ózara qarym-qatynasty, aımaqty odan ári damytý jónindegi kóptegen asa mańyzdy ári aýqymdy máseleler senatorlardyń aldyna qoıyldy. Birqatar taqyryptardy áriptesterimiz de, ózimiz de túrtip aldyq.

Biz máselelerdi jan-jaqty taldaı otyryp, talqyǵa salyp, suraqtarǵa jaýap tabýdy jáne olardy sheshý jol­daryn anyqtaýdy nıet ettik. Keıin­gi kezde eldi ındýstrııalandyrý baǵdar­lamasynyń tıimdiligine udaıy syn aıty­lyp keledi. Degenmen qazirgi zaman­ǵy óndiristerdi, ınnovasııalyq tehno­lo­gııalardy jáne jańa maman­dyq­tardy ıgergen adamdardy óz kóziń­men kórýdiń jóni basqa.

Biz «Pavlodar» arnaıy ekonomı­kalyq aımaǵynda boldyq, qospaly alıýmınıı men odan ónim jasaıtyn zaýyttyń jumysymen tanystyq. Avtomobıl dóńgelekterine arnalǵan dıskiler elimizde de, odan tys jerlerde de suranysqa ıe bolyp otyr. Qazirgi zamanǵy tamasha óndiris, áleýeti joǵary. Múmkindigi shekteýli adamdardy zaýytqa qabyldaý jónindegi kásip­oryn basshylyǵynyń belsendi kadr saıasaty qoldaýdy talap etedi. Olar­dyń kópshiligi óndiris ozattary bolyp otyr. Hımııa salasyna baǵyttalǵan on kásiporynnyń ónim kólemi de kóńilge qýanysh uıalatady. Olardyń qatarynda 30 myń tonnadan astam kaýstıkalyq soda, 240 tonna dezınfeksııalaý qu­ral­dary, avtokólikterge arnalǵan 28 myń tonna maılaý materıaldary, son­daı-aq 11 myń tonna agrohımııalyq ónim (gerbısıdter men pestısıdter) ón­di­risi bar. Elimizde de, shetelde de bul ónim­derge degen suranys únemi ósip keledi.

Barlyq kezdesýlerimiz mazmundy ári paıdaly boldy. Senatorlar toby júzdesýlerdi uıymdastyrýǵa kómekteskeni úshin oblys ákimi Bolat Baqaýovqa alǵys bildiredi. Bizdiń Pavlodarǵa sapar baǵdarlamasynyń erekshe jáne eń mańyzdy bóligi – Qazaqstan Jastary kongresi kúnderi­niń is-sharalary boldy.

Biz «Jas Ulan» balalar qozǵalysy­nyń qataryna bastaýysh synyp oq­ý­shy­laryn qabyldaý saltanatty rási­mine, jastar eńbek jasaqtarynyń XV «Jasyl el» maýsymynyń jabylý rási­mi­ne qatysyp, ulttyq eriktiler jeli­sine qatysý­shylardyń jobalar kórmesinde boldyq.

Sapar sońynda Qazaqstan Jastary kongresiniń plenarlyq otyrysy boldy. «Jas Ulan» balalarymen júz­desý zor áser qaldyrdy. Olardyń shy­na­ıylyǵy men ashyqtyǵy, Otanǵa adal­dyǵy jáne oǵan qyzmet etýge daıyn­dyǵy bizdi rıza etti. Jastardyń Otany­myzǵa degen rııasyz senimi men adal­dyǵyna kýá boldyq. Ony úlkenderge úlgi retinde usynýǵa da bolar edi.

Sapar barysyndaǵy júzdesýler aıasyndaǵy Jastar kongresiniń aktıvi­men áńgime este qaldy. Kóptegen balalardy ózim de biraz ýaqyttan beri bilemin, olar meniń kóz aldymda ósti, ózdiginen sheshim qabyldaıtyn ári ózin-ózi qamtamasyz etetin adamdarǵa aınaldy. Olarmen kezdesýler, olardyń bastaǵan isteri men jetistikteri ár­kez qýanysh syılaıdy. Kúsh-jigeri qaına­ǵan jastar tolǵan zaldan: «Sizder úshin qazaqstandyq arman degen ne?», dep suradym. Zaldaǵy janary ushqyn shashqan balalar bir sátke oılanyp qaldy, shamaly ýaqyttan keıin qyzý áńgimege kýá boldym. Jetkinshekter áýeli bir-birimen, sodan keıin mıkrofon alyp, oılaryn barshamen bólise bastady. Jastar eń mańyzdy máselelerdi kóterdi. Beıbitshilik pen kelisim, bir-birine qulaq asý jáne túsiný qajettigi, berik otbasylyq qatynastar, qaıyrym­dy­lyq jáne ózara kómek týraly áń­gime óristedi. Elimizdiń jáne mem­le­ket­tiń balalyq shaq pen balalar uıym­­daryna basqasha nazar aýdarýdy qalaıtyndary týraly aıtty. Balalardy sóz alýǵa eshkim arnaıy daıyndaǵan joq, olar oılaryn bıpazdap ta jatqan joq, biraq olardyń josparsyz sózderinde shynaıylyq pen jalyn atqan jastyq jiger boldy. Bizdiń áńgimemiz uzaqqa jalǵasýy múmkin edi, óıtkeni kóptegen jastar óz pikirlerimen bóliskisi keledi. Biz qazaqstandyq arman týraly áńgimeni jaqyn arada jalǵastyrýǵa kelistik.

Osynaý qysqa, biraq óte mazmundy sapar­dyń nátıjesinde elimizge, Otany­myzǵa shyn júrekten senetin, onyń tamasha bolashaǵy týraly bizdiń sózimizge ılanatyn jas jigitter men qyzdar týraly oılarǵa erik berdim. Biz, aǵa urpaq, olardyń úmitteri men senimderine selkeý túsirýge quqymyz joq. Sonymen qatar, biz jastarǵa úmit artýymyz ári senýimiz kerek. Olar oǵan laıyqty.

Qazaqstandyq arman qandaı bolýy kerek degen oı búkil qoǵamǵa keńi­nen qanat jaısa jaqsy bolar edi. Bizdi biriktiretin, jańa shyń­dar­ǵa shaqyratyn arman bizdiń memleketi­mizdi, ortaq úıimizdi nyǵaıtady.